આજે શેરબજારમાં ભારે ઉછાળો જોવા મળ્યો હતો. સાથે સાથે ડોલર સામે રૂપિયો 53 પૈસા મજબૂત બન્યો હતો. ઈરાન અને અમેરિકા વચ્ચે છેલ્લા 107 દિવસથી ચાલી રહેલા યુદ્ધ સમાપ્ત થવાની જાહેરાત બાદ ભારત સહિત એશિયાના અન્ય શેરબજારોમાં પણ તેજી જોવા મળી હતી.
ભારતીય શેરબજારમાં સેન્સેક્સ 1,080 અંકના જંગી ઉછાળા સાથે ખુલ્યો હતો, જ્યારે નિફ્ટી-50માં 330 અંકની તેજી નોંધાઈ હતી.
સેન્સેક્સમાં આ શેરોએ દેખાડી સૌથી વધુ તેજી
સેન્સેક્સમાં સમાવિષ્ટ 30 કંપનીઓમાંથી ઇન્ડિગો, ઈટરનલ લિમિટેડ, બજાજ ફાયનાન્સ અને એશિયન પેઈન્ટ્સના શેરોમાં સૌથી વધુ વધારો નોંધાયો હતો. રોકાણકારોના ઉત્સાહને કારણે આ શેરોમાં જોરદાર ખરીદી જોવા મળી હતી.
નિફ્ટીમાં ટોચના ગેઇનર્સ
નિફ્ટી-50માં સૌથી વધુ તેજી સાથે ટ્રેડ થયેલા શેરોમાં શ્રીરામ ફાયનાન્સ, ઇન્ડિગો, ઈટરનલ લિમિટેડ, બજાજ ફાયનાન્સ અને ટાટા મોટર્સ પેસેન્જર વ્હીકલ્સનો સમાવેશ થયો હતો. આ પાંચેય શેરો દિવસ દરમિયાન ટોચના ગેઇનર્સ તરીકે ઉભરી આવ્યા હતા.
યુદ્ધવિરામની જાહેરાત બાદ વૈશ્વિક બજારોમાં વધેલી આશાવાદી ભાવનાનો સીધો લાભ ભારતીય શેરબજારને મળ્યો હોવાનું બજાર નિષ્ણાતોનું માનવું છે.
