ગુજરાતમાં સ્થાનિક સ્વરાજ્યની ચૂંટણીનો માહોલ જામ્યો છે ત્યારે નવસારી જિલ્લામાં મતદાન પહેલા જ ભારતીય જનતા પાર્ટીએ જીતની શરૂઆત કરી દીધી છે. જિલ્લા પંચાયતની કુલ 30 બેઠકોમાંથી 3 બેઠકો પર ભાજપે બિનહરીફ વિજય મેળવી પોતાનું ખાતું ખોલાવ્યું છે.
માત્ર નવસારી જિલ્લા પંચાયત જ નહીં, પરંતુ તાલુકા પંચાયત સ્તરે પણ ભાજપનો દબદબો જોવા મળ્યો છે. પ્રાપ્ત વિગતો અનુસાર, ગણદેવી તાલુકા પંચાયતની વિવિધ બેઠકો જેવી કે બિગરી-1, બિગરી-2, ભાઠા, અજરાઈ, માસા અને મટવાડ બેઠકો પર પણ ભાજપના ઉમેદવારો બિનહરીફ જાહેર થયા છે. વિપક્ષી છાવણીમાં આ ગાબડું પડતા કાર્યકરોમાં સોપો પડી ગયો છે.
ગણદેવી અને ચીખલીમાં વિપક્ષ મેદાનમાં નહોતો
આ ત્રણેય બેઠકો ગણદેવી અને ચીખલી તાલુકાની છે. ગણદેવી તાલુકાની બે અને ચીખલી તાલુકાની એક બેઠક પર વિપક્ષી ઉમેદવારો મેદાનમાં નહોતા ઉતર્યા, જેના કારણે ભાજપના ઉમેદવારોને બિનહરીફ વિજેતા જાહેર કરવામાં આવ્યા.
આ ઉમેદવારો થયા બિનહરીફ વિજેતા
બિનહરીફ જીતનાર ઉમેદવારોમાં દેવસર બેઠક પરથી રેખાબેન બિપિનભાઈ પટેલ, બિગરી બેઠક પરથી ભીખુભાઈ અમરતભાઈ પટેલ અને ચીખલી તાલુકાની ઘેજ બેઠક પરથી પૂર્વ જિલ્લા પંચાયત પ્રમુખ અમિતાબેન પટેલનો સમાવેશ થાય છે.
10% બેઠકો જીતતા ભાજપમાં ખુશીનો માહોલ
જિલ્લા પંચાયતની કુલ 30 બેઠકોમાંથી 3 બેઠકો પર બિનહરીફ જીત મળતા ભાજપના કાર્યકરો અને નેતાઓમાં ભારે ઉત્સાહ જોવા મળ્યો હતો. આ જીતની ખુશીમાં પાર્ટી આગેવાનો દ્વારા ફૂલહાર અને ફટાકડાં ફોડીને ઉજવણી કરવામાં આવી હતી.
તાલુકા પંચાયત
- બીગરી-1 સીમાબેન સુરેશભાઈ ટંડેલ
- બીગરી- 2 મહેશ કુમાર રમનલલાલ પટેલ
- દેવસર- 2 પુસ્પબેન સુરેશભાઈ પટેલ
- માસા– જયશ્રીબેન ભાવેશકુમાર પટેલ
- ભાઠા– હીનાબેન પ્રજ્ઞેશભાઈ પટેલ
- અજરાઇ– સંગીતબેન આશિષભાઈ દેશાઇ
જીલ્લા પંચાયત
- રેખાબેન વિપીનભાઈ પટેલ
- ભીખુભાઇ પટેલ
