મહારાષ્ટ્ર મ્યુનિસિપલ કોર્પોરેશનની ચૂંટણી BMC ELECTION RESULT માટે મત ગણતરી ચાલી રહી છે. ત્યારે મહારાષ્ટ્રના રાજકારણમાં આશ્ચર્યજનક પરિણામો આવી રહ્યાં છે. મહત્ત્વની વાત એ છે કે અહીં એક પરિવારે એક એવી સિદ્ધિ મેળવી છે જે ભૂતકાળમાં દેશના કોઈ ખૂણે યોજાયેલી કોઈપણ ચૂંટણીમાં જોવા મળી નથી. મહારાષ્ટ્ર મ્યુનિસિપલ કોર્પોરેશનની ચૂંટણીમાં એક જ પરિવારના ત્રણ સભ્યોનો અલગ-અલગ પક્ષમાંથી વિજય થયો છે.
મ્હાત્રે પરિવારે મહારાષ્ટ્ર મ્યુનિસિપલ કોર્પોરેશનની ચૂંટણીમાં વિજય બનીને અભૂતપૂર્વ ઈતિહાસ રચ્યો છે. પરિવારના ત્રણ સભ્યો ત્રણ અલગ-અલગ પક્ષોની ટિકિટ પર ચૂંટણી લડ્યા હતાં અને ત્રણેય વોર્ડ જીતી લીધા છે. આ ત્રણેય ડોંબિવલીના 21 નંબરના વોર્ડની પેનલમાં ચૂંટણી મેદાનમાં ઉતર્યા હતા પણ ત્રણેયનો અલગ-અલગ પક્ષમાંથી વિજય થયો છે.
કોણ કઈ પાર્ટીમાંથી જીત્યા?
પ્રહલાદ મ્હાત્રે: મહારાષ્ટ્ર નવનિર્માણ સેના (MNS)ની ટિકિટ પર વિજયી થયા છે.
રેખા મ્હાત્રે: શિવસેનાની ટિકિટ પર જીત હાંસલ કરી છે.
રવિન મ્હાત્રે: ભારતીય જનતા પાર્ટીના ઉમેદવાર તરીકે પોતાનો વોર્ડ જીતવામાં સફળ રહ્યા છે.
