સુરતમાં ત્રણ વિદ્યાર્થીઓએ અનોખી કાર બનાવી છે, આ કાર જયારે રસ્તા પર દોડે છે ત્યારે તેને જોઇને લોકો આરચર્યચકિત થઈ જાય છે. કારણ કે આ કારની ડીઝાઈન સામાન્ય કારો કરતા સંપૂર્ણ અલગ છે. એન્જિનિયરિંગના છેલ્લા વર્ષમાં અભ્યાસ કરતા ત્રણ વિદ્યાર્થીઓએ ફયુચરિસ્ટિક કન્સેપ્ટ કેપ્સુલ કાર બનાવી છે. આ કાર સિંગલ ચાર્જમાં ૮૦ કિલોમીટર ચાલે છે અને ૩૫ કિમીની સ્પીડે છેડે છે. ૬૫ હજારતા ખર્ચે વિદ્યાર્થીઓએ આ કાર તૈયાર કરી છે.
ટેકનોલોજીના યુગમાં માર્કેટમાં અલગ અલગ પ્રકારની ડીઝાઈન અને સુવિધાવાળી કારો રસ્તામાં ઘર જોવા મળે છે. પરંતુ સુરતમાં ત્રણ વિદ્યાર્થીઓએ એક અનોખી કાર બનાવી છે. એન્જિનિયરિંગના છેલ્લા વર્ષમાં અભ્યાસ કરતા ત્રણ વિદ્યાર્થી ઓ શિવમ મૌર્ય, સંગમ મિશ્રા અને દિલજીત દ્વારા સુરતમાં ફયુચરિસ્ટિક કન્સેપ્ટ કેપ્સુલ કાર બતાવવામાં આવી છે. આ કારની ખાસિયતની જો વાત કરીએ તો સૌ પ્રથમ તેની ડીઝાઈન આકર્ષણનું કેન્દ્ર બને છે તો બીજી તરફ આ સંપૂર્ણપણે ઈલેક્ટ્રિક વ્હિકલ છે. વિદ્યાર્થીઓ દ્વારા પર્યાવરણને ધ્યાનમાં રાખીને આ કાર બતાવવામાં આવી છે.
વિદ્યાર્થી શિવમ મોર્યાએ જણાવ્યું હતું કે હું બીટેકમાં ફાઈનલ યરમાં અભ્યાસ કરી રહ્યો છું. અમે અવાર નવાર યુનિક અને નવી વસ્તુઓ બનાવતા રહીએ છીએ. અગાઉ પણ અમે કેટલાક પ્રોજેક્ટ બનાવ્યા હતા પરંતુ અમે વિચાર્યુ કે ભવિષ્યમાં કામ આવે એવા પ્રોજેક્ટ પર કામ કરીએ. જે ભવિષ્યમાં ચાલે અને એવો પ્રોજેક્ટ જે કોઈએ અત્યાર સુધી બનાવ્યો ના હોય. તેથી અમે આ કન્સ્પેટ પર કામ કરવાનું શરુ કર્યું હતું પ્લાનિંગ કરતા કરતા અમારા મગજમાં આવ્યું કે ફયુચર કન્સ્લેટ વ્હીકલ બનાવીએ જે ભવિષ્યમાં ચાલે. આ કચેટને લઈને તેના પર કામ કરવાનું શરુ કર્યું હતું. એકથી દોઢ મહિનો કામ કરીને કારની ડીઝાઈન પૂર્ણ કરી હતી. બાદમાં કમ્પ્લેટ કરીને રોડ પર ટેસ્ટીંગ કરવામાં અમને બેથી ત્રણ મહિનાનો સમય લાગ્યો હતો,
આ પણ વાંચો :-
