ગૂગલમાં કર્મચારીઓને છટણી કરવાની પ્રક્રિયા અટકવાનું નામ નથી લઇ રહી. વિશ્વના સૌથી મોટા સર્ચ એન્જિન ગૂગલમાં ફરીથી છટણીની પ્રક્રિયા પૂરજોશમાં ચાલી રહી છે. તાજેતરમાં, સુંદર પિચાઈની આગેવાની હેઠળ આલ્ફાબેટની આખી પાયથોન ટીમને કાઢી મૂકવામાં આવી છે. જેમાં ગૂગલે ૨૦૦ કર્મચારીઓને નોકરીમાંથી છુટા કરી દીધા છે.
ગૂગલએ ગઈ ૨૫ એપ્રિલે પોતાના પહેલા ક્વાર્ટરમાં ધમાકેદાર ઈનકમ રિપોર્ટ કરવાના પહેલા પોતાની કોર ટીમમાં મોટી છટણી કરી હતી. એક રિપોર્ટ અનુસાર તેના હેઠળ કંપનીએ ઓછામા ઓછા ૨૦૦ કર્મચારીઓને બહારનો રસ્તો બતાવ્યો છે. તેના ઉપરાંત કહેવામાં આવ્યું છે કે ગુગલે પોતાના અમુક નિયુક્તાને ભારત અને મેક્સિકોમાં ટ્રાન્સફર કરવા પર પણ વિચાર કરી રહ્યું છે. ગુગલે આ નવી છટણી થોડા દિવસો પહેલા ફ્લટર, ડાર્ટ અને પાયથન ટીમોમાંથી કર્મચારીઓને નિકાળ્યા બાદ કરી.
અહેવાલ મુજબ, Layoffની જાહેરાત ગૂગલ ડેવલોપર ઈકોસિસ્ટમના વાઈસ પ્રેસિડેન્ટ અસીમ હુસેને કરી અને ગયા અઠવાડિયે કોર ટીમમાં કામ કરનાર પોતાના કર્મચારીઓને આ સંબંધમાં એક ઈમેલ મોતલીને જાણકારી આપી હતી. પાયથન ટીમ એન્જિનિયર્સનું એક ગ્રુપ છે, જે વિવિધ ઉત્પાદનોમાં વપરાયેલી પ્રોગ્રામિંગ લેંગ્વેજની ડિમાન્ડ સંભાળવાનું અને તેને સ્થિર રાખવાનું કામ કરે છે.
