બોમ્બે સ્ટોક એક્સચેન્જનો ૩૦ પોઈન્ટનો સંવેદનશીલ ઈન્ડેક્સ ‘સેન્સેક્સ‘ શુક્રવારે વધુ એક માઈલસ્ટોન પાર કરી ગયો હતો. આજના કારોબારની શરૂઆતના લગભગ એક કલાક બાદ સેન્સેક્સે ૭૧,૦૦૦નો આંકડો પાર કર્યો હતો.
સેન્સેક્સ ૭૧,૦૮૪ના આંકડાને સ્પર્શી ગયો છે અને હાલમાં ૭૧ હજારની નીચે ટ્રેડ કરી રહ્યો છે. તે જ સમયે, દેશના સૌથી મોટા સ્ટોક એક્સચેન્જ NSEનો મુખ્ય સૂચકાંક નિફ્ટી ૨૧,૩૦૦ની ઉપર પહોંચી ગયો છે.
ગઇ કાલે અમેરિકાની સેન્ટ્રલ બેંક ફેડરલ રિઝર્વ તરફથી મળેલા સકારાત્મક સંકેતોને કારણે બજારમાં તેજી આવી છે. ફેડરલ રિઝર્વના વડા જેરોમ પોવેલે બુધવારે સંકેત આપ્યો હતો કે ફુગાવો નિયંત્રણમાં રહેશે તેવી અપેક્ષાને કારણે ૨૦૨૪માં વ્યાજ દરોમાં ત્રણ વખત ઘટાડો કરવામાં આવી શકે છે.
આ પણ વાંચો :-
