ભારતે ચીનના પડોશી અને દુશ્મન ફિલિપાઇન્સને ૭ હેલિકોપ્ટર આપવાની ઓફર કરી હોવાના અહેવાલો સામે આવ્યા છે. આ અંગે ફિલિપાઇન્સના રાષ્ટ્રપતિ ફર્ડિનાન્ડ આર માર્કોસ જૂનિયરે પણ ટ્વિટ કરીને જાહેરાત કરી છે. ફિલિપાઈન્સ કોસ્ટ ગાર્ડના વડા આ વર્ષે ઓગસ્ટમાં ભારતની મુલાકાતે આવ્યા હતા. આ દરમિયાન તેમણે એડવાન્સ્ડ લાઈટ હેલિકોપ્ટરનું પ્રદર્શન નિહાળ્યું હતું, જેનાથી તેઓ ખુબ જ પ્રભાવિત થયા હતા, ત્યારે ભારત આ હેલિકોપ્ટ ફિલિપાઈન્સને સોંપશે, તેવી સત્તાવાર જાહેરાત થઈ ગઈ છે.
ભારતે PCGને ૬ હેલિકોપ્ટર ઉપલબ્ધ કરાવવાની જાહેરાત કરી છે. રાષ્ટ્રપતિ ભવનના કોમ્યુનિકેશન ઓફિસ દ્વાર ગઈકાલે બહાર પડાયેલી પ્રેસ રિલિઝમાં જણાવ્યું છે કે, રાષ્ટ્રપતિ માર્કોસ ભારતના પ્રસ્તાવ અંગે પરિવહન વિભાગ અને ફિલિપાઈન્સ કોસ્ટ ગાર્ડ સાથે ચર્ચા કરશે. જો આ ડીલ થશે તો ફિલિપાઈન્સ ભારતમાં બનાવાયેલ ALH MKIII ખરીદનાર પ્રથમ દેશ બનશે. ઉલ્લેખનિય છે કે, અગાઉ ફિલિપાઈન્સે રશિયા-ભારતના સંયુક્ત સાહસ હેઠળ ભારતમાં બનાવાયેલ બ્રહ્મોસ સુપરસોનિક ક્રૂઝ મિસાઈલો ખરીદી હતી.
ફિલિપાઈન્સમાં ભારતના રાજદૂત કુમારને પણ પુષ્ટિ કરતા કહ્યું કે, દરિયાઈ ખોજ, બચાવ ઓપરેશન અને માનવીય મદદ માટે ફિલિપાઈન્સને ૭ હેલિકોપ્ટર આપવા ભારત સરકાર, પીસીજી અને ડીઓટીઆર વચ્ચે વાતચીત ચાલી રહી છે. કુમારે રાષ્ટ્રપતિ માર્કોસને કહ્યું કે, ચર્ચા સફળતાપૂર્વક ચાલી રહી છે. ફિલિપાઈન્સ કોસ્ટ ગાર્ડ પણ રસ દાખવ્યો છે.
ચીનનો ભારતની સાથે ફિલિપાઈન્સ સાથે પણ અવારનવાર વિવાદ થતો રહે છે. અગાઉ ૨૦૨૧માં ચીને દક્ષિણ ચીની સમુદ્રમાં ફિલિપાઈન્સની પેટ્રોલિંગ શીપને અટકાવતા વિવાદ થયો હતો. એ વખતે ફિલિપાઈન્સના પ્રમુખે કહ્યું હતું કે જળનું પાણી લોહિયાળ બનશે પછી જ કદાચ આ વિવાદ ખતમ થશે. એવું કહીને તેમણે ચીન સાથે આરપારની લડાઈના સંકેતો આપ્યા હતા.
ભારતીય વિમાન ઉત્પાદક હિન્દુસ્તાન એરોનોટિક્સ લિમિટેડ દ્વારા ઓગસ્ટ ૨૦૨૩માં ગોવામાં ગ્રાહકો માટે એક પ્રદર્શનનું આયોજન કરાયું હતું, જેમાં હેલિકોપ્ટરની ખાસીયત સહિતની બાબતોને ઉજાગર કરાઈ હતી. આ કાર્યક્રમમાં ફિલિપાઈન્સ કોસ્ટ ગાર્ડના વડા એડમિરલ આર્ટેમિયો એમ અબૂ પણ ઉપસ્થિત રહ્યા હતા.
આ પણ વાંચો :-