ઇઝરાઇલી ડિફેન્સ ફોર્સના જવાનો એક પરિસરમાં ઘુસતા જોવા મળી રહ્યા છે. અહીં આતંકવાદીઓ દ્વારા બંધક બનાવાયેલ લોકોને સેના છોડાવી રહી છે. ૭ ઓક્ટોબરના આ ઓપરેશનનો લાઈવ વીડિયો સોશિયલ મીડિયા પર પોસ્ટ કરી સેનાએ લખ્યું છે કે, ઇઝરાઇલી સેનાએ ગાઝા સરહદ નજીક એક મોટું લાઈવ ઓપરેશન પાર પાડ્યું. આ દરમિયાન આતંકવાદીઓએ બંધક બનાવેલ ૨૫૦ લોકોને સુરક્ષિત છોડાવ્યા અને હમાસના 60 આતંકવાદીઓ પણ ઠાર કર્યા.
ઘર્ષણ દરમિયાન સૈનિકોએ આતંકવાદી સંગઠન સાથે સંકળાયેલ 60થી વધુ આતંકવાદીઓને ઠાર કર્યા અને લગભગ ૨૫૦ બંધકોનો સુરક્ષિત બચાવ્યા. આઈડીએફએ વધુમાં કહ્યું કે, હમાસના દક્ષિણી નૌસેનિક બ્રિગેડના ડેપ્યુટી કમાન્ડર મુહમ્મદ અબૂ અલી સહિત ૨૬ આતંકવાદીઓની ધરપકડ કરવામાં આવી.
દરમિયાન ઇઝરાઇલી સેનાએ હવાઈ હુમલામાં અત્યાર સુધીમાં ગાઝાના ૧૫૩૭ લોકોને મોતને ઘાટ ઉતારી દીધાના અહેવાલ મળી રહ્યા છે. જ્યારે ઈઝરાયલમાં ૧૩૦૦થી વધુ લોકોના મોતના અહેવાલ છે, જેમાં ૨૨૨ જેટલાં ઈઝરાયલી સૈનિકો સામેલ છે. ગાઝાના સ્વાસ્થ્ય મંત્રાલયે તેની માહિતીમાં જણાવ્યું કે, ઈઝરાઇલી હવાઈ હુમલામાં ૫૦૦ બાળકો અને ૨૭૬ મહિલાઓ સહિત ૧૫૩૭ પેલેસ્ટિનીઓ માર્યા ગયા હતા અને ૬૬૧૨ ઘવાયા હતા.
આ પણ વાંચો :-
- ભારત-પાકિસ્તાન મેચ પહેલા રઉફ શેખએ બનાવી વિશ્વની સૌથી નાની ગોલ્ડ ટ્રોફી
- પિતાનું ગળું કાપીને અંતિમ સંસ્કાર કરવા પહોંચ્યો પુત્ર, સ્મશાનમાંથી ધરપકડ
