એશિયન ગેમ્સ 2023ના ૧૪ દિવસે ભારતીય ખેલાડીઓનું શાનદાર પ્રદર્શન જોવા મળી રહ્યું છે. ભારતે એશિયન ગેમ્સના ઈતિહાસમાં આજે પ્રથમ વખત ૧૦૦ મેડલનો આંકડો પાર કરી લીધો છે. ભારત માટે ૧૦૧મો મેડલ ગોલ્ડના રૂપમાં આવ્યો હતો. ભારતીય બેડમિન્ટન જોડી સાત્વિક સાઈરાજ અને ચિરાગ શેટ્ટીએ ભારત માટે બેડમિન્ટન ડબલ્સમાં પ્રથમ ગોલ્ડ મેડલ જીત્યો હતો. હવે ભારતીય મેન્સ ક્રિકેટ ટીમ ને પણ ગોલ્ડ મેડલ મળ્યો છે.
એશિયન ગેમ્સ ૨૦૨૩ની ફાઈનલ મેચમાં ભારતનો સામનો અફઘાનિસ્તાન સામે થયો હતો. પ્રથમ બેટિંગ કરતા અફઘાનિસ્તાને ૧૮.૫ ઓવરમાં પાંચ વિકેટ ગુમાવીને ૧૧૨ રન બનાવ્યા હતા. આ પછી વરસાદના કારણે આગળની રમત રમાઈ શકી ન હતી અને વધુ સારી રેન્કિંગના આધારે ભારતને વિજેતા જાહેર કરવામાં આવ્યું હતું. ભારતીય ટીમને ગોલ્ડ મેડલ મળ્યો છે. આ સાથે જ અફઘાનિસ્તાને સિલ્વરથી સંતોષ માનવો પડ્યો હતો. આ સાથે ભારત પાસે ૨૭ ગોલ્ડ, ૩૫ સિલ્વર અને ૪૦ બ્રોન્ઝ મેડલ આવી ગયા છે.
આ પણ વાંચો :-
