છત્તીસગઢના બીજાપુર જિલ્લામાં સુરક્ષાદળો અને નક્સલવાદીઓ વચ્ચે અથડામણ થઈ છે. આ એન્કાઉન્ટરમાં સુરક્ષાદળોએ છ નક્સલવાદીઓને ઠાર કર્યા છે. પોલીસે જણાવ્યું કે આજે સવારે એન્કાઉન્ટર દરમિયાન એક મહિલા સહિત ૬ નક્સલીઓ માર્યા ગયા છે. પોલીસ અધિકારીઓએ જણાવ્યું કે જિલ્લાના બાસાગુડા પોલીસ સ્ટેશન વિસ્તાર અંતર્ગત આવતા ચિકુરભટ્ટી અને પુસબકા ગામના જંગલમાં અથડામણમાં સુરક્ષાદળોએ છ નક્સસીઓને ઠાર માર્યા છે જેમાં એક મહિલા નક્સલી પણ સામેલ છે.
છત્તીસગઢના બીજાપુરના બાસાગુડા પોલીસ સ્ટેશન વિસ્તારમાં સુરક્ષા દળો અને નક્સલવાદીઓ વચ્ચે ભીષણ અથડામણ થયુ છે. સુરક્ષા દળોની ટીમમાં કોબરા ૨૧૦, ૨૦૫, CRPF ૨૨૯ બટાલિયન અને DRGની સંયુક્ત ટીમે આ કાર્યવાહી કરી છે. જવાનોએ જંગલમાં નક્સલીઓ પર જોરદાર ગોળીબાર કર્યો હતો. જવાનો દ્વારા કરવામાં આવેલા ગોળીબારમાં ૬ નક્સલવાદીઓ માર્યા ગયા હોવાના સમાચાર સામે આવી રહ્યા છે. આ એન્કાઉન્ટર બાદ બાસાગુડાના જંગલમાં સૈનિકોએ સર્ચ દરમિયાન નક્સલવાદીઓના મૃતદેહો મેળવી લીધા છે.
ઉલ્લેખનીય છે કે, બીજાપુર જિલ્લામાં હોળીના દિવસે અજાણ્યા શખ્સોએ ત્રણ ગ્રામીણોની હત્યા કરી હતી. આ હત્યાકાંડ પાછળ નક્સલી હોવાનું કહેવાયું હતું. હત્યાની ઘટના બાદ સુરક્ષા દળોની એક ટીમ પોલામપલ્લી, ચિપ્પુરભટ્ટી વિસ્તારમાં સર્ચ ઑપરેશનમાં ગઈ હતી. આ દરમિયાન સલામતી દળોની ટીમ અને નક્સલવાદીઓ વચ્ચે અથડામણ થઈ હતી. મહત્ત્વનું છે કે બીજાપુર છત્તીસગઢના બસ્તર લોકસભા ક્ષેત્રમાં આવે છે, જ્યાં 19 એપ્રિલે સામાન્ય ચૂંટણીના પ્રથમ તબક્કામાં મતદાન થશે. આ અંગે સુરક્ષાદળો સતત સર્ચ ઑપરેશન ચલાવી રહ્યા છે.
આ પણ વાંચો :-