અમેરિકાના વ્હાઇટ હાઉસની સુરક્ષામાં મોટી ભૂલ સામે આવી છે. સોમવારે એક ડ્રાઇવર તેની કાર સાથે રાષ્ટ્રપતિ બાયડનના ઘરના બહારના દરવાજામાંથી પ્રવેશ્યો. સિક્રેટ સર્વિસે પુષ્ટિ કરી કે ઘટના સ્થાનિક સમય મુજબ સાંજે ૬ વાગ્યાની આસપાસ બની હતી અને વધુ તપાસ માટે ડ્રાઈવરની અટકાયત કરી હતી.
યુએસ સિક્રેટ સર્વિસના ચીફ ઓફ કોમ્યુનિકેશન્સ એન્થોની ગુગલીએલ્મીએ એક નિવેદન જારી કરીને જણાવ્યું હતું કે, સાંજે ૬ વાગ્યાના થોડા સમય પહેલા એક વાહન વ્હાઇટ હાઉસ સંકુલના બહારના દરવાજા સાથે અથડાયું હતું. અમે અથડામણના કારણ અને રીતની તપાસ કરી રહ્યા છીએ. વ્હાઇટ હાઉસની નોર્થ ઇસ્ટ સાઇડમાં આવેલા કોમ્પ્લેક્સમાં વાહન અથડાયું હતું. કાર ફાટક સાથે જોરદાર અથડાઈ હતી. યુએસ સિક્રેટ સર્વિસે જણાવ્યું કે અકસ્માતગ્રસ્ત વાહનના ડ્રાઈવરને કસ્ટડીમાં લેવામાં આવ્યો છે. યુએસ સિક્રેટ સર્વિસ ચીફ ઓફ કોમ્યુનિકેશન્સ એન્થોની ગુગલેલમીએ માહિતી આપી હતી કે હાલમાં આ ઘટનાની તપાસ કરવામાં આવી રહી છે.
હજુ ગયા મહિને જ અમેરિકન પ્રમુખ જો બાયડેનની સુરક્ષામાં ચૂક થઈ હોવાની ઘટના બની હતી ત્યારે હવે વ્હાઈટ હાઉસ પરિસરના ગેટ પર એક ગાડીની જોરાદર ટક્કર થઈ હતી. સૂત્રો દ્વારા મળતી માહિતી અનુસાર હાલ અકસ્માત સર્જનાર ડ્રાઈવરને કસ્ટડીમાં લેવામાં આવ્યો છે અને આ ઘટનાની તપાસ કરવામાં આવી રહી છે. યુએસ સિક્રેટ સર્વિસ ચીફ ઓફ કોમ્યુનિકેશન્સ એન્થોની ગુગલેલમીના જણાવ્યા અનુસાર આ ઘટના સોમવારે રાત્રેલગભગ ૬ વાગ્યે બની હતી. આ ઘટના સમયે અમેરિકન પ્રમુખ જો બાયડેન વ્હાઈટ હાઉસમાં હાજર ન હતા.
આ પણ વાંચો :-
