અમેરિકાના ઉપરાષ્ટ્રપતિ જેડી વેન્સના ઓહાયો રાજ્યના સિનસિનાટીમાં આવેલા ઘરમાં હુમલો થયો છે. CNNના રિપોર્ટ અનુસાર તેમના ઘરની બારીઓ તૂટી છે. આ મામલે પોલીસે એક શંકાસ્પદ વ્યક્તિને કસ્ટડીમાં લીધો છે.
વેન્સના ઘર પાસે રવિવારે રાત્રે 12:15 વાગ્યે કોઈને ભાગતા જોવામાં આવ્યું હતું. અધિકારીઓના જણાવ્યા અનુસાર, જ્યારે આ ઘટના બની ત્યારે જેડી વેન્સ અને તેમનો પરિવાર ઘરમાં હાજર નહોતો. પ્રારંભિક માહિતીમાં એ પણ સામે આવ્યું છે કે કસ્ટડીમાં લેવાયેલ વ્યક્તિ ઉપરાષ્ટ્રપતિના ઘરમાં ઘૂસવામાં સફળ થયો ન હતો.
તપાસ એજન્સીઓ એ જાણવાનો પ્રયાસ કરી રહી છે કે શું આ ઘટના જાણી જોઈને જેડી વેન્સ અથવા તેમના પરિવારને નિશાન બનાવીને કરવામાં આવી હતી કે તેની પાછળ કોઈ અન્ય કારણ છે.
આ મામલે વ્હાઇટ હાઉસ અને સિક્રેટ સર્વિસ પાસેથી પણ માહિતી માંગવામાં આવી છે, પરંતુ હજુ સુધી તેમની તરફથી કોઈ સત્તાવાર નિવેદન સામે આવ્યું નથી.
વેન્સ છેલ્લા એક અઠવાડિયાથી સિનસિનાટીમાં હતા, પરંતુ રવિવારે બપોરે શહેરથી રવાના થઈ ગયા. તેમણે ઘર પર લગભગ 14 લાખ ડોલર ખર્ચ કર્યા અને તે લગભગ 23 લાખ એકરમાં ફેલાયેલું છે.