સપ્તાહના શરૂઆતમાં ભારતીય શેરબજારમાં વિશ્વભરના નકારાત્મક સંકેતોના કારણે હાહાકાર મચી ગયો. ટેરિફ યુદ્ધ વધવાની શક્યતા અને અમેરિકા સહિત વૈશ્વિક મંદીની આશંકાએ રોકાણકારોને ભારે ચિંતામાં મુકી દીધા. ખુલતાની સાથે જ નિફ્ટી અને સેન્સેક્સ બંનેમાં ભારે ઘટાડો નોંધાયો. નિફ્ટી છેલ્લા 10 મહિનામાં સૌથી મોટો દરજજો તૂટ્યો હતો. રોકાણકારોના અંદાજે 13.4 લાખ કરોડ રૂપિયાનું મૂલ્ય ચોક્કસપણે નષ્ટ થયું હતું.
દિવસ દરમિયાન સેન્સેક્સમાં 4000 પોઈન્ટનો તીવ્ર તૂટ જોવા મળ્યો હતો, જો કે અંતે આ ઘટાડો ઘટીને 2226 પોઈન્ટ રહ્યો અને તે 73,137.90ના સ્તરે બંધ રહ્યો. નિફ્ટી પણ 742.85 પોઈન્ટ તૂટીને 22,161.60 પર બંધ થયો. વૈશ્વિક સ્તરે ટ્રમ્પના ટેરિફ નિવેદન અને ચીનની જવાબી પગલાઓને લઈને રોકાણકારોમાં ભયનો માહોલ ફેલાઈ ગયો હતો.
BSEના તમામ સેક્ટર ઇન્ડેક્સમાં વેચવાલી જોવા મળી હતી. મિડકેપ ઇન્ડેક્સ 3.5% ઘટ્યો હતો જ્યારે મેટલ અને રિયલ્ટી સેક્ટર સૌથી વધુ દબાણમાં રહ્યા. ડોલરની તુલનાએ ભારતીય રૂપિયો પણ 60 પૈસા તૂટીને 85.84 પર બંધ રહ્યો, જેની પણ શેરબજાર પર નકારાત્મક અસર જોવા મળી.
BSE પર કુલ 4225 શેરોમાં કામકાજ થયું હતું. તેમાં માત્ર 576 શેરોમાં તેજી રહી જ્યારે 3505 શેરોમાં ઘટાડો નોંધાયો. નિફ્ટીના લગભગ 50% શેરો ચાર ટકા કરતાં વધુ તૂટી ગયા હતા. ઇન્ડિયા VIXમાં એક દિવસમાં 70% જેટલો ઉછાળો આવ્યો હતો, જે બજારમાં અનિશ્ચિતતા અને ભય દર્શાવે છે.
