બોક્સ ઓફિસ પર ત્રણ અલગ ફિલ્મોની ત્રણ અલગ કહાની જોવા મળી રહી છે. ટોમ હોલેન્ડની ‘સ્પાઇડર-મેન: બ્રાન્ડ ન્યૂ ડે’ હજુ પણ કરોડોની કમાણી સાથે પોતાનું વર્ચસ્વ જાળવી રહી છે, જ્યારે લોકેશ કનગરાજની ‘ડીસી’ પણ વીક-ડેમાં મજબૂત કમાણી કરી રહી છે. બીજી તરફ થલપતિ વિજયની ‘જન નાયકન’ની ગતિ ધીમી પડી ગઈ છે અને દૈનિક કલેક્શન હવે લાખોમાં સીમિત થયું છે.
બોક્સ ઓફિસના પ્રારંભિક આંકડા મુજબ, ‘સ્પાઇડર-મેન: બ્રાન્ડ ન્યૂ ડે’એ 14મા દિવસે ભારતમાં આશરે 6.45 કરોડ રૂપિયાનું નેટ કલેક્શન કર્યું. ફિલ્મની કુલ ભારતીય નેટ કમાણી હવે લગભગ 438 કરોડ રૂપિયા, જ્યારે ગ્રોસ કલેક્શન 523.64 કરોડ રૂપિયા સુધી પહોંચી ગયું છે. બીજા સપ્તાહમાં પણ ફિલ્મે 100 કરોડથી વધુનો બિઝનેસ કરીને પોતાની મજબૂત પકડ જાળવી છે.
થલપતિ વિજયની ‘જન નાયકન’એ 21મા દિવસે ભારતમાં લગભગ 65 લાખ રૂપિયાનું નેટ કલેક્શન કર્યું. ફિલ્મની અત્યાર સુધીની ભારતીય નેટ કમાણી 194.35 કરોડ રૂપિયા, જ્યારે ગ્રોસ કલેક્શન 226.37 કરોડ રૂપિયા થયું છે. ઓવરસીઝ કમાણી સાથે ફિલ્મનું વર્લ્ડવાઇડ કલેક્શન આશરે 319.57 કરોડ રૂપિયા સુધી પહોંચ્યું છે.
આ તરફ ‘ડીસી’એ છઠ્ઠા દિવસે આશરે 5 કરોડ રૂપિયાનું નેટ કલેક્શન કર્યું. છ દિવસમાં ફિલ્મની કુલ ભારતીય નેટ કમાણી 37.50 કરોડ રૂપિયા, જ્યારે ગ્રોસ કલેક્શન 43.12 કરોડ રૂપિયા થયું છે. ફિલ્મની કમાણીમાં ઘટાડો થયો હોવા છતાં તેની પકડ હજુ મજબૂત દેખાઈ રહી છે.
