દુનિયાભરમાં લાખો લોકોને મારનાર કોરોનાવાઇરસ ફરીથી પગ પસારતો જોવા મળી રહ્યો છે. આ વર્ષે જૂન મહિનામાં જર્મનીના બર્લિનમાં કોરોનાવાઇરસનો એક નવો વેરિઅન્ટ XEC (MV.1) સામે આવ્યો હતો. માહિતી મુજબ, આ વેરિઅન્ટ દુનિયાભરમાં ઝડપથી ફેલાઈ રહ્યો છે. સ્ક્રિપ્સ રિસર્ચના આઉટબ્રેક ડોટ ઇન્ફો પેજ પર 5 સપ્ટેમ્બરે આપવામાં આવેલી માહિતી અનુસાર, અમેરિકા ના 12 રાજ્યો અને 15 દેશોમાં આ વેરિઅન્ટના 95 કેસ નોંધાયા છે.
આ ક્રમમાં હવે કોરોનાના XEC વેરિઅન્ટના કેસ સામે આવ્યા છે. XEC વેરિઅન્ટને કોવિડના KS.1.1 અને KP.3.3નું સબવેરિઅન્ટ માનવામાં આવે છે. જો કે આ વેરિઅન્ટના લક્ષણોમાં કોઈ ફેરફાર થયો નથી. તેના લક્ષણો ઓમિક્રોન જેવા જ છે. પરંતુ તેમ છતાં નિષ્ણાંતો કહે છે કે વેરિઅન્ટને લઈને સાવધાન રહેવાની જરૂર છે.
સીડીસી અનુસાર, યુરોપ અને ઉત્તર અમેરિકામાં XEC વેરિઅન્ટના કેસ નોંધાયા છે. પોલેન્ડ, નોર્વે, લક્ઝમબર્ગ, યુક્રેન, પોર્ટુગલ, અમેરિકા અને ચીન સહિત 27 દેશોમાં EXEC વેરિઅન્ટના કેસ નોંધાયા છે. યુરોપિયન દેશોમાં સૌથી વધુ કેસ નોંધાઈ રહ્યા છે. આ વેરિઅન્ટમાં સતત મ્યુટેશન થઈ રહ્યું છે અને આવનારા દિવસોમાં કેસોમાં વધારો થવાની સંભાવના છે. જો કે વિશ્વભરમાં કોવિડ સામે કરવામાં આવેલ રસીકરણને કારણે આ પ્રકારને ગંભીર અસર થવાની શક્યતા ઓછી છે.
એપિડેમિયોલોજિસ્ટ ડૉ. જુગલ કિશોર કહે છે કે XEC વેરિઅન્ટ નવું કોવિડ પ્રકાર નથી. આ કોવિડના ઓમિક્રોન વેરિઅન્ટનું સબ-વેરિઅન્ટ છે. આવી સ્થિતિમાં ચિંતા કરવાની કોઈ વાત નથી. કોવિડ વાયરસની ગંભીર અસર હવે ઘટી છે. જ્યારે વાયરસ પોતાને જીવંત રાખવાનો પ્રયાસ કરે છે, ત્યારે નવા પ્રકારો બહાર આવે છે, પરંતુ એવું નથી કે હવે કોરોનાથી કોઈ ગંભીર ખતરો હશે. કોવિડ રસીકરણ મોટા પાયે કરવામાં આવ્યું છે. વાયરસની જીવલેણતા પણ ઘટી છે. આવી સ્થિતિમાં હવે કોવિડના આ સબ-વેરિઅન્ટથી કોઈ જોખમ અથવા કોવિડને કારણે હોસ્પિટલમાં દાખલ થવામાં વધારો થવાની કોઈ શક્યતા નથી.
આ વેરિઅન્ટના લક્ષણો પણ તાવ અને ઠંડી જેવા જ છે. તેમાં સખત તાવ આવવો, શરીરમાં દુખાવો, થાક, ખાંસી અને ગળામાં ખારાશ અનુભવાતી હોય છે. તે ઉપરાંત, શ્વાસ લેવામાં મુશ્કેલી, માથાનો દુખાવો, સ્વાદ અને સુગંધ ન અનુભવવી, ઉલટી અને ડાયેરિયા જેવા લક્ષણો પણ જોવા મળી શકે છે. કોરોના વાયરસથી સંક્રમિત મોટા ભાગના લોકો થોડા જ અઠવાડિયામાં સ્વસ્થ થવા લાગે છે, પરંતુ આ વેરિઅન્ટના દર્દીઓને સાજા થવામાં વધુ સમય લાગી શકે છે.
આ પણ વાંચો :-
