કેન્દ્રીય ચૂંટણી પંચ આજે બપોરે ૧૨ વાગ્યે આકાશવાણી ભવન ખાતે પ્રેસ કોન્ફરન્સ કરશે. આ સમયગાળા દરમિયાન પંચ મધ્યપ્રદેશ, છત્તીસગઢ અને રાજસ્થાન સહિત ૫ રાજ્યોમાં યોજાનારી વિધાનસભા ચૂંટણીની તારીખોની જાહેરાત કરશે. આ રાજ્યોમાં નવેમ્બરના બીજા અઠવાડિયાથી ડિસેમ્બરના પહેલા અઠવાડિયા સુધી વિવિધ તારીખો અને તબક્કામાં મતદાન થઇ શકે છે. ગત વખતની જેમ રાજસ્થાન, મધ્યપ્રદેશ, મિઝોરમ અને તેલંગાણામાં એક જ તબક્કામાં ચૂંટણી યોજાય તેવી શક્યતા છે. છત્તીસગઢમાં બે તબક્કામાં મતદાન થઇ શકે છે. મતદાનની તારીખ બદલાય તેવી ધારણા છે. પરંતુ તમામ ચૂંટણી રાજ્યોની મતગણતરી એકસાથે કરાવવાનો નિર્ણય લઇ શકાય છે.
ભારતનું ચૂંટણી પંચ (ECI) આજે પાંચ રાજ્યો – મધ્યપ્રદેશ, છત્તીસગઢ, રાજસ્થાન, તેલંગાણા અને મિઝોરમમાં વિધાનસભાની ચૂંટણીનું શેડ્યૂલ જાહેર કરવાની યોજના બનાવી રહ્યું છે. મુખ્ય ચૂંટણી કમિશનર રાજીવ કુમાર બપોરના સમયે પ્રેસ કોન્ફરન્સ કરીને કાર્યક્રમની જાહેરાત કરશે.
મધ્યપ્રદેશમાં, રાજ્ય ૨૩૦ વિધાનસભા મતવિસ્તારોમાંથી ધારાસભ્યોને ચૂંટશે. ૨૦૧૮ની ચૂંટણીમાં કોંગ્રેસે ૪૧.૫ ટકા વોટ શેર સાથે ૧૧૪ સીટો જીતી હતી જ્યારે બીજેપી બીજા ક્રમે રહી હતી અને ૧૦૯ સીટો જીતવામાં સફળ રહી હતી. તેનો વોટ શેર ૪૧.૬ ટકા હતો. જો કે,૨૦૨૦ માં, જ્યોતિરાદિત્ય સિંધિયાની આગેવાની હેઠળના જૂથના કેટલાક ધારાસભ્યોના રાજીનામા પછી કોંગ્રેસ સરકારે બહુમતી ગુમાવી દીધી, જેઓ પાછળથી ભાજપમાં જોડાયા. આ પછી, ભાજપે રાજ્યમાં સરકાર બનાવી અને શિવરાજ સિંહ ચૌહાણને ફરીથી મુખ્યમંત્રી બનાવવામાં આવ્યા.
આ પણ વાંચો :-
અફઘાનિસ્તાનમાં ભૂકંપથી ૧૨૦ લોકોની મોત, ૧૦૦૦થી વધુ ઘાયલ
ભારતીય ક્રિકેટ ટીમનો ખાતામાં વધુ એક ગોલ્ડ, ૨૭ ગોલ્ડ, ૩૫ સિલ્વર અને ૪૦ બ્રોન્ઝ મેડલ મડયો
