Apple Inc. ના આગામી પ્રીમિયમ સ્માર્ટફોન મોડલ્સ અંગે મોટી માહિતી સામે આવી છે. iPhone 18 Pro અને iPhone 18 Pro Max નું ટેસ્ટ પ્રોડક્શન શરૂ થઈ ગયું હોવાનું તાજા રિપોર્ટ્સમાં જણાવાયું છે. સામાન્ય રીતે ટેસ્ટ પ્રોડક્શન ફોનના સત્તાવાર લોન્ચ પહેલા અંતિમ તબક્કાની મેન્યુફેક્ચરિંગ ચકાસણી માટે કરવામાં આવે છે, જેમાં કંપની સંપૂર્ણ એસેમ્બલી લાઇનના બદલે કેટલાક મહત્વપૂર્ણ ભાગો ચલાવી પ્રોડક્ટની ગુણવત્તા અને પરફોર્મન્સ ચેક કરે છે.
સપ્ટેમ્બરમાં લોન્ચ થવાની શક્યતા
ટેસ્ટ પ્રોડક્શન શરૂ થવાથી સ્પષ્ટ થાય છે કે કંપની સપ્ટેમ્બર મહિનામાં iPhone 18 Pro મોડલ્સ લોન્ચ કરવાની યોજના મુજબ આગળ વધી રહી છે. જ્યારે સ્ટાન્ડર્ડ iPhone 18 વેરિઅન્ટ માટે ગ્રાહકોને આવતા વર્ષના માર્ચ સુધી રાહ જોવી પડી શકે છે. જાણકારી મુજબ આગામી એક-બે મહિનામાં Pro મોડલ્સનું માસ પ્રોડક્શન પણ શરૂ થઈ શકે છે.
વધુ શોધો
સ્માર્ટફોન
નવા A20 Pro પ્રોસેસર પર ખાસ ધ્યાન
પ્રોડક્શન ટેસ્ટિંગ દરમિયાન કંપની નવા 2nm પ્રોસેસ પર બનેલા A20 Pro પ્રોસેસરને ખાસ ટેસ્ટ કરી રહી છે. સાથે જ મેઈન કેમેરામાં મિકેનિકલ વેરિએબલ અપર્ચર જેવી નવી ટેક્નોલોજી પણ ચકાસવામાં આવી રહી છે, જે ફોટોગ્રાફીમાં વધુ નિયંત્રણ અને ઉત્તમ ક્વોલિટી આપી શકે છે.
નવા કલર ઓપ્શન
iPhone 18 Pro મોડલ્સ નવા અને અલગ દેખાતા કલર ઓપ્શનમાં આવી શકે છે. કંપનીએ બ્રાઉન, પર્પલ અને રેડ કલરનું ટેસ્ટિંગ કર્યું હોવાનું કહેવાય છે. તેમાં ડાર્ક રેડ (રેડ વાઇન શેડ) લગભગ ફાઈનલ માનવામાં આવે છે, જે અગાઉના રેડ કલર કરતાં વધુ ગાઢ અને પ્રીમિયમ દેખાવ આપશે.
મોટા અપગ્રેડ્સ મળશે
iPhone 18 Pro અને Pro Max મોડલ્સમાં નીચે મુજબના મોટા અપગ્રેડ્સ મળવાની શક્યતા છે:
- 2nm ટેક્નોલોજી પર આધારિત A20 Pro ચિપ
- અંડર-ડિસ્પ્લે Face ID સપોર્ટ
- વેરિએબલ અપર્ચર સાથે સુધારેલ મેઈન કેમેરા
- Pro Max મોડલમાં અત્યાર સુધીની સૌથી મોટી બેટરી
- Dynamic Island નું કદ નાનું કરવામાં આવી શકે છે
આ તમામ અપગ્રેડ્સ સાથે iPhone 18 Pro સિરીઝ વધુ પાવરફુલ અને પ્રીમિયમ અનુભવ આપશે તેવી અપેક્ષા છે. હવે સપ્ટેમ્બર સુધી ટેક્નોલોજી પ્રેમીઓ માટે ઉત્સુકતા વધતી જશે.
