મહારાષ્ટ્રના હિંગોલીમાં ભૂકંપના હળવા આંચકા અનુભવાયા હતા. રાષ્ટ્રીય ભૂકંપ વિજ્ઞાન કેન્દ્ર અનુસાર રિક્ટર સ્કેલ પર ભૂકંપની તીવ્રતા ૩.૫ નોંધાઈ હતી.
જોકે વહેલી સવારે ૫ વાગ્યાના સુમારે ભૂકંપના આંચકા અનુભવાતા લોકો ડરી ગયા હતા. ભૂકંપનું કેન્દ્ર હિંગોલીમાં ૫ કિ.મી.ની ઊંડાઈએ હોવાનું જણાવાયું છે. અગાઉ રવિવારે જ આંદમાન અને નિકોબાર ટાપુ સમૂહના આંદમાન સાગરમાં ભૂકંપના આંચકા અનુભવાયા હતા. રિક્ટર સ્કેલ પર તેની તીવ્રતા ૪.૫ મપાઈ હતી. તે પહેલા ગુરુવારે જમ્મુ-કાશ્મીરમાં પણ ધરા ધ્રૂજી હતી.
મહારાષ્ટ્રના હિંગોલી પહેલા તારીખ ૧૯ નવેમ્બરની સાંજે આરબ સાગરમાં પણ ભૂકંપના તીવ્ર આંચકા અનુભવાયા હતા. નેશનલ સેન્ટર ફોર સિસ્મોલોજી અનુસાર, અરબી સમુદ્રમાં રવિવારે સાંજે ૬.૩૬ કલાકે આવેલા આ ભૂકંપની તીવ્રતા રિક્ટર સ્કેલ પર ૪.૫ માપવામાં આવી હતી. રવિવારે નેપાળ અને જમ્મુ-કાશ્મીરના ડોડામાં પણ ભૂકંપના આંચકા અનુભવાયા હતા. નેપાળમાં રવિવારે બપોરે ૩.૪૫ વાગ્યે ૩.૯ની તીવ્રતાનો ભૂકંપ આવ્યો હતો અને રવિવારે સવારે ૧૧.૩૦ વાગ્યે જમ્મુ-કાશ્મીરના ડોડામાં ૨.૬ની તીવ્રતાનો ભૂકંપ આવ્યો હતો.
આ પણ વાંચો :-
