સુરત શહેરના કાપોદ્રા વિસ્તારમાં બોગસ ડ્રાઇવિંગ લાયસન્સ બનાવતા કૌભાંડનો પર્દાફાશ થયો છે. SOG દ્વારા દરોડા પાડી નકલી લર્નિંગ ડ્રાઇવિંગ લાયસન્સ બનાવતી ટોળકીને ઝડપી પાડવામાં આવી હતી.
7થી 10 હજાર વસૂલીને બનાવતા નકલી લાયસન્સ
તપાસ દરમિયાન સામે આવ્યું કે આ ટોળકી લોકો પાસેથી 7થી 10 હજાર રૂપિયા લઈ બોગસ લર્નિંગ લાયસન્સ બનાવી આપતી હતી. આ ગેરકાયદેસર પ્રવૃત્તિ લાંબા સમયથી ચાલતી હોવાની શક્યતા વ્યક્ત કરવામાં આવી રહી છે.
પોલીસે 13 બોગસ લાયસન્સ જપ્ત કર્યા
પોલીસે કાર્યવાહી દરમિયાન કુલ 13 નકલી લર્નિંગ ડ્રાઇવિંગ લાયસન્સ જપ્ત કર્યા છે. સાથે જ આરોપીઓએ અત્યાર સુધીમાં 25થી વધુ બોગસ લાયસન્સ બનાવ્યાની કબૂલાત પણ કરી છે. પોલીસ સમગ્ર મામલે વધુ તપાસ કરી રહી છે.
