દિલ્હીની વધુ બે અને હૈદરાબાદની એક સ્કૂલ સહિત દેશભરમાં અનેક CRPF સ્કૂલોને ઈ-મેઈલ થકી બોમ્બની ધમકી મળી છે. આ ઘટના દિલ્હીના રોહિણી વિસ્તારમાં સીઆરપીએફ સ્કૂલની દીવાલમાં થયેલા બ્લાસ્ટના બે દિવસ બાદ બની છે. આ સાથે જ ગત એક સપ્તાહમાં અનેક ઈન્ડિય એરલાઈન્સને 100થી વધારે ધમકીઓ મળી છે. મીડિયા રિપોર્ટ અનુસાર આ ઈમેલ સોમવારની રાત્રે સ્કૂલ મેનેજમેન્ટનો મોકલવામાં આવ્યો હતો.
પોલીસે જણાવ્યું કે સ્કૂલ મેનેજમેન્ટને ઈમેલ દ્વારા બોમ્બની આ ધમકીઓ મળી હતી. નોંધનીય છે કે આ ધમકીઓ દિલ્હીના રોહિણી સ્થિત CRPF સ્કૂલની દિવાલ પાસે બોમ્બ વિસ્ફોટના એક દિવસ બાદ મળી હતી. બોમ્બ વિસ્ફોટમાં કોઈ જાનહાની થઈ ન હતી, પરંતુ આસપાસની દુકાનો અને વાહનોના કાચ તૂટી ગયા હતા. પોલીસ આ બોમ્બની ધમકીઓની તપાસ કરી રહી છે અને હાઈ એલર્ટ પર છે.
દિલ્હીમાં CRPF સ્કૂલ પાસે થયેલા બોમ્બ બ્લાસ્ટની દિલ્હી પોલીસ ખાલિસ્તાન એંગલથી તપાસ કરી રહી છે. વાસ્તવમાં, સોશિયલ મીડિયા પર શેર કરાયેલ એક પોસ્ટમાં દાવો કરવામાં આવ્યો છે કે CRPF સ્કૂલ પાસે બોમ્બ બ્લાસ્ટ ભારતીય એજન્ટો દ્વારા ખાલિસ્તાન સમર્થકોને નિશાન બનાવવાના જવાબમાં કરવામાં આવ્યો હતો. સીસીટીવી કેમેરા ચેક કર્યા બાદ પોલીસને એક શકમંદ પણ મળી આવ્યો છે, જેની પોલીસ દ્વારા શોધ કરવામાં આવી રહી છે.
બીજી તરફ દિલ્હી પોલીસે રાજધાનીના વિવિધ બજારોમાં જ્યાં તહેવારોની સિઝનમાં ખરીદદારોની ભીડ હોય ત્યાં સુરક્ષા વધારી દીધી છે. રોહિણીના પ્રશાંત વિહાર વિસ્તારમાં CRPF સ્કૂલની સામે વિસ્ફોટની ઘટના બાદ પોલીસે રેલવે અને મેટ્રો કર્મચારીઓને એલર્ટ રહેવા માટે કહ્યું છે. એક વરિષ્ઠ પોલીસ અધિકારીએ કહ્યું, અમે અમારા સ્ટાફને દરેક રેલવે અને મેટ્રો સ્ટેશન પર કડક તકેદારી રાખવા માટે કહ્યું છે. કોઈપણ શંકાસ્પદ ગતિવિધિઓની તપાસ માટે વધારાના દળો તૈનાત કરવામાં આવશે. અધિકારીએ જણાવ્યું કે રેલવે પ્રોટેક્શન ફોર્સ (RPF), સરકારી રેલવે પોલીસ (GRP) અને અન્ય હિતધારકોની સંયુક્ત પેટ્રોલિંગ ટીમો તૈનાત કરવામાં આવી છે. જો ટીમ કોઈ શંકાસ્પદ ગતિવિધિઓ જોશે તો તેઓ તરત જ વરિષ્ઠ અધિકારીઓને જાણ કરશે.
આ પણ વાંચો :-
