શેરબજાર સેન્સેક્સ નિફ્ટી એશિયન બજારોના મજબૂત સંકેતના પગલે વધીને ખુલ્યા હતા. સેન્સેક્સ ખુલ્યા બાદ 200 પોઇન્ટ અને નિફ્ટી 70 પોઇન્ટ જેટલો વધ્યો હતો. શેરબજારમાં સુધારાનું કારણ આઇટી સ્ટોકમાં તેજી છે. ગિફ્ટ નિફ્ટી ઇન્ડેક્સ પણ મજબૂત ટ્રેડ કરી રહ્યો છે. અમેરિકાની સંસદમાં ટ્રમ્પનું ટેક્સ અને ખર્ચ બિલ પાસ થતા શેરબજારોએ રાહતનો શ્વાસ લીધો છે. જો કે યુએસ બોન્ડની યીલ્ડ વધીને 4.25 ટકા એ પહોંચી ગઇ છે.
સેન્સેક્સ નિફ્ટી વધીને ખુલ્યા બાદ ફ્લેટ
સેન્સેક્સ બુધવારે 93 પોઇન્ટ વધી 83790 ખુલ્યો હતો. આજે આઈટી અને ઓટો શેરમાં તેજીથી સેન્સેક્સ 220 પોઇન્ટ જેટલો વધીને 83935 ઉપર સુધી પહોંચ્યો હતો. મંગળવારે 91 પોઇન્ટ વધીને 83697 લેવલ પર બંધ થયો હતો. તો એનએસઇ નિફ્ટી ઉંચા ગેપમાં 25588 ખુલીને 70 પોઇન્ટ વધી 25608 સુધી ગયો હતો.
