વડાપ્રધાન નરેન્દ્ર મોદીએ ધનતેરસના દિવસે હજારો ઉમેદવારોને જોઇનિંગ લેટર આપ્યા છે. પીએમ મોદીએ વીડિયો કોન્ફ્રરન્સ દ્વારા 51,000થી વધુ પસંદ થયેલા ઉમેદવારોને જોઇનિંગ લેટર આપ્યા છે. આ નવનિયુક્ત ઉમેદવારો હવે સરકારના વિવિધ મંત્રાલયો અને વિભાગોમાં કામ કરશે. આ રોજગાર મેળામાં 40થી વધુ જગ્યાએથી દેશના હજારો યુવાનો સામેલ થયા છે, જેમને સરકારી નોકરીઓમાં ભરતી અને નિમણૂક પત્ર આપવામાં આવ્યા છે.
દેશમાં 51,000 કર્મચારીને નિયુક્તિપત્રો એનાયત કરવામાં આવ્યા હતા. વડાપ્રધાન નરેન્દ્ર મોદીએ વીડિયો-કોન્ફરન્સ માઘ્યમથી કહ્યું હતું કે ધનતેરસના દિવસે નિયુક્તિપત્રો મેળવનારા 51,000 યુવાનને અભિનંદન. આ વખતે દિવાળી વિશેષ છે. 500 વર્ષ બાદ પ્રભુ શ્રીરામ ભવ્ય મંદિરમાં બિરાજમાન થયા છે અને આ પ્રથમ દિવાળી છે. વડોદરામાં ડિફેન્સ સેક્ટર માટે એર ક્રાફટ બનાવનારી ફેકટરીનું ઉદઘાટન કર્યું છે, જેનાથી નોકરીના અવસર અને એરક્રાફટના સ્પેર પાર્ટ બનાવતા નાના ઉદ્યોગકારોને ફાયદો થશે. પહેલાંની સરકારમાં નીતિ અને નિયતનો અભાવ હતો. જર્મની દર વર્ષે 90,000ને વિઝા આપશે. ભારતના લોકો 21 દેશમાં માઈગ્રેટ થઈ શકે છે.
રાજકોટના કાર્યક્રમમાં હાજર સી. આર. પટીલે જણાવ્યું હતું કે આજે ધનતેરસના દિવસે નિમણૂકપત્રો મળ્યા તે યુવાનોને અભિનંદન આપુ છું. અગાઉ સરકારી નોકરી મેળવવા માટે ખૂબ જ તકલીફ પડતી હતી. અનેક ગરબડ થતી હતી, જેને લીધે મેરિટમાં રહેલા ઉમેદવારો સિલેક્ટ થતા ન હતા. જોકે વડાપ્રધાન નરેન્દ્ર મોદી દ્વારા દેશમાં 40 જગ્યાએથી 51,000 યુવાનોને નોકરી આપવામાં આવી રહી છે, ત્યારે એમાં કોઈ ગરબડ થતી નથી. એમાં રાજકોટ શહેરમાં આજે પોસ્ટ વિભાગના નવનિયુક્ત 83 અને રેલવેના 2 કર્મચારીને નિમણૂકપત્રો એનાયત કરવામાં આવ્યા હતા.
‘વડોદરામાં પ્લેન તો સુરતમાં ટેન્કનું નિર્માણ થશે’ તેમણે વધુમાં જણાવ્યું હતું કે વડોદરામાં જેમ પ્લેન બનાવવા માટેની ફેકટરીમાં પ્રોડક્શન 1 વર્ષમાં શરૂ થઈ જશે. એમાં સ્પેન સાથે MoU કરવામાં આવ્યા છે. આ ઉપરાંત આપને ખ્યાલ હશે કે પહેલા લશ્કરના સામાનમાં 70 ટકા આયાત થતી હતી. જોકે આત્મનિર્ભર ભારત બનતાં વડોદરામાં જે રીતે પ્લેન બનશે એ રીતે સુરતમાં ટેન્ક બનાવવાની ફેક્ટરી શરૂ થઈ. એમાં 40 કિલોમીટરના અંતરથી હવાઈહુમલો કરવાની ક્ષમતા છે. આ સાથે જ બરફના પ્રદેશમાં આર્મીના જવાનો જઈ શકે એ માટે ઓછા વજનવાળી ટેન્કનું નિર્માણ કરવામાં આવ્યું છે.
આ પણ વાંચો :-
