Home Blog Page 655

ફિરોઝાબાદની ફટાકડાની ફેક્ટરીમાં વિસ્ફોટ, 5 લોકોના મોત, 10 ઘાયલ

News Editor
-
0

ઉત્તર પ્રદેશના ફિરોઝાબાદમાં એક ગેરકાયદેસર ફટાકડાની ફેક્ટરીમાં વિસ્ફોટ થયો હતો. આ અકસ્માતમાં 5 લોકોના મોત થયા છે જ્યારે 10 લોકો ઘાયલ થયા છે. વિસ્ફોટ એટલો જોરદાર હતો કે તેના કારણે અનેક મકાનોને નુકસાન થયું હતું. અનેક મકાનોની દીવાલો ધરાશાયી થઈ ગઈ હતી. વિસ્ફોટનો અવાજ કેટલાય કિલોમીટર દૂર સુધીના લોકોએ સાંભળ્યો હતો.

ફિરોઝાબાદમાં ગેરકાયદેસર ફટાકડાની ફેક્ટરીમાં પ્રચંડ વિસ્ફોટ, 5ના મોત, બચાવ કાર્ય ચાલુ

મોડી રાત્રે બનેલી આ ઘટનાથી સમગ્ર વિસ્તારમાં ભયનો માહોલ સર્જાયો હતો. પોલીસ, ફાયર બ્રિગેડ અને SDRFની ટીમ ઘટનાસ્થળે પહોંચી ગઈ હતી. ફાયર બ્રિગેડ ઓફિસરના જણાવ્યા અનુસાર ધરાશાયી થયેલા મકાનોના કાટમાળ નીચે દટાયેલા 12 લોકોને બચાવી લેવાયા છે. ઘાયલોની સારવાર ચાલી રહી છે.

સોમવારે રાત્રે લગભગ 10 વાગ્યાના અરસામાં ફટાકડાના વેરહાઉસમાં આગ ફાટી નીકળ્યા બાદ જોરદાર વિસ્ફોટ થયો હતો. સ્થાનિક લોકોએ જણાવ્યું કે, આગ લાગતાની સાથે જ સમગ્ર વિસ્તારમાં ધુમાડો છવાઈ ગયો હતો અને ત્યાર બાદ જોરદાર વિસ્ફોટ થયો હતો, જેના કારણે વેરહાઉસની આસપાસના ઘરોની છત અને દિવાલો પણ ધરાશાયી થઈ હતી.

સ્થાનિક લોકોનું કહેવું છે કે, નૌશેહરા ગામમાં વર્ષોથી ફટાકડાનો ગેરકાયદે ધંધો ચાલે છે અને આ પહેલા પણ નાના મોટા અકસ્માતો થયા છે, પરંતુ આ વિસ્ફોટ અત્યાર સુધીનો સૌથી ભયાનક છે. સ્થાનિકો આ ગેરકાયદે ધંધાને સંપૂર્ણ રીતે બંધ કરવાની વહીવટીતંત્ર સમક્ષ માંગ કરી રહ્યા છે. આ ઘટના બાદ ફિરોઝાબાદ પ્રશાસન ઊંઘમાંથી જાગ્યું છે અને ગેરકાયદેસર ફટાકડાના ગોદામોની તપાસના આદેશ આપ્યા છે. વહીવટીતંત્રનું કહેવું છે કે જો વેરહાઉસમાં કોઈ ગેરરીતિ જોવા મળશે તો કડક કાર્યવાહી કરવામાં આવશે. તેમજ ઘટનાની તપાસ માટે SITની રચના કરવામાં આવી છે.

આ પણ વાંચો :-

કોલકાતા કેસમાં TMC ધારાસભ્યના ઘરે CBI બાદ EDના દરોડા

News Editor
-
0

કોલકાતાની સરકારી હોસ્પિટલ આર.જી. કરકૌભાંડ મામલે બંગાળના મુખ્યમંત્રી મમતા બેનરજીની પાર્ટીના ધારાસભ્ય સુદીપ્તો રોય પર સંકજો કસવામાં આવી રહ્યો છે. EDના અધિકારીઓએ તેમના ઘરે દરોડા પાડ્યા છે. આ અગાઉ CBIના અધિકારીઓએ આર.જી. કર દુષ્કર્મ અને હત્યા મામલે રોયની પૂછપરછ કરી હતી. શ્રીરામપુર વિધાનસભા વિસ્તારના ધારાસભ્ય સુદીપ્તો રોય એક ડોક્ટર પણ છે. આ અગાઉ શુક્રવારે બપોરે CBI અધિકારીઓની એક ટીમ કોલકાતાના ઉત્તરી છેડે સ્થિત સિંથી વિસ્તારમાં રોયના નિવાસસ્થાને પહોંચી હતી અને કેસની તપાસના સંબંધમાં તેમની પૂછપરછ કરી હતી.

બીજી તરફ કોલકાતાની આર.જી. કર હોસ્પિટલમાં મહિલા ટ્રેઇની ડોક્ટર સાથે રેપ અને હત્યા મામલે આંદોલનકારી જુનિયર ડોક્ટરો અને સીએમ મમતા બેનર્જી વચ્ચે વાતચીતનો પાંચમો અને અંતિમ રાઉન્ડ યોજાયો હતો. મમતા સરકારે ડોક્ટરોની પાંચ માગણીઓમાંથી ત્રણ માગ સ્વીકારી લીધી છે. મમતા બેનરજીએ કોલકાતા પોલીસ કમિશનર સહિત રાજ્યના આરોગ્ય વિભાગના ઉચ્ચ અધિકારીઓને હટાવવાની માગણી સ્વીકારી લીધી છે.

સુપ્રીમ કોર્ટમાં આજે આર.જી. કર દુષ્કર્મ અને હત્યા કેસની સુનાવણી થશે. આંદોલનકારીઓએ કહ્યું કે કોલકાતા પોલીસ કમિશનર વિનીત ગોયલને હટાવવા એ અમારી નૈતિક જીત છે. તેમણે એમ પણ કહ્યું કે અમે મંગળવારે સુનાવણી બાદ એક બેઠક યોજીશું અને પોતાનું કામ બંધ કરવા અંગે વિરોધ પ્રદર્શન પર નિર્ણય કરીશું.

આ પણ વાંચો :-

યુપીના મંત્રી રઘુરાજ સિંહે કહ્યું, “રાહુલ ગાંધી આ દેશના નંબર વન આતંકવાદી છે…”

News Editor
-
0

જ્યારથી રાહુલ ગાંધીએ અમેરિકાનો પ્રવાસ કર્યો છે ત્યારથી તેમના પર અલગ અલગ નેતાઓની ટિપ્પણીઓ વધી ગઇ છે. થોડા દિવસ પહેલા કેન્દ્રિય મંત્રી રવનીત સિંહ બિટ્ટુએ રાહુલ ગાંધી પર એક વિવાદાસ્પદ નિવેદન આપ્યું હતું. તેમણે રાહુલ ગાંધી ને આતંકવાદી ગણાવ્યા હતા. હવે ઉત્તર પ્રદેશ સરકારના મંત્રી રઘુરાજ સિંહે પણ રાહુલ ગાંધીને આતંકવાદી ગણાવ્યા છે. તેમણે વિવાદાસ્પદ નિવેદન આપતા કહ્યું કે, રાહુલ ગાંધી દેશના નંબર વન આતંકવાદી છે કારણ કે તેઓ આ દેશના ભાગલા પાડવા માંગે છે. તેમને દેશ સાથે કોઈ લેવાદેવા નથી.

યુપી સરકારના શ્રમ અને રોજગાર મંત્રી રઘુરાજ સિંહે પોતાના નિવેદનથી વિવાદ ઊભો કર્યો છે. તેમણે જણાવ્યું છે કે, રાહુલ ગાંધી દેશના નંબર વન આતંકવાદી છે. તેમના દાવા અનુસાર, રાહુલ ગાંધી દેશના ભાગલા પાડી રહ્યા છે અને તેઓને ભારત સાથે કોઈ સંબંધ નથી. મંત્રીના કહેવા મુજબ, આ લોકો ઈટાલીથી ભારતને લૂંટવા આવ્યા છે, અને તેથી તેઓ આતંકવાદી છે. રઘુરાજ સિંહે મહાત્મા ગાંધીના એક પુસ્તકનો ઉલ્લેખ કરતા કહ્યું કે, “આઝાદીના બાદ કોંગ્રેસને ખતમ કરી દેવું જોઈએ.” તેમણે આ નિવેદન સાથે પણ કહ્યુ કે, અંગ્રેજો મરી ગયા અને બાળકો છોડી ગયા. તેમણે આકરો પ્રહાર કરીને જણાવ્યું કે, “રાહુલ ગાંધીનો કોઈ ધર્મ નથી. બાબા મુસ્લિમ હતા અને પિતા પછી ખ્રિસ્તી બન્યા, તેઓનો કોઈ ધર્મ નથી.”

આ પૂર્વે, કેન્દ્રીય મંત્રી અને ભાજપ નેતા રવનીત સિંહ બિટ્ટુએ પણ રાહુલ ગાંધીને દેશના નંબર વન આતંકવાદી કહ્યા હતા. તેમણે જણાવ્યું હતું કે, “રાહુલ ગાંધી શીખોમાં ભાગલા પાડવાનો પ્રયાસ કરી રહ્યા છે, અને શીખો કોઈ પાર્ટી સાથે જોડાયેલા નથી. આ રીતે, તેઓ દેશમાં અશાંતિ ફેલાવવાની કોશિશ કરી રહ્યા છે.” રઘુરાજ સિંહ અને રવનીત સિંહ બિટ્ટુના આ નિવેદનો એ ધારણાને પ્રબળ બનાવે છે કે તેઓ રાજકીય વિવાદોને પ્રોત્સાહન આપી રહ્યા છે.

આ પણ વાંચો :-

આતિશી બનશે દિલ્હીના નવા મુખ્યમંત્રી

News Editor
-
0

આમ આદમી પાર્ટીએ જાહેરાત કરી છે કે આતિશી દિલ્હીના નવા મુખ્યમંત્રી હશે. આતિશી અત્યાર સુધી અરવિંદ કેજરીવાલની સરકારમાં શિક્ષણ, પીડબલ્યુડી સહિત અનેક મહત્વપૂર્ણ મંત્રાલયો સંભાળી રહ્યા હતા. એ યાદ અપાવવું જરૂરી છે કે અરવિંદ કેજરીવાલે ગયા રવિવારે કહ્યું હતું કે તેઓ મુખ્યમંત્રી પદ પરથી રાજીનામું આપી દેશે અને દિલ્હીમાં આગામી વિધાનસભા ચૂંટણીની તૈયારી કરવા લોકો વચ્ચે જશે.

દિલ્હીના નવા મુખ્યમંત્રીને મળો

મંગળવારની સવાર દિલ્હીવાસીઓ માટે એક મોટા સમાચાર લઇને આવી છે. આજે અરવિંદ કેજરીવાલના નિવાસસ્થાને વિધાનસભ્ય દળની બેઠક મળી હતી જેમા દિલ્હીના નવા મુખ્યમંત્રીના નામની જાહેરાત કરવામાં આવી છે. આતિશી દિલ્હીના નવા મુખ્યમંત્રી બનશે. અરવિંદ કેજરીવાલે બેઠકમાં તેમના નામનો પ્રસ્તાવ મૂક્યો હતો, જેના પર ધારાસભ્યોએ મંજૂરી આપી દીધી હતી.

આમ આદમી પાર્ટીના નેતા સૌરભ ભારદ્વાજે કહ્યું હતું કે અરવિંદ કેજરીવાલની પત્ની સુનીતા કેજરીવાલને મુખ્યમંત્રી બનવામાં રસ નથી. જોકે, હવે આતિશીનું નામ જાહેર થઇ ગયું છે. આતિશીએ દિલ્હીની શિક્ષણ નીતિ બનાવવામાં પણ મહત્વની ભૂમિકા ભજવી છે. આતિશીને કેજરીવાલ અને સિસોદિયા બંનેના વિશ્વાસુ માનવામાં આવે છે. લગભગ 18 વિભાગો સંભાળી રહેલા આતિશીને હવે વહીવટનો સારો અનુભવ છે. તે મીડિયાની સામે પાર્ટીનું સ્ટેન્ડ જોરદાર રીતે રજૂ કરી રહી છે. આતિશીને મુખ્યમંત્રી બનાવીને કેજરીવાલે વિધાનસભા ચૂંટણી પહેલા અડધી વસ્તીને આકર્ષવાનો પ્રયાસ કર્યો છે.

આતિશી પહેલા જે બે મહિલાઓ મુખ્યમંત્રી બની હતી, તેમાં ભાજપના સુષ્મા સ્વરાજ અને કોંગ્રેસમાંથી શીલા દીક્ષિતનો સમાવેશ થાય છે. જેમાં શીલા દીક્ષિતે 3 ટર્મ એટલે કે 15 વર્ષ સુધી શાસન કર્યું હતું. આ બાદ અન્ના આંદોલન બાદ દિલ્હીમાં સત્તા પરિવર્તન થયું હતું અને કેજરીવાલ મુખ્યમંત્રી બન્યા હતા. જોકે, તેઓ માત્ર 48 જ મુખ્યમંત્રી રહ્યા હતા અને ફરીથી ચૂંટણી કરતા પૂર્ણ બહુમન સાથે સત્તામાં પરત ફર્યા હતા.

આ પણ વાંચો :-

‘શું રામ મંદિર પર બુલડોઝર ચાલશે?’ કોંગ્રેસના નેતાના નિવેદન પર બવાલ

News Editor
-
0

દિલ્હીના પૂર્વ સાંસદ અને કોંગ્રેસના દલિત નેતા ઉદિત રાજે ફરી ‘રામ મંદિર પર બુલડોઝર‘ બોલીને વિવાદને જન્મ આપ્યો છે. અયોધ્યામાં એક છોકરી સાથે થયેલી ગેંગરેપની ઘટના મુદ્દે તેમણે આ ટિપ્પણી કરી હતી. દાવો કરાઈ રહ્યો છે કે, યુવતી રામ મંદિરમાં સફાઈ કર્મચારી છે. જોકે, અયોધ્યા પોલીસનું કહેવું છે કે આ ઘટનાને ખોટી રીતે રજૂ કરવામાં આવી રહી છે. ઉદિત રાજની પોસ્ટ સામે ઘણા લોકોએ વાંધો દર્શાવ્યો હતો.

અયોધ્યા રામ મંદિર: સુવિધાઓ, ખર્ચ, ઉદ્ઘાટન, ફોટા, સમાચાર

પૂર્વ સાંસદ ઉદિત રાજે X પર આ નિવેદન આપતાં ઘણા લોકોમાં આક્રોશ જોવા મળી રહ્યો છે. સોશિયલ મીડિયાના યુઝર્સે આ ટિપ્પણીને Fake News તરીકે ગણાવી હતી અને અયોધ્યા પોલીસને ટેગ કરીને ઉદિત રાજ સામે કડક પગલાંની માંગ કરી હતી. એક યુઝરે કહ્યું, “આ વ્યક્તિ Fake News ફેલાવીને દેશની ભાવનાઓને ભડકાવવા પ્રયાસ કરી રહ્યા છે.” ઘણા યુઝર્સે ઉદિત રાજને ઉલ્લેખિત દુષ્કર્મની ઘટના અને રામ મંદિરના સંબંધ વિશે સ્પષ્ટતા કરવા માટે અયોધ્યા પોલીસનું નિવેદન બતાવ્યું. ચાલુ વર્ષની લોકસભા ચૂંટણીમાં ઉત્તર-પશ્ચિમ સીટ પરથી કોંગ્રેસની ટિકિટ પર હારી ગયેલા ઉદિત રાજને સોશિયલ મીડિયા પર પણ આક્ષેપોનો સામનો કરવો પડ્યો. લોકોએ કહ્યું કે, આ ઘટનાનું રામ મંદિરમાં કોઈ કનેક્શન નથી, કારણ કે આ ઘટના રામ મંદિરથી લગભગ 20 કિલોમીટર દૂર ઘટી છે અને તેમાં સંડોવાયેલા લોકો પીડિતાના પરિચિત હતા.

2024ની લોકસભા ચૂંટણીમાં કોંગ્રેસની ટિકિટ પર ચૂંટણી લડીને હારેલા ઉદિત રાજને ઘણા સોશિયલ મીડિયા યુઝર્સે અયોધ્યા પોલીસનું નિવેદન બતાવતા કહ્યું કે, આ માણસ નકલી સમાચાર ફેલાવી રહ્યો છે. ઘણા લોકોએ કહ્યું કે આ ઘટના રામ મંદિરથી લગભગ 20 કિલોમીટર દૂર બની હતી અને તેને કેટલાક પરિચિતોએ અંજામ આપ્યો હતો. આમાં રામ મંદિરને કેમ ઉમેરવામાં આવી રહ્યું છે?

અયોધ્યા પોલીસે તુરંત જ એક નિવેદન જારી કર્યું, જેમાં અયોધ્યાના કેન્ટ પોલીસ સ્ટેશન વિસ્તારમાં થયેલા દુષ્કર્મના કેસને રામ મંદિર સાથે જોડવાની માહિતી ભ્રામક ગણાવી હતી. પોલીસના જણાવ્યા અનુસાર, પીડિતાના નિવેદન પરથી જાણવા મળ્યું કે, તે પોતાના ભૂતપૂર્વ પરિચિત મિત્રને અલગ-અલગ વખત મળવા ગઈ હતી. ત્યારબાદ તેના પરિચિત અને તેમના સાથીઓએ તેના પર યૌન શોષણ અને દુષ્કર્મ કર્યું હતું. આ કેસમાં બે સગીર સહિત કુલ 6 લોકો સામેલ છે, જેમાંથી એક શારિક અને બે કિશોરોને દુષ્કર્મના આરોપમાં અને વિનય પાસી, શિવા સોનકર, ઉદિત સિંહ અને સત્યમને અપમાનજનક વર્તનના આરોપમાં ધરપકડ કરવામાં આવી છે. તમામ આરોપીઓને ન્યાયિક કસ્ટડીમાં મોકલવામાં આવ્યા છે.

આ પણ વાંચો :-

રાહુલ ગાંધીની જીભ કાપનારને 11 લાખનું ઈનામ આપીશ, શિંદે જૂથના ધારાસભ્ય

News Editor
-
0

મહારાષ્ટ્રના મુખ્યમંત્રી એકનાથ શિંદેની નેતૃત્વવાળી શિવસેનાના ધારાસભ્ય સંજય ગાયકવાડે રાહુલ ગાંધી અંગે વિવાદિત નિવેદન આપ્યું હતું. સંજય ગાયકવાડે કહ્યું કે રાહુલ ગાંધી પછાત, આદિવાસીઓની અનામત ખતમ કરવા માંગે છે. જે પણ રાહુલ ગાંધીની જીભ કાપશે તેને 11 લાખ રૂપિયાનું ઇનામ આપવામાં આવશે.

શિંદે જૂથના ધારાસભ્ય ગાયકવાડે કહ્યું હતું કે રાહુલ ગાંધી પછાત, આદિવાસીઓ અને અન્યો માટે અનામત ખતમ કરવા માગે છે અને તેથી જ તેઓ અનામત ખતમ કરવાની ભાષાનો ઉપયોગ કરી રહ્યા છે. તેમણે કહ્યું કે જ્યારે મહારાષ્ટ્ર અને દેશમાં અનામતની માંગ ઉઠી રહી છે, ત્યારે કોંગ્રેસના વરિષ્ઠ નેતા રાહુલ ગાંધીએ દેશમાં અનામત ખતમ કરવા માટે નિવેદન આપ્યું હતું.

બીજી તરફ ભાજપ નેતા અને કેન્દ્રીય મંત્રી રવનીત સિંહ બિટ્ટુએ કોંગ્રેસ નેતા રાહુલ ગાંધી અંગે આપેલા વિવાદાસ્પદ નિવેદનથી રાજકારણ ગરમાયું છે. બિટ્ટુએ કોંગ્રેસ નેતાને દેશના સૌથી મોટા આતંકવાદી ગણાવ્યા હતા. તેમણે કહ્યું હતું કે, ‘જો એજન્સીએ સૌથી પહેલા કોઈના સામે કાર્યવાહી કરવી જોઈએ તો તે રાહુલ ગાંધી છે. તેમનું નામ આતંકવાદીઓની યાદીમાં નંબર વન પર હોવું જોઈએ.

બુલઢાણાથી શિવસેનાના ધારાસભ્ય સંજય ગાયકવાડનો વિવાદો સાથે લાંબો સંબંધ રહ્યો છે. તેમણે આ વર્ષે ફેબ્રુઆરી મહિનામાં સોશિયલ મીડિયા પર એક વીડિયો પોસ્ટ કર્યો હતો. તેમાં તેમણે દાવો કર્યો હતો કે તેમણે 1987માં વાઘનો શિકાર કર્યો હતો અને હવે તે પોતાના ગળામાં તે પ્રાણીનો દાંત પહેરેલો છે. આ પછી વન વિભાગે તેમની સામે ગુનો નોંધ્યો હતો. એટલું જ નહીં તે દાંત પણ જપ્ત કરવામાં આવ્યો હતો.

આ પણ વાંચો :-

સુરતમાં માતા-પિતા માટે લાલબત્તી સમાન કિસ્સો

News Editor
-
0

સુરતમાં માતા-પિતા માટે લાલબત્તી સમાન કિસ્સો સામે આવ્યો છે. ડીંડોલી વિસ્તારમાં દોઢ વર્ષની બાળકી મેગ્નેટિક માળા ગળી ગઈ. બાળકી રમતા રમતા 18 મણકાની મેગ્નેટિક માળા ગળી ગઈ હતી. માળા ગળી જતા બાળકીને પેટમાં દુખાવો અને ઉલટીઓ થઇ હતી. પરિવાર બાળકીને સારવાર માટે ખસેડતા સમગ્ર હકીકત સામે આવી છે. તબીબો ત્રણ કલાકમાં સફળ સર્જરી કરી માળા બહાર કાઢી. માળાને લઈ બાળકીના આંતરડાની દિવાલમાં કાણા પણ પડી ગયા હતા. ડોક્ટરોએ આંતરડાની સર્જરી કરી બાળકનો જીવ બચાવી લીધો.

મળતી માહિતી પ્રમાણે, ડીંડોલી વિસ્તારમાં દોઢ વર્ષની અનન્યા પરિવાર સાથે રહે છે. પિતા સાયકલ રીપેરીંગનું કામ કરે છે. દોઢ વર્ષની બાળકી માતા પિતાની જાણ બહાર મેગ્નેટિક મણકા ગળી ગઈ હતી, હજુ ભાષા બરાબર ન હોવાથી માતા પિતાને જણાવી શકી ન હતી. ત્યારબાદ બાળકીને ઉલ્ટી તથા પેટમાં દુઃખાવો થતાં નજીકના દવાખાને સારવાર માટે લઈ ગયા, 2-3 દિવસ ની સારવાર લીધા બાદ પણ દર્દી ને ઉલ્ટી તથા પેટનો દુઃખાવો બંધ થતો ન હતો.

બાળકીને લઈને ફરી દવાખાને લઇ ગયા જ્યાંથી તેમને મોટી હોસ્પિટલમાં જવાની સલાહ આપવામાં આવી. જેથી બાળકીને લઈને પરિવાર ગત 27/08/24 ના રોજ સ્મીમેર હોસ્પિટલ આવ્યા હતા. માતા પિતા મણકા ગળી જવાની માહિતીથી અજાણ હતા તેથી તેમને નાનાં બાળકોનાં વોર્ડમાં દાખલ કરવામાં આવી હતી. જ્યાં તેણીનો પેટ નો એક્સ રે કઢાવતા ખબર પડી કે બાળકીના પેટમાં મણકાની માળા છે. તેથી તેણીને વધારે સારવાર માટે સર્જરી વિભાગમાં શિફ્ટ કરવામાં આવી હતી.

આ પણ વાંચો :-

બજાજ હાઉસિંગ ફાઇનાન્સના શેરનું ધમાકેદાર લિસ્ટિંગ, 114 ટકા પ્રીમિયમ પર થયું લિસ્ટિંગ

News Editor
-
0

બજાજ હાઉસિંગ ફાઇનાન્સનો IPO સોમવારે શેરબજારમાં લિસ્ટ થયો હતો. લિસ્ટિંગના દિવસે જ તેણે રોકાણકારોને મોટો નફો આપ્યો છે. તેણે એક જ દિવસમાં રોકાણકારોના રૂપિયા ડબલ કરી દીધા છે. તે BSE અને NSE બંને પર 114.29 ટકાના પ્રીમિયમ સાથે 150 રૂપિયા પર લિસ્ટ થયો હતો. IPOમાં એક શેરની કિંમત 70 રૂપિયા હતી. આમ રોકાણકારોએ એક શેર પર 80 રૂપિયાનો નફો કર્યો હતો. આ બમણા કરતાં વધુ છે. લિસ્ટિંગ પછી તેમાં તેજી જોવા મળી હતી.

बजाज हाउसिंग फाइनेंस शेयर: बजाज बजाज आईपीओ की धमाकेदार शुरुआत... दोगुना हुआ पैसा, ग्रे मार्केट से भी बढ़ा प्रीमियम - एनएसई बीएसई पर बजाज हाउसिंग फाइनेंस का शेयर 114 प्रतिशत के साथ सूचीबद्ध हुआ

બજાજ ગ્રુપના આ IPOમાં કંપનીએ શેરની પ્રાઇસ બેન્ડ 66-70 રૂપિયા નક્કી કરી હતી. જો અપર પ્રાઇસ બેન્ડ સાથે સરખામણી કરવામાં આવે તો રોકાણકારોએ લિસ્ટિંગ સાથે પ્રત્યેક શેર પર 80 રૂપિયાની કમાણી કરી છે. IPOના એક લોટમાં 214 શેર સામેલ હતા. આ રીતે બજાજના આ IPOમાં સબ્સ્ક્રાઇબ કરવા માટે રોકાણકારોએ ઓછામાં ઓછા 14,980 રૂપિયાનું રોકાણ કરવું જરૂરી હતું. લિસ્ટિંગ બાદ એક લોટની કિંમત વધીને 32,100 રૂપિયા થઈ ગઈ છે. એટલે કે દરેક લોટ પર રોકાણકારોએ 17,120 રૂપિયાની કમાણી કરી છે.

આ IPOને રોકાણકારો તરફથી જબરદસ્ત પ્રતિસાદ મળ્યો હતો. આ આઇપીઓ 9 સપ્ટેમ્બરથી 11 સપ્ટેમ્બર સુધી ઓપન રહ્યો હતો. 6560 કરોડનો આ ઈશ્યુ આ ત્રણ દિવસમાં 63.60 ગણો સબસ્ક્રાઈબ થયો હતો. તેને 3 લાખ કરોડથી વધુની બિડ મળી હતી. ઈસ્યુ શરૂ થયાના થોડા કલાકોમાં જ તે સંપૂર્ણ રીતે સબસ્ક્રાઈબ થઈ ગયો હતો. કંપનીએ ફ્રેશ અને ઓફર ફોર સેલ (OFS) બંને શેર જાહેર કર્યા હતા. કંપનીએ OFS હેઠળ 3560 કરોડ રૂપિયાના મૂલ્યના 50.86 નવા શેર અને 3000 કરોડ રૂપિયાના 42.86 શેર જાહેર કર્યા હતા.

બજાજ હાઉસિંગ ફાઇનાન્સ શેર લાંબા ગાળા આકર્ષક રિટર્ન આપશે. માર્કેટ વિશ્લેષકો બજાજ હાઉસિંગ ફાઈનાન્સ શેર માટે લોંગ ટર્મ આઉટલૂકની ભલામણ કરે છે. તેમનું માનવું છે કે કંપની મજબૂત ફંડામેન્ટલ્સ, હાઉસિંગ ફાઇનાન્સ સેક્ટર માટેના એકંદર હકારાત્મક દ્રષ્ટિકોણ સાથે સમય જતાં વધુ આકર્ષક વળતર આપી શકે છે.

આ પણ વાંચો :-

કેવી રીતે થયું હતું ગેંગસ્ટર મુખ્તાર અંસારીનું મોત, તપાસ રિપોર્ટમાં થયો ખુલાસો

News Editor
-
0

ઉત્તર પ્રદેશની બાંદા જેલમાં ગેંગસ્ટર મુખ્તાર અન્સારીનું મોત હાર્ટ એટેકથી નિધન થયું હતું. મુખ્તારના પરિવારજનોએ જેલ પ્રશાસન પર તેને સ્લો પોઈઝન આપવાનો આરોપ લગાવ્યો હતો. આ આરોપીના મૃત્યુની મેજિસ્ટ્રિયલ તપાસ હાથ ધરવામાં આવી હતી. આ તપાસ રિપોર્ટ આવી ગયો છે. બાંદાના ડીએમએ યોગી સરકારને સોંપી દીધી છે. ઉત્તર પ્રદેશની બાંદા જેલમાં ગેંગસ્ટર મુખ્તાર અંસારીના મૃત્યુની મેજિસ્ટ્રિયલ તપાસમાં ઝેરની શક્યતાને નકારી કાઢવામાં આવી છે. મુખ્તાર અન્સારીનું મૃત્યુ હાર્ટ એટેકથી થયું હતું, જેની પોસ્ટમોર્ટમ રિપોર્ટ અને તપાસમાં પુષ્ટિ થઈ હતી.

मुख्तार अंसारी को 'धीमे जहर' देने के आरोप के बाद 'पेट दर्द' के चलते बांदा के अस्पताल में भर्ती कराया गया - द इकोनॉमिक टाइम्स

જેલમાં ઉલ્ટી થતાં ભાંગી પડેલા મુખ્તારના મૃત્યુ બાદ તેના પુત્ર ઓમર અંસારીએ ઝેર પીધાની આશંકા વ્યક્ત કરી હતી, ત્યારબાદ તપાસ હાથ ધરવામાં આવી હતી. જો કે, તપાસમાં ઝેરના કોઈ પુરાવા મળ્યા નથી અને તેને કુદરતી મૃત્યુ જાહેર કરવામાં આવ્યું હતું. આ સાથે એવું કહેવામાં આવ્યું હતું કે, પ્રશાસને મુખ્તાર અંસારીના પરિવારના સભ્યોને ઘણી નોટિસ મોકલી હતી, પરંતુ તેઓ જવાબ આપવા માટે હાજર નહોતા.

મહત્વનું છેકે, 28 માર્ચે બાંદા જેલમાં મુખ્તાર અંસારીની તબિયત બગડી હતી, ત્યારબાદ તેને તાત્કાલિક બાંદા મેડિકલ કોલેજમાં સારવાર માટે દાખલ કરવામાં આવ્યો હતો, જ્યાં સારવાર દરમિયાન તેનું મોત થયું હતું. મેડિકલ રિપોર્ટમાં મોતનું કારણ હાર્ટ એટેક જણાવવામાં આવ્યું છે. તે જ સમયે, મુખ્તારના પરિવારે તેને સ્લો પોઈઝન આપવાનો આરોપ લગાવ્યો હતો.

મુખ્તાર અંસારીના પરિવારે, ખાસ કરીને તેમના પુત્ર ઓમર અંસારીએ મુખ્તાઅંસારીનું મૃત્યુ ઝેરથી થયું હોવાની આશંકા વ્યક્ત કરી હતી, આ આરોપો બાદ બાંદા જિલ્લા અધિકારીએ આ મામલે મેજિસ્ટ્રેટ તપાસના આદેશ આપ્યા હતા પરંતુ વહીવટીતંત્ર અને તપાસ અહેવાલે આ વાતને નકારી કાઢી છે. કેસની નિષ્પક્ષતા જાળવવા માટે, ન્યાયિક અને મેજિસ્ટ્રિયલ તપાસ સમિતિઓની રચના કરવામાં આવી હતી. તપાસ બાદ જે રિપોર્ટ સામે આવ્યો છે તેમાં મુખ્તારનું મૃત્યુ કુદરતી રીતે અને હાર્ટ એટેકના કારણે થયું હોવાની પુષ્ટિ કરવામાં આવી છે.

આ પણ વાંચો :-

મેંગલુરુમાં સોશિયલ મીડિયા પોસ્ટને લઈ બજરંગ દળના કાર્યકરોનો ઉગ્ર વિરોધ

News Editor
-
0

કર્ણાટકના મેંગલુરુમાં ઈદ મિલાદ ઉન નબી પર એક સોશિયલ મીડિયા પોસ્ટને લઈને તણાવનું વાતાવરણ છે. વિશ્વ હિન્દુ પરિષદ અને બજરંગ દળના કાર્યકર્તાઓ રસ્તા પર ઉતરી આવ્યા છે અને હિંસક વિરોધ કરી રહ્યા છે. હિંદુ સંગઠનોના કાર્યકરોએ પોલીસ સાથે ઘર્ષણ પણ કર્યું હતું અને બેરિકેડ પણ તોડી નાખ્યા હતા. પોલીસે કહ્યું કે આજે ઈદના અવસર પર જે કોઈ હિંસા કરશે તેને બક્ષવામાં આવશે નહીં.

કર્ણાટકમાં ઈદ મિલાદ ઉન નબી પર ભડકી હિંસા, VHP અને બજરંગ દળના લોકોનું રસ્તા પર પ્રદર્શન - News Capital

મળતી માહિતી મુજબ, હિંદુ સંગઠનોના કાર્યકરોએ પોલીસ સાથે ઘર્ષણ પણ કર્યું હતું અને બેરિકેડ પણ તોડી નાખ્યા હતા. દક્ષિણ કન્નડ એસપી યતિષ એનએ જણાવ્યું હતું કે આજે ઇદ-એ-મિલાદ તહેવારની પૂર્વસંધ્યાએ, અમે સમગ્ર જિલ્લામાં પૂરતી વ્યવસ્થા કરી છે.

પોલીસ અધિકારીએ કહ્યું કે બીસી રોડ પરના બંટવાલ શહેરમાં વિરોધ પ્રદર્શન માટે બોલાવવામાં આવ્યા હતા, જેના માટે પૂરતી વ્યવસ્થા કરવામાં આવી છે. અમે સુનિશ્ચિત કરીએ છીએ કે બંટવાલ અથવા જિલ્લામાં ક્યાંય પણ કોઈ અપ્રિય ઘટના ન બને. તેણે કહ્યું કે કેટલાક લોકોમાં સમસ્યા ચાલી રહી છે અને હું કહી શકતો નથી કે સમસ્યા શું છે. અમે ફક્ત એ સુનિશ્ચિત કરવા માંગીએ છીએ કે બધું જ શાંતિપૂર્ણ રહે અને જે કોઈ હિંસા કરે તેની સામે કાર્યવાહી કરવામાં આવશે.

ઈદ-એ-મિલાદ રેલીને લઈને એક વિવાદાસ્પદ સોશિયલ મીડિયા પોસ્ટને કારણે આ હંગામો થયો છે અને હવે બંટવાલ પોલીસ સ્ટેશનમાં એફઆઈઆર નોંધવામાં આવી છે. માહિતી અનુસાર, ઈદ-એ-મિલાદ પર રેલીઓને લઈને એક વોટ્સએપ વોઈસ મેસેજ ફરતો કરવામાં આવ્યો હતો, ત્યારબાદ હિન્દુવાદી નેતાઓએ પ્રદર્શનની જાહેરાત કરી હતી.

આ પણ વાંચો :-

1...654655656...1,481Page 655 of 1,481