Home Blog Page 582

ગુજરાતમાં કડકડતી ઠંડીની શરુઆત, IMDની ચિંતાજનક આગાહી

News Editor
-
0

IMD એટલે કે ભારતીય હવામાન વિભાગે આ વર્ષે સામાન્ય ઠંડી રહેવાની આગાહી કરી છે. હવામાન વિભાગે સોમવારે જણાવ્યું હતું કે ભારતમાં હળવા શિયાળાની સાથે જ શીત લહેરના દિવસો ઘટશે. તેમજ આ સિઝનમાં લઘુત્તમ તાપમાન સામાન્ય કરતા વધુ રહેવાની ધારણા છે.

Weather Report: North India will have short-lived sunshine as western disturbances to hit soon – Firstpost

ભારતના હવામાન વિભાગના મહાનિર્દેશક મૃત્યુંજય મહાપાત્રાએ જણાવ્યું હતું કે, ‘શિયાળાની મોસમ (ડિસેમ્બર 2024થી ફેબ્રુઆરી 2025) દરમિયાન દેશના મોટાભાગના ભાગોમાં લઘુત્તમ તાપમાન સામાન્ય કરતાં વધુ રહેવાની સંભાવના છે.’ આગાહી મુજબ, શિયાળાની ઋતુમાં સામાન્ય પાંચથી છ દિવસની સરખામણીએ આ વખતે શીત લહેરના દિવસો ઓછી રહેવાની ધારણા છે.

ઠંડી માટે જાણિતુ અને રાજ્યની સરહદે આવેલા નલિયામાં તાપમાન સતત ગગડી રહ્યું છે. ઠંડીનો પારો 12 ડિગ્રી સુધી પહોંચી ગયો છે. 12 ડિગ્રી લઘુતમ તાપમાન સાથે નલિયા ગુજરાતનું સૌથી ઠંડુ શહેર પણ રહ્યું હતું. સોમવારે આખા દિવસના તાપમાન અંગે વાત કરીએ તો રાજ્યમાં 12 ડિગ્રીથી લઈને 23.4 ડિગ્રી સુધી લઘુતમ તપામાન નોંધાયું હતું.

ગુજરાતની રાજધાની ગાંધીનગર અને આર્થિક રાજધાની અમદાવાદમાં એકંદરે ઠંડીનો ચમકારો વર્તાઈ રહ્યો છે. સોમવારે દિવસ દરમિયાન અમદાવાદમાં 16.2 ડિગ્રી લઘુતમ તાપમાન અને ગાંધીનગરમાં 16.3 ડિગ્રી લઘુતમ તાપમાન નોંધાયું હતું. છેલ્લા થોડા દિવસોથી આ બે શહેરોમાં તાપમાનમાં કોઈ મોટો ફેરફાર જોવા મળ્યો નથી.

આ પણ વાંચો :-

આજે સંસદ ભવનની બહાર અદાણી-સંભલ હિંસા મુદ્દે વિપક્ષનો વિરોધ

News Editor
-
0

લોકસભામાં વિપક્ષના નેતા રાહુલ ગાંધી, કોંગ્રેસના સાંસદ પ્રિયંકા ગાંધી સહિત INDIA ગઠબંધનના નેતાઓએ સંસદ ભવનની બહાર પ્રદર્શન કર્યું હતું. આ દરમિયાન અદાણીના મુદ્દાને લઇને INDIA ગઠબંધનના નેતાઓે મોદી સરકારને ઘેરવાનો પણ પ્રયાસ કર્યો હતો. જેમાં લોકસભામાં વિપક્ષના નેતા રાહુલ ગાંધી અને નવા ચૂંટાયેલા સાંસદ પ્રિયંકા ગાંધી સામેલ છે. નોંધનીય વાત એ છે કે સમાજવાદી પાર્ટી અને તૃણમૂલ કોંગ્રેસે આ વિરોધ પ્રદર્શનમાં સામેલ થયા નથી.

25 નવેમ્બરથી શરૂ થયેલા સંસદના શિયાળુ સત્રમાં વિપક્ષના હોબાળાને કારણે સતત વિક્ષેપ પડી રહ્યો છે. કોંગ્રેસ પાર્ટી સમગ્ર ધ્યાન અદાણી પર અમેરિકામાં લાગેલા આરોપો પર કેન્દ્રિત કરી રહી છે. પરંતુ સમાજવાદી પાર્ટી સંભલ શહેરમાં થયેલી કોમી હિંસા પર ચર્ચાની માંગ કરી રહી છે. તૃણમૂલ કોંગ્રેસ ઇચ્છે છે કે મોંઘવારી, બેરોજગારી, ખેડૂતો, ખાતર, વિપક્ષ સાશિત રાજ્યો અને મણિપુરને આપવામાં આવેલા નાણાંમાં કાપ જેવા મુદ્દાઓ પર ગૃહમાં ચર્ચા થવી જોઈએ.

સંસદ પરિસદમાં વિરોધ દરમિયાન ઇન્ડિયા ગઠબંધનમાં મતભેદો ખુલીને સામે આવ્યા હતાં. વિરોધ પ્રદર્શનમાં રાહુલ ગાંધી અને પ્રિયંકા ગાંધી સામેલ થયા હતાં, પરંતુ સમાજવાદી પાર્ટી અને તૃણમુલ કોંગ્રેસના સાંસદો વિરોધમાં ન જોડાયા.

આ સત્ર માટે સત્તા પક્ષ 16 બિલ રજૂ કરવાનું છે. જોકે, હજુ સુધી આ બિલ પર ચર્ચા થઇ નથી. આશા છે કે આ અઠવાડિયે કેટલાક બિલને રજૂ કરીને પાસ કરવામાં આવી શકે છે. આ સિવાય બંધારણની 75મી વર્ષગાંઠ પર બે દિવસની વિશેષ ચર્ચા પણ કરવામાં આવી શકે છે.

આ પણ વાંચો :-

ડોનાલ્ડ ટ્રમ્પે હમાસને ચેતવણી આપી, જાણો ટ્રમ્પે શું કહ્યું ?

News Editor
-
0

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પે સોમવારે પેલેસ્ટિનિયન જૂથ હમાસને ચેતવણી આપી છે. તેમણે કહ્યું કે જો ગાઝા પટ્ટીમાં બંધક બનાવવામાં આવેલા લોકોને 20 જાન્યુઆરીએ તેમના શપથ ગ્રહણ પહેલા છોડવામાં નહીં આવે તો તેના ગંભીર પરિણામો આવશે. ગયા વર્ષે થયેલા હુમલામાં હમાસે 250થી વધુ લોકોને બંધક બનાવ્યા હતા. હાલમાં જ ઈઝરાયેલના પીએમ બેન્જામિન નેતન્યાહુ પણ ગાઝા પહોંચ્યા હતા.

ટ્રમ્પે તેમના ટ્રુથ સોશિયલ પ્લેટફોર્મ પર લખ્યું, ‘જો 20 જાન્યુઆરી, 2025 પહેલા બંધકોને છોડવામાં નહીં આવે, જે દિવસે હું ગર્વથી યુનાઇટેડ સ્ટેટ્સના રાષ્ટ્રપતિ તરીકે પદ સંભાળું છું, તો મધ્ય પૂર્વમાં ખૂબ મોટી કિંમત ચૂકવવી પડશે અને તે પણ. જેમણે માનવતા વિરુદ્ધ આ અત્યાચારો કર્યા છે. અમેરિકાના લાંબા અને ગૌરવશાળી ઈતિહાસમાં કોઈપણ વ્યક્તિ કરતાં જવાબદારોને વધુ આકરી સજા કરવામાં આવશે. બંધકોને તાત્કાલિક મુક્ત કરો.

ટ્રમ્પે કહ્યું કે, બાનમાં લેવા માટે જવાબદાર લોકો સામે યુનાઇટેડ સ્ટેટ્સ દ્વારા વિદેશી સંસ્થાઓ સામે અગાઉની કોઈપણ કાર્યવાહી કરતાં મોટી ક્ષમતામાં કાર્યવાહી કરવામાં આવશે. ટ્રમ્પે કહ્યું કે બંધકોને હવે મુક્ત કરો. નહીંતર એવો હુમલો થશે જેની તેઓ કલ્પના પણ નહીં કરી શકે. ટ્રમ્પે કહ્યું કે, જવાબદારો પર યુનાઇટેડ સ્ટેટ્સના લાંબા અને ઇતિહાસમાં અત્યાર સુધી જેટલો હુમલો થયો છે તેના કરતા વધુ હુમલો કરવામાં આવશે.

હમાસે બંધકોની મુક્તિના બદલામાં ઇઝરાયલને હુમલા રોકવાની માંગ કરી છે. જ્યારે ઇઝરાયેલના વડાપ્રધાન બેન્જામિન નેતન્યાહુએ કહ્યું છે કે જ્યાં સુધી હમાસનો સંપૂર્ણ નાશ નહીં થાય ત્યાં સુધી યુદ્ધ ચાલુ રહેશે. બંધકોની મુક્તિ માટે ઈઝરાયેલમાં પણ લોકો નેતન્યાહુ સરકાર વિરુદ્ધ વિરોધ પ્રદર્શન યોજી રહ્યા છે.

આ પણ વાંચો :-

ઈસરો ચીફ સોમનાથે ગગનયાન મિશનને લઈને આપ્યું મોટું અપડેટ

News Editor
-
0

ઇન્ડિયન સ્પેસ રિસર્ચ ઓર્ગેનાઈઝેશનએ ચંદ્રયાન-3ને ચંદ્રના દક્ષિણ ધ્રુવ પર ઉતારીને ઇતિહાસ રચ્યો હતો. આવું કરનાર ભારત વિશ્વનો પ્રથમ દેશ છે. સાથે જ ભારત ચંદ્ર પર માનવરહિત અવકાશયાન લેન્ડ કરનાર વિશ્વનો ચોથો દેશ છે. ચંદ્રયાન-3 પછી ઇસરો આગામી વર્ષોમાં અવકાશ ક્ષેત્રમાં ઘણા મિશન શરૂ કરવા જઈ રહ્યું છે. તેમાં ચંદ્રયાન-4 અને અંતરિક્ષ સ્પેસ સ્ટેશનની સાથે ગગનયાન મિશન પણ છે. ઇસરોના પ્રમુખ એસ સોમનાથે સોમવારે ભારતના ગગનયાન મિશન અંગે સારા સમાચાર આપ્યા છે.

એસ સોમનાથે જણાવ્યું કે ગગનયાન મિશન હેઠળ રોકેટની પ્રથમ માનવરહિત પરીક્ષણ ઉડાન આવતા વર્ષની શરૂઆતમાં શરૂ થઈ જશે. જણાવી દઈએ કે ગગનયાન પ્રોજેક્ટનો ઉદ્દેશ્ય ત્રણ દિવસના મિશન માટે અવકાશયાત્રીઓને પૃથ્વીથી 400 કિલોમીટર ઉપરની ભ્રમણકક્ષામાં મોકલીને ભારતની માનવ અવકાશ ઉડાન ક્ષમતાનું પ્રદર્શન કરવાનો છે. આ પછી, તેમને સુરક્ષિત રીતે સમુદ્રમાં ઉતારીને પૃથ્વી પર પાછા લાવવામાં આવશે. જો 90 અબજ રૂપિયાનો આ સ્વદેશી સ્પેસ પ્રોજેક્ટ સફળ થશે તો ભારત સોવિયત યુનિયન, અમેરિકા અને ચીન પછી અવકાશમાં માનવ મોકલનાર ચોથો દેશ બની જશે.

IIT-ગુવાહાટી ખાતે એક ઈવેન્ટ દરમિયાન મીડિયા સાથે વાત કરતા એસ સોમનાથે કહ્યું, “અમે છેલ્લા ચાર વર્ષથી ગગનયાન પ્રોજેક્ટ પર કામ કરી રહ્યા છીએ. અમારું રોકેટ સંપૂર્ણ રીતે તૈયાર છે. આવતા વર્ષની શરૂઆતમાં પરીક્ષણ શરૂ થશે ” અમે આ વર્ષે ડિસેમ્બરમાં જ અમે તેની શરૂઆત કરવા ઈચ્છતા હતા, પરંતુ તકનીકી મુશ્કેલીઓના કારણે શેડ્યૂલને આગળ ધપાવવામાં આવી રહ્યું છે.”

આ પણ વાંચો :-

૩ ડિસેમ્બર ૨૦૨૪, મંગળવારના દિવસે આ રાશિના જાતકોને આજનો દિવસ બેપારી સ્થિતિમાં સુધારો થશે, આવકના નવા સ્ત્રોત ખુલશે, જુઓ આજનું રાશિફળ

News Editor
-
0

મેષ

મનોબળ મજબૂત બનતું જણાય. આનંદ-ઉત્સાહમાં વધારો થતો જણાય. નિર્ણય શક્તિ મજબૂત બનતાં અગત્યના નિર્ણયો યોગ્ય રીતે લેવાય. આવકમાં વધારો થતો જણાય.ભાગ્ય પણ મજબૂત થથાં પ્રસન્‍નતા અનુભવાય.

વૃષભ

મનમાં પ્રસન્‍નતા અનુભવાય. આવકનું પાસુ મજબૂત બનતું જણાય. નાના ભાઇ બહેનોની પ્રગતિથી આનંદ થાય. જમણીઆંખની કાળજી રાખવી. નવા રોકાણો મુલતવી રાખવા. નોકરી-ધંધા બાબતે મિશ્રફળ મળતું જણાય.

મિથુન

નાણાંકીય ક્ષેત્રે ફાયદો થતો જણાય. પૈસાની છુટ વર્તાય. કાર્યમાં સફળતા. ભાગીદારીના ધંધામાં પ્રગતિ થાય. જમીન-મિલકત અંગેના વ્યવહારો આજે ટાળવા. દામ્પત્ય સુખમાં વૃધ્ધિ થતી જણાય.

કર્ક

દિવસ દરમ્યાન માનસિક ચિંતા રહે. આવકમાં વધારો થતો જણાય. સ્વાસ્થ્યની કાળજી રાખવી. શરદી, કફ થી સાચવવું. વૈવાહિક જીવનમાં પ્રેમ જળવાશે. મિત્રો તરફથી લાભ.

‌સિંહ

નાણાંની વખતસર હેરફેર થતી જણાય. મિત્રોનો સાથ સહકાર મળતો જણાય. ધંધાકીય બાબતો અંગે લીધેલા નિર્ણયો સફળ બનતા જણાય. સંતાન સંબંધી ચિંતા રહે. ખોટા વિચારો કરવાથી દૂર રહેવું.

કન્યા

નસીબ બળવાન બનતું હોવાને કારણે આવકમાં વૃધ્ધિ શક્ય બને. પરિવારમાં મતભેદ થવાના યોગ બને છે. માતૃ સુખ ઉત્તમ, નવા વાહનની ખરીદી શક્ય બને. નોકરી, તથા ધંધાકીય ક્ષેત્રે સફળતા મળશે.

તુલા

નસીબનો સાથ ઓછો મળતાં આવક માટે વધુ મહેનત કરવી જરૂરી બનશે. પરિવારના તમામ સભ્યોની પ્રગતિથી મન આનંદમાં રહેશે. કાર્યમાં સફળતા મળશે. તંદુરસ્તી જ‍ળવાશે. મિત્રોનો સાથ મળતો જણાતો નથી.

વૃશ્ચિક

આવકમાં વધારો થતો જણાય. પરિવારમાં સુખ શાંતિ બરકરાર રહેશે. સ્થાવર જંગમ મિલકત અંગે ફાયદો થતો જણાશે. સંતાન તરફથી સારા સમાચાર મળે. દામ્પત્ય સુખમાં આનંદની અનુભુતિ જણાય.

ધન

માનસિક શાંતિ વધતી જણાય. ગઇકાલના પ્રમાણમાં વિચારોમાં હકારાત્મકતા જણાય. આરોગ્ય સુધરતું જણાય. કાર્યક્ષેત્રે પણ સફળતા મળતી જણાય. સાંસારિક જીવનમાં આનંદનની લાગણી પેદા થાય. ભાગ્ય વૃધ્ધિ થતી જણાય.

મકર

આવક જાવકનું પાસું સરભર થતું જણાય. મનની ઉચ્ચકોટિની ભાવના પેદા થાય. નાણાંનો બગાડ અટકાવવો. જીવનસાથી સાથે વાદ વિવાદ ટાળવો. નોકરીમાં થોડો અસંતોષ રહે. ધંધાકીય બાબતમાં સફળતા મળતી જણાય. આરોગ્ય જળવાય.

કુંભ

મનોબળ મજબૂત બનતું જણાય. પોતાનું જ ધાર્યું કરવાની ઇચ્છા પ્રબળ બને. આવક વધતી જણાય. માતૃપક્ષ તરફથી સારા સમાચાર મળે. સંતાનની ચિંતા રહે. આરોગ્ય જળવાશે. મિત્ર વર્તુળમાં વધારો થાય તથા તેમની સહાય મળતી જણાય.

મીન

નોકરીમાં ટારગેટ પૂરા થતા જણાય. નવો ધંધો શરૂ કરી શકાય અને હાલના ધંધામાંથી ફાયદો મેળવી શકાય. માતાનો સહકાર મળતો જણાય. યશ પ્રતિષ્‍ઠામાં વધારો થાય. હાડકાનો દુઃખાવો પરેશાન કરે. ખોટા ખર્ચ વધી ન જાય એનું ધ્યાન રાખવું.

ડિસેમ્બર મહિનાની શરૂઆતથી જ ઠંડીનો પારો ગગડ્યો, જાણો હવામાન વિભાગની આગાહી

News Editor
-
0

ડિસેમ્બર મહિનાની શરૂઆતથી જ ઠંડીનો પારો ગગડ્યો હતો. ગુજરાતમાં તાપમાન નીચું જતાં જ ઠંડીનો જારદાર ચમકારો અનુભવાયો હતો. ઘણા સમય બાદ ઠંડીનું જોર નહિવત પ્રમાણમાં રહેતા પારો ત્રણ ડિગ્રી જંપ લગાવ્યો છે. જ્યારે બીજી તરફ દિવસ દરમિયાન 14 કિ.મી.ની ઝડપે ફૂંકાયેલા પવનના કારણે શહેરીજનોએ ગુલાબી ઠંડીનો અહેસાસ કર્યો હતો. વાતાવરણ ઠીડી રહેતા તાપમાનમાં પણ નોંધપાત્ર 2.2 ડિગ્રીનો ઘટાડો જોવા મળ્યો હતો.

ગુજરાતમાં તાપમાન ગગડી રહ્યું છે ત્યારે મોટા ભાગના વિસ્તારોમાં 15-16 ડિગ્રી લઘુતમ તાપમાન પહોંચી ગયું છે. સામાન્ય રીતે ગુજરાતમાં 12.4 ડિગ્રીથી લઈને 23.5 ડિગ્રી વચ્ચે લઘુતમ તપામાન રહ્યું હતું. જેમાં નલિયા 12.4 ડિગ્રી સાથે ગુજરાતનું સૌથી ઠંડુ શહેર રહ્યું હતું. જ્યારે ઓખામાં 23.5 ડિગ્રી લઘુતમ તપામાન નોંધાયું હતું. આ ઉપરાંત અમદાવાદમાં 15.4 ડિગ્રી, ડીસામાં 13.8 ડિગ્રી, વડોદારમાં 13 ડિગ્રી લઘુતમ તાપમાન નોંધાયું હતું.

અમદાવાદ શહેર સહિત સમગ્ર રાજ્યમાં ઠંડીનો પારો ગગડી રહ્યો છે ત્યારે શહેરમાં કડકડતી ઠંડીનો અનુભવ થઈ રહ્યો છે. અમદાવાદ શહેરના તાપમાન અંગે વાત કરીએ તો શહેરમાં 15.4 ડિગ્રી લઘુતમ અને 29 ડિગ્રી મહત્તમ તપામાન નોંધાયું હતું. આમ અમદાવાદમાં ઠંડી 15 ડિગ્રીની નજીક પહોંચી ગઈ હતી. ઠંડીના પગલે વહેલી સવારે ધુમ્મસના દ્રશ્યો પણ સર્જાય છે. ઠેરઠેર તાપણા પણ જોવા મળી રહ્યા છે.

આ પણ વાંચો :-

પીએમ મોદી આજે ‘ધ સાબરમતી રિપોર્ટ’ ફિલ્મ નિહાળશે

News Editor
-
0

વડાપ્રધાન નરેન્દ્ર મોદી આજે સાંજે 4 વાગ્યે સંસદમાં સાબરમતી ફિલ્મ નિહાળશે. વડાપ્રધાન નરેન્દ્ર મોદી અને ગૃહમંત્રી અમિત શાહની તેમની સંસદ ભવનમાં બેઠક ચાલી રહી છે. અગાઉ આ બેઠકમાં નડ્ડા પણ હાજર હતા. બેઠકમાં મહારાષ્ટ્ર સહિત અન્ય મુદ્દાઓ પર ચર્ચા થવાની શક્યતા છે.

ફિલ્મ ‘ધ સાબરમતી રિપોર્ટ’ જોવા માટે વડાપ્રધાન મોદી બપોરે 3 વાગ્યે બાલ યોગી ઓડિટોરિયમ પહોંચશે. ત્યારબાદ સંસદના સભ્યો પણ પહોંચશે. આ ફિલ્મનું સ્ક્રિનિંગ સાંજે 4 વાગ્યે શરૂ થશે. ફિલ્મ સાંજે 6.15 કલાકે પૂરી થશે. જોકે, બાદમાં વડાપ્રધાન મોદી ફિલ્મના કલાકારોને મળશે અને સાંજે 6.25 વાગ્યે ડિનર માટે જશે. આ પછી તેઓ સાંજે 7 વાગ્યે રવાના થશે.

વડાપ્રધાન મોદીએ ગોધરા ઘટનાને દર્શાવતી ફિલ્મ ‘ધ સાબરમતી રિપોર્ટ‘ની પ્રશંસા કરી હતી. તેમણે સોશિયલ મીડિયા પ્લેટફોર્મ ‘X’ પર પોસ્ટ કરીને લખ્યું હતું કે, ‘સારું છે કે આ સત્ય બહાર આવી રહ્યું છે અને તે પણ એવી રીતે કે જ્યાં સામાન્ય લોકો તેને જોઈ શકે. ખોટી વાર્તા મર્યાદિત સમય માટે જ ચાલી શકે છે. આખરે, સત્ય હંમેશા બહાર આવશે.’

આ પણ વાંચો :-

ફેંગલ વાવાઝોડાએ તમિલનાડુમાં તબાહી મચાવી, ભારે વરસાદ વચ્ચેભૂસ્ખલન

News Editor
-
0

તમિલનાડુના તિરુવન્નામલાઈ જિલ્લામાં રવિવારે મોડી સાંજે ભૂસ્ખલન થયું હતું, જેમાં એક પહાડીના નીચલા ઢોળાવ પર સ્થિત એક ઈમારત દબાઈ ગઈ હતી. આ ભૂસ્ખલનમાં બાળકો સહિત બે પરિવારના સાત લોકો ફસાયા હોવાની આશંકા છે. ફેંગલ વાવાઝોડાની અસરને કારણે જિલ્લામાં ભારે વરસાદને કારણે આ ભૂસ્ખલન થયું છે.

જિલ્લા કલેક્ટર ડી. ભાસ્કર પાંડિયને જણાવ્યું હતું કે, ‘ઘરની અંદર ફસાયેલા લોકોમાં પાંચ બાળકો હતા. સ્થાનિક પોલીસ, SDRF અને NDRFની ટીમ કાટમાળ નીચે દટાયેલા લોકોનું રેસ્ક્યુ કરી રહી છે. આ ઘટના રવિવારે સાંજે બની હતી જ્યારે તિરુવન્નામલાઈમાં અન્નામલાઈર પહાડીઓની તળેટીમાં સ્થિત વીઓસી નગરમાં ભૂસ્ખલન થયું હતું, જેમાં કેટલાય મકાનોને નુકસાન થયું હતું.’

આ વિસ્તારમાં ઘરો પર એક વિશાળ ખડક હોવાથી, જિલ્લા વહીવટીતંત્રે બચાવ કામગીરી શરૂ કરવા માટે NDRF અને SDRF ટીમોની મદદ માંગી છે. કલેક્ટરના જણાવ્યા અનુસાર, જો રેસ્ક્યુ ઓપરેશન યોગ્ય રીતે હાથ ધરવામાં નહીં આવે તો ખડકો પડવાનો ભય છે. ઘટના સ્થળની નજીકના અન્ય કેટલાંક મકાનોને પણ નુકસાન થયું છે. પ્રશાસને સ્થાનિક લોકોને સલામત સ્થળે ખસેડ્યા છે.

ફેંગલ વાવાઝોડાના કારણે પુડુચેરીમાં શનિવાર અને રવિવારે થયેલા વરસાદે 30 વર્ષનો રેકોર્ડ તોડી નાખ્યો છે. શનિવારે પુડુચેરી પહોંચેલું ‘ફંગલ વાવાઝોડું રવિવારે નબળું પડ્યું હતું. જો કે, તેની અસરને કારણે, કેન્દ્રશાસિત પ્રદેશમાં મુશળધાર વરસાદને કારણે સામાન્ય જીવન ખોરવાઈ ગયું હતું અને સેનાને પૂરના રસ્તાઓ પર ફસાયેલા લોકોને બચાવવા માટે આગળ વધવું પડ્યું હતું.

આ પણ વાંચો :-

મહારાષ્ટ્રના નવા મુખ્યમંત્રી તરીકે દેવેન્દ્ર ફડણવીસનું નામ ફાઈનલ

News Editor
-
0

આજે મહારાષ્ટ્રને નવા મુખ્યમંત્રી મળી શકે છે. ભાજપના એક સીનિયર નેતાએ દાવો કર્યો છે કે, મહારાષ્ટ્રના નવા મુખ્યમંત્રી તરીકે ભાજપ નેતા દેવેન્દ્ર ફડણવીસનું નામ નક્કી થઈ ગયું છે. 2 અથવા 3 ડિસેમ્બરના રોજ ધારાસભ્ય દળની બેઠક થશે, જેમાં ફડણવીસને ધારાસભ્ય દળના નેતા તરીકે ચૂંટવામાં આવશે.

ભાજપના એક વરિષ્ઠ નેતાએ દાવો કર્યો હતો. આ પહેલા રખેવાળ મુખ્ય પ્રધાન એકનાથ શિંદેએ કહ્યું હતું કે તેઓ નવા મુખ્ય પ્રધાનને પસંદ કરવાના ભાજપના નિર્ણયને ટેકો આપશે. મહારાષ્ટ્રના નવા મુખ્યમંત્રી તરીકે દેવેન્દ્ર ફડણવીસનું નામ ફાઈનલ કરવામાં આવ્યું છે. ભાજપના એક વરિષ્ઠ નેતાએ પીટીઆઈને જણાવ્યું હતું કે, નવી બીજેપી ધારાસભ્ય દળની બેઠક પસંદ કરવા માટેની બેઠક 2 અથવા 3 ડિસેમ્બરે યોજાશે.

મહાયુતિ એકતા માટે શિંદેના આગ્રહ છતાં સાથી પક્ષોના કેટલાક નેતાઓ અલગ-અલગ અવાજમાં બોલ્યા. ભૂતપૂર્વ કેન્દ્રીય પ્રધાન અને ભાજપના નેતા રાવસાહેબ દાનવેએ જણાવ્યું હતું કે જો અવિભાજિત સેના અને ભાજપ સાથે મળીને ચૂંટણી લડ્યા હોત, તો તેઓ વધુ બેઠકો જીતી શક્યા હોત.

અલગથી, શિવસેનાના ધારાસભ્ય ગુલાબરાવ પાટીલે દાવો કર્યો હતો કે એકનાથ શિંદેની આગેવાની હેઠળની પાર્ટીએ ચૂંટણીમાં 90-100 બેઠકો જીતી હોત, જો અજિત પવારની એનસીપી ગઠબંધનનો ભાગ ન હોત, તો અજિત પવારની આગેવાનીવાળી પાર્ટીની વળતી પ્રતિક્રિયા આપી હતી.

શિવસેના અને એનસીપીએ અનુક્રમે એકનાથ શિંદે અને અજિત પવારને તેમના વિધાયક પક્ષના નેતા તરીકે ચૂંટ્યા હોવા છતાં નેતાની પસંદગી કરવા માટે બીજેપી વિધાયક દળની બેઠક હજુ યોજાઈ નથી.

આ પણ વાંચો :-

વિક્રાંત મેસીએ એક્ટિંગમાંથી નિવૃત્તિની કરી જાહેરાત, કહ્યું-

News Editor
-
0

વિક્રાંત મેસી બોલિવૂડના સૌથી પ્રતિભાશાળી અભિનેતાઓમાંના એક છે. તેણે પોતાના કરિયરમાં અત્યાર સુધી અનેક પ્રકારના રોલ કર્યા છે અને દર્શકોના દિલમાં સ્થાન મેળવ્યું છે. પરંતુ 1 ડિસેમ્બરે વિક્રાંત મેસીએ ઈન્ડસ્ટ્રી છોડવાની જાહેરાત કરી હતી. જ્યારે તેમણે સોશિયલ મીડિયા પર એક્ટિંગમાંથી નિવૃત્તિની જાહેરાત કરી ત્યારે તેના ચાહકોને આશ્ચર્ય થયું હતું. વિક્રાંતે આ ચોંકાવનારો નિર્ણય એવા સમયે લીધો છે જ્યારે તે પોતાની કારકિર્દીમાં સફળતાના શિખરે છે.

વિક્રાંતની આ જાહેરાતથી ચાહકો અને બધાને આશ્ચર્ય થયું છે. ઘણા લોકોએ કોમેન્ટ સેક્શનમાં અભિનેતાના આ નિર્ણય પર નિરાશા વ્યક્ત કરી, એક યુઝરે લખ્યું, “તમે આવું કેમ કરશો? તમારા જેવો અભિનેતા ભાગ્યે જ કોઈ હશે. અમને કેટલાક સારા સિનેમાની જરૂર છે.” બીજાએ કોમેન્ટ કરી હતી કે, એક મહાન કરિયરને પાછળ છોડતા. જ્યારે ત્રીજાએ લખ્યું હતું કે, “હું આશા રાખું છું કે તે સાચું નથી.”

વિક્રાંત મેસીએ પોતાના ઈન્સ્ટાગ્રામ હેન્ડલ પર શેર કરેલી પોસ્ટમાં લખ્યું કે, ‘હેલો, છેલ્લા કેટલાક વર્ષો અને ત્યારથી લઈને અત્યાર સુધીનો સમય ઘણો સારો રહ્યો છે. તમારા સમર્થન બદલ હું આપ સૌનો આભાર માનું છું. પરંતુ, જેમ જેમ હું આગળ વધી રહ્યો છું તેમ, મને સમજાઈ રહ્યું છે કે હવે મારી જાતને ફરીથી એકસાથે ખેંચવાનો અને ઘરે પાછા જવાનો સમય આવી ગયો છે. પતિ, પિતા-પુત્ર અને અભિનેતા તરીકે પણ. તેથી, 2025માં આપણે એકબીજાને છેલ્લી વાર મળીશું. જ્યાં સુધી તે યોગ્ય ન લાગે. છેલ્લી 2 ફિલ્મો અને ઘણા વર્ષોની યાદો. આપ સૌનો ફરી આભાર. દરેક વસ્તુ માટે અને કઈંક આપણા વચ્ચે થયું હોય તેના માટે. હું હંમેશા તમારો ઋણી રહીશ.

આ પણ વાંચો :-

1...581582583...1,472Page 582 of 1,472