દિલ્હીની શાળાને બોમ્બથી ઉડાવી દેવાની ધમકી મળી છે. દિલ્હીના દ્વારકા વિસ્તારમાં આવેલી એક ખાનગી શાળાને આજે સવારે બોમ્બેથી ઉડાવી દેવાની ધમકી મળી છે. બોમ્બની ધમકી મળતા સુરક્ષા દળો શાળા પર પહોંચી ગયા છે. મીડિયા રિપોર્ટ મુજબ દિલ્હીના દ્વારકા વિસ્તારની ડીપીએસ સ્કૂલને બોમ્બની ધમકી મળી છે. પરિસ્થિતિને ધ્યાનમાં રાખી શાળા બંધ રાખવામાં આવી છે. શાળા દ્વારા વિદ્યાર્થીઓ માટે ઓનલાઇન ક્લાસ શરૂ કરવામાં આવ્યા છે. છેલ્લા 10 દિવસમાં આ છઠ્ઠી ઘટના છે. અગાઉ મંગળવારે સાઉથ દિલ્હી અને નોર્થ દિલ્હીની બે શાળાને બોમ્બની ધમકી હતી.
બોમ્બથી ઉડાવી દેવાની ધમકી મળતા જ બાળકોની સુરક્ષાને ધ્યાનમાં રાખીને ડીપીએસ ઈસ્ટ ઓફ કૈલાશના તમામ વાલીઓને શાળામાં રજાનો મેસેજ મોકલી દેવાયો. આ સાથે જ જે શાળાઓને ધમકી મળી છે તેમાં દિલ્હી પોલીસ અને બોમ્બ તથા ડોગ સ્ક્વોડ પહોંચી ગયા છે તથા શાળાઓના એક એક ખૂણાને ચકાસી રહ્યા છે.
શાળાઓને બોમ્બથી ઉડાવી નાખવાની ધમકી મળતા દિલ્હીના પૂર્વ સીએમ અરવિંદ કેજરીવાલે ચિંતા વ્યક્ત કરી છે. તેમણે એક્સ પર એક પોસ્ટમાં લખ્યું કે આ અઠવાડિયામાં આ બીજીવાર દિલ્હીની શાળાઓને બોમ્બની ધમકી મળી છે જે ખુબ જ ગંભીર અને ચિંતાજનક છે. જો આમ ચાલતું રહ્યું તો બાળકો પર તેની કેટલી ખરાબ અસર પડશે? તેમના અભ્યાસનું શું થશે?
ઈમેઈલમાં ધમકી અપાઈ છે કે 13 અને 14 ડિસેમ્બરે થનારા પીટીએમ દરમિાયન બોમ્બ વિસ્ફોટની વાત કરાઈ છે. ધમકી આપનારાએ કહ્યું છે કે શાળાઓમાં પહેલેથી જ બોમ્બ રાખી દેવાયા છે. તેમણે પોતાની માંગણી પણ પૂરી કરવા માટે કહ્યું છે. આમ નહીં કરાય તો વિસ્ફોટ કરવામાં આવશે. ઈમેઈલમાં લખ્યું છે કે અમને ખબર પડી છે કે શુક્રવાર અને શનિવારે શાળામાં પીટીએમ થવાની છે. આ દરમિાયન વાલી-શિક્ષક ઉપરાંત બાળકો પણ હશે. બોમ્બથી ઉડાવી દેવાની આ સારી તક હશે. 13 ડિસેમ્બર 2024 અને 14 ડિસેમ્બર 2024 આ બને દિવસ એવા હશે જ્યારે તમારા સ્કૂલે બોમ્બ વિસ્ફોટનો સામનો કરવો પડશે.
આ પણ વાંચો :-
