Home Blog Page 558

૨૮ ડિસેમ્બર, ૨૦૨૪ : આ રાશિના જાતકોને કષ્ટભંજન દેવની અસીમ કૃપાથી દરેક દુઃખ-દર્દ થશે દુર, નવા વાહનની ખરીદી શક્ય બને, જાણો આજનું રાશિ ભવિષ્ય

News Editor
-
0

મેષઃ
આર્થિક ક્ષેત્રે શુભ ફળ પ્રાપ્ત થતું જણાય છે. નોકરીમાં શાંતિ. હયાત ધંધામાંથી લાભ મેળવી શકાય તથા નવા ધંધાની શરૂઆતના યોગ બને છે. માતૃસુખ, પિતૃસુખ તથા વાહન સુખમાં વધારો થાય. ભાગ્યનો સાથ મળતો જણાય.
વૃષભઃ
દિવસની શરૂઆત સુંદર રીતે થાય. આવક જળવાય. કરેલા કાર્યમાં સફળતા પ્રાપ્ત થાય. ભાગ્ય બળવાન બને છે. દામ્પત્ય ક્ષેત્રે આનંદ. ધાર્મિક ભાવના વધતી જણાય. જમણા હાથની કાળજી રાખવી જરૂરી.
મિથુનઃ
જીવનસાથી સાથે પ્રેમ જળવાય. મોજશોખમાં ખર્ચનું પ્રમાણ વધે. આવક બાબતમાં સામાન્ય સ્થિતિ બની રહે. શરદી-ખાંસીનો ઉપદ્રવ રહે. સ્થાવર જંગમ મિલક્તથી લાભ. પિતાની તબિયત સાચવવી.
કર્કઃ
માનસિક આનંદ જળવાય. નાણાંકીય પાસુ મજબૂત બને. પરિવારમાં આનંદ જળવાય. સ્થાવર જંગમ મિલકતથી લાભ. વૈવાહિક જીવનમાં પ્રેમ જળવાય. મિત્રોનો સાથ સહકાર મળે. આરોગ્ય જળવાય.
સિંહઃ
સંતાનની પ્રગતિથી હર્ષ. વિદ્યાર્થી વર્ગને સફળતા. આદ્યાત્મિક બાબતોમાં રૂચિ વધે. સેવાકાર્યમાં સમય વ્યતીત થાય. યશ-પ્રતિષ્‍ઠામાં વધારો થાય. શરદી, ખાંસી, કફની સમસ્યાનો સામનો કરવો પડે.
કન્યાઃ
જીવનસાથી સાથે વાદ વિવાદ ટાળવો. સંતાનના પ્રશ્નોનું નિરાકરણ આવતું જણાય. સંતાન તરફથી સારા સમાચાર મળે. એકાઉન્ટીંગ, બેંક, વીમા, એડવોકેટ જેવા વ્યવસાયમાં લાભ. માથાના દુઃખાવાથી પરેશાની રહે.
તુલાઃ
કરેલા રોકાણો ફળદાયી નીવડે. નવા રોકાણોનું યોગ્ય રીતે આયોજન કરી શકાય. પરિવારમાં પરસ્પર પ્રેમનું વાતાવરણ જળવાય. માતૃસુખ, વાહનસુખમાં વધારો થાય. સ્વાસ્થય સારૂં રહેશે.
વૃશ્ચિકઃ
બેંક બેલેન્સ વધતું જણાય. પરિવારમાં મિશ્રફળ અનુભવાય. સંતાન અંગેની ચિંતા સતાવે. જીવનસાથી સાથે પ્રેમ જળવાય. ભાગ્યનો સાથ મળતો જણાય. ચામડીના રોગોની કાળજી રાખવી.
ધનઃ
આવક બાબતમાં થોડો અસંતોષ રહે. સામાજીક કાર્યોમાં ખર્ચ થાય. અગત્યના કાર્યો મુલતવી રાખવા. દામ્પત્ય જીવનમાં આનંદ વર્તાય. ભાગ્યનો સાથ મળતો જણાય છે. આરોગ્ય જળવાય.
મકરઃ
વિચારશીલતા તથા નવું શીખવાની ભાવના વધતી જણાય. જ્યોતિષનો શોખ રહે. ડૉક્ટર, શિક્ષણ, બાંધકામ તથા સરકારી ખાતામાં કામ કરતા વ્યક્તિઓને વિશેષ લાભ. પિતા કે વડીલ સાથે મતભેદ ટાળવા.
કુંભઃ
ધંધામાં મોટું નાણાંકીય જોખમ લેવાથી દૂર રહેવું. નાણાં ઉછીના આપવા કે લેવા નહીં અન્યથા નાણાં ફસાઈ જવાની શક્યતા છે. આવક જળવાય. મિત્રોથી લાભ. સંતાન સુખમાં વધારો થાય. શરદી-ખાંસીનો ઉપદ્રવ રહે.
મીનઃ
સ્વભાવમાં ગુસ્સાનું પ્રમાણ વધે. આવક જળવાય. કાર્યમાં સફળતા મળતી જણાય. પરિવારમાં આનંદ વર્તાય. રોકાણોમાંથી યોગ્ય આવક મળતી જણાય. મિત્રોથી લાભ. યશ-પ્રતિષ્‍ઠા વધે. આરોગ્ય જળવાય.

આ પણ વાંચો :-

સુઝુકી મોટર કોર્પોરેશનના ભૂતપૂર્વ ચેરમેન ઓસામૂ સુઝુકીનું નિધન

News Editor
-
0

ઓસામું સુઝુકીકે જેઓ જાપાનની જાણીતી ઓટોમોબાઈલ કંપની સુઝુકી મોટર કોર્પોરેશનના ભૂતપૂર્વ ચેરમેન હતા અને લાંબા સમયથી હેડ તરીકે જવાબદારી સંભાળતા હતા તેમનું 94 વર્ષની ઉંમર અવસાન થયું છે. તેમણે સુઝુકી મોટરને ગ્લોબલ ઓટોમોબાઈલ બ્રાન્ડ તરીકે સ્થાપિત કરવામાં અત્યંત મહત્વની ભૂમિકા ભજવી હતી.

વર્ષ 1980ના દાયકામાં ભારતમાં સસ્તી અને ટકાઉ કારોની ભારે અછત હતી. ઓસામુ સુઝુકી તે સમયે આ અંગે રહેલી તકને જોઈ અને ભારત સરકાર સાથે મળી કામ શરુ કર્યું. ભારતમાં પહેલી કાર મારુતિ 800 વર્ષ 1983માં લોંચ થઈ હતી. તેની કિંમત આશરે રૂપિયા 47,500 Sતી, જે મધ્યમ વર્ગના પરિવાર માટે બેસ્ટ હતી. ઓસામુ સુઝુકી પોતે આ પ્રોજેક્ટમાં વ્યક્તિગત રીતે સામેલ રહ્યા હતા.

તેમણે વર્ષ 1958માં કરિયરની શરૂઆત સુઝુકી મોટર સાથે જોડાઈને કરી હતી. તેમણે કંપનીના મેનેજમેન્ટ તથા સ્ટ્રેટેજીક પાસામાં મહત્વની ભૂમિકા ભજવી હતી. વર્ષ 1978માં તેઓ સુઝુકી મોટરના અધ્યક્ષ બન્યા હતા. વર્ષ 2000માં તેઓ કંપનીના ચેરમેન બન્યા હતા.

આ પણ વાંચો :-

મુંબઈ આતંકવાદી હુમલાના ગુનેગાર અબ્દુલ રહેમાનનું પાકિસ્તાનમાં મોત

News Editor
-
0

મુંબઈમાં આતંકવાદી હુમલાના ગુનેગાર અને આતંકવાદી સંગઠન જમાત-ઉદ-દાવાના ડેપ્યુટી ચીફ હાફિઝ અબ્દુલ રહેમાન મક્કીનું મોત થયું છે. મક્કીનું મોત હાર્ટ એટેકને લીધે થયું છે, એમ પાકિસ્તાની મિડિયાએ દાવો કર્યો છે. ભારતમાં 26/11ના મુંબઈ હુમલાના કથિત માસ્ટરમાઈન્ડ હાફિઝ સઈદના સંબંધી અને પ્રતિબંધિત જમાત-ઉદ-દાવા (JUD)ના નાયબ વડા હાફિઝ અબ્દુલ રહેમાન મક્કી મોતને ભેટ્યો છે. શુક્રવારે લાહોરમાં હાર્ટ એટેકથી તેનું મોત થયું છે.

પ્રાપ્ત વિગતો અનુસાર મક્કી મુંબઈ આતંકી હુમલાના માસ્ટરમાઇન્ડ હાફિઝ સઈદ અને પ્રતિબંધિત જમાત-ઉદ-દાવાના ડેપ્યુટી ચીફનો સંબંધી હતો. જમાત-ઉદ-દાવા (JuD) અનુસાર, પ્રોફેસર અબ્દુલ રહેમાન મક્કી છેલ્લા કેટલાક દિવસોથી બીમાર હતો અને લાહોરની ખાનગી હોસ્પિટલમાં તેમની સારવાર ચાલી રહી હતી, જ્યાં આજે તેનું મોત થયું છે.

મક્કીની મે, 2019માં પાકિસ્તાનમાં ધરપકડ કરવામાં આવી હતી. આ પછી તેને લાહોરમાં નજરકેદ કરવામાં આવ્યો હતો. વર્ષ 2020માં પાકિસ્તાનની એક કોર્ટે પણ તેને આતંકવાદી ધિરાણ સંબંધિત કેસોમાં દોષિત ઠેરવ્યો હતો અને તેને આજીવન કેદની સજા ફટકારી હતી. આ પછી તેની બહુ ચર્ચા થઈ નહોતી. જાન્યુઆરી, 2023માં મક્કીને સંયુક્ત રાષ્ટ્ર સુરક્ષા પરિષદ (UNSC) દ્વારા પણ ‘વૈશ્વિક આતંકવાદી’ જાહેર કરવામાં આવ્યો હતો. આ અંતર્ગત તેમની સંપત્તિ જપ્ત કરવામાં આવી હતી, મુસાફરી પર પ્રતિબંધ લાદવામાં આવ્યો હતો અને હથિયારો પર પ્રતિબંધ લાદવામાં આવ્યો હતો.

મુંબઈ આતંકવાદી હુમલા ઉપરાંત, મક્કી લાલ કિલ્લાના હુમલામાં તેની સંડોવણીને કારણે ભારતની સુરક્ષા એજન્સીના રડાર પર હતો. 22 ડિસેમ્બર, 2000ના લાલ કિલ્લા પર હુમલો કરવામાં આવ્યો હતો. આ હુમલામાં મક્કીનો પણ હાથ હોવાનું સામે આવ્યું હતું. આ હુમલામાં લશ્કરના છ આતંકવાદીઓ લાલ કિલ્લા પર ઘૂસી ગયા હતા અને કિલ્લાની રક્ષા કરી રહેલા સુરક્ષા દળો પર ગોળીબાર કર્યો હતો..

આ પણ વાંચો :-

મેલબર્ન ટેસ્ટ મેચની સુરક્ષામાં મોટી ચૂક, કોહલીને મળવા મેદાનમાં ઘુસી આવ્યો વ્યક્તિ

News Editor
-
0

ઓસ્ટ્રેલિયા વિરુદ્ધ બોક્સિંગ ડે ટેસ્ટ મેચના બીજા દિવસે જ્યારે વિરાટ સ્લીપમાં ફિલ્ડિંગ કરી રહ્યો હતો ત્યારે આ વિદેશી વ્યક્તિ અચાનક દર્શકોની ગેલેરીમાંથી ઊભો થઈ ગયો અને મેદાન પર દોડવા લાગ્યો અને વિરાટ કોહલીને ગળે લગાક્યો. જોકે બાદમાં સુરક્ષાકર્મીઓએ આ વ્યક્તિને પકડી લીધો હતો.

ભારત અને ઓસ્ટ્રેલિયા વચ્ચે બોક્સિંગ ડે ટેસ્ટ મેચ રમાઈ રહી છે. મેલબોર્ન ક્રિકેટ ગ્રાઉન્ડ પર ચાલી રહેલી ટેસ્ટ મેચના બીજા દિવસે સુરક્ષામાં ભારે ક્ષતિ જોવા મળી હતી. પ્રેક્ષક ગેલેરીમાંથી બહાર આવ્યા બાદ એક વિદેશી વ્યક્તિ અચાનક મેદાન પર દોડી આવ્યો અને ભારતીય ખેલાડીઓને મળવાનો પ્રયાસ કરવા લાગ્યો.

બોક્સિંગ ડે ટેસ્ટ મેચમાં, ઓસ્ટ્રેલિયન ટીમે ટોસ જીતીને પ્રથમ બેટિંગ કરવાનો નિર્ણય લીધો હતો, જેમાં રમતના બીજા દિવસે, તેમની પ્રથમ ઇનિંગની 97મી ઓવરમાં, એક વ્યક્તિ અચાનક સ્ટેન્ડ પરથી કૂદી ગયો અને સીધો મેદાન પર સુરક્ષાકર્મીઓને ચકમો આપીને દોડી આવ્યો અને આ સમયે ફિલ્ડિંગ કરી રહેલા ભારતીય ખેલાડીઓએ પહોંચી ગયો. જેમાં તેણે પહેલા સ્લિપમાં ફિલ્ડિંગ કરી રહેલા રોહિત શર્મા પાસે જવાનો પ્રયાસ કર્યો પરંતુ બાદમાં તે વ્યક્તિ સીધો વિરાટ કોહલી પાસે ચાલ્યો ગયો.

આ વ્યક્તિને જોઈને દરેક વ્યક્તિ અનુમાન લગાવી રહી છે કે, આ એ જ વ્યક્તિ છે જેણે વર્ષ 2023માં ભારતના અમદાવાદના નરેન્દ્ર મોદી સ્ટેડિયમ ખાતે આયોજિત ODI વર્લ્ડ કપની મેચ દરમિયાન મેદાન પર કોહલી પાસે ગયો હતો, જેમાં તેના ટી-શર્ટ પર લખેલો મેસેજ પણ લગભગ આવો જ હતો.

ઓસ્ટ્રેલિયન ટીમે બોક્સિંગ ડે ટેસ્ટ મેચમાં તેની પ્રથમ ઇનિંગમાં 474 રન બનાવ્યા હતા, જેમાં તેની ટેસ્ટ કારકિર્દીની 34મી સદી ફટકારનાર સ્ટીવ સ્મિથના બેટમાંથી 140 રનની શાનદાર ઇનિંગ જોવા મળી હતી. સ્મિથ હવે ભારત વિરુદ્ધ ટેસ્ટ ક્રિકેટમાં સૌથી વધુ સદી ફટકારનાર ખેલાડી પણ બની ગયો છે, જેમાં ટીમ ઈન્ડિયા વિરુદ્ધ આ તેની 11મી ટેસ્ટ સદી પણ હતી. ટીમ ઈન્ડિયા માટે પ્રથમ દાવમાં બુમરાહનો જાદુ બોલ સાથે જોવા મળ્યો, જે 4 વિકેટ લેવામાં સફળ રહ્યો.

આ પણ વાંચો :-

દેશના એકમાત્ર વડાપ્રધાન જેના હસ્તાક્ષર ચલણી નોટ પર જોવા મળે

News Editor
-
0

ભારતના ભૂતપૂર્વ વડાપ્રધાન ડૉ.મનમોહન સિંહનું ગુરુવારે 92 વર્ષની વયે નિધન થયું. તેમણે દેશના નાણામંત્રી અને RBI ગવર્નરની જવાબદારી સંભાળી હતી. તેમણે એક વિશેષ સન્માન પણ પ્રાપ્ત છે. તેઓ દેશના એકમાત્ર એવા વડાપ્રધાન છે જેમના હસ્તાક્ષર ભારતીય ચલણી નોટો પર જોવા મળે છે. 2005માં પણ જ્યારે તેઓ વડાપ્રધાન પદ પર હતા ત્યારે ભારત સરકારે 10 રૂપિયાની નવી નોટ બહાર પાડી હતી. તેના પર મનમોહન સિંહના હસ્તાક્ષર હતા. જો કે તે સમયે નોટો પર ભારતીય રિઝર્વ બેંકના ગવર્નરના હસ્તાક્ષર થતા હતા. પરંતુ 10 રૂપિયાની નોટ પર આ ખાસ બદલાવ થયો હતો.

પૂર્વ વડાપ્રધાન મનમોહન સિંહ ભારતીય રિઝર્વ બેંકના ગવર્નર રહી ચૂક્યા છે. તેઓ 16 સપ્ટેમ્બર 1982 થી 14 જાન્યુઆરી 1985 સુધી આ પદ પર હતા. આ દરમિયાન છપાયેલી નોટો પર તેમના હસ્તાક્ષર હતા. ભારતમાં હજુ પણ આ પ્રણાલી અસ્તિત્વમાં છે કે ચલણ પર રાષ્ટ્રપતિ અને વડા પ્રધાનના હસ્તાક્ષર નહીં, પરંતુ RBI ગવર્નરના હસ્તાક્ષર થાય છે.

ભારતને નવી આર્થિક નીતિના માર્ગ પર લાવવાનો શ્રેય ડૉ.મનમોહન સિંહ ને આપવામાં આવે છે. તેમણે ફોરેન ડાયરેક્ટ ઇન્વેસ્ટમેન્ટ (FDI), રૂપિયાનું અવમૂલ્યન, ટેક્સમાં ઘટાડો અને જાહેર ક્ષેત્રની કંપનીઓના ખાનગીકરણને મંજૂરી આપીને નવી શરૂઆત કરી. આર્થિક સુધારાની વ્યાપક નીતિ શરૂ કરવામાં તેમની ભૂમિકા સમગ્ર વિશ્વમાં સ્વીકારવામાં આવે છે. તેમની નીતિઓએ જ ભારતીય અર્થતંત્રને ઉદારીકરણ, વૈશ્વિકીકરણ અને ખાનગીકરણની દિશામાં લઈ જવાનું કામ કર્યું. તેમણે 1996 સુધી નાણામંત્રી તરીકે આર્થિક સુધારાનો અમલ ચાલુ રાખ્યો.

તેમણે 2008ના વૈશ્વિક નાણાકીય મંદી દરમિયાન પણ દેશનું નેતૃત્વ કર્યું અને મુશ્કેલ પરિસ્થિતિનો સામનો કરવા માટે એક વિશાળ પ્રોત્સાહન પેકેજની જાહેરાત કરી. તેમના કાર્યકાળ દરમિયાન જ યુનિક આઈડેન્ટિફિકેશન ઓથોરિટી ઓફ ઇન્ડિયા દ્વારા ‘આધાર’ની શરૂઆત કરવામાં આવી હતી. આ સિવાય તેમણે મોટા પાયા પર નાણાકીય સમાવેશને પણ પ્રોત્સાહન આપ્યું અને વડાપ્રધાન તરીકેના તેમના કાર્યકાળ દરમિયાન દેશભરમાં બેંક શાખાઓ ખોલવામાં આવી. રાઈટ ટુ ફૂડ એક્ટ અને રાઈટ ઓફ ચિલ્ડ્રન ટુ ફ્રી એન્ડ કમ્પલ્સરી એજ્યુકેશન એક્ટ જેવા અન્ય સુધારા પણ તેમના કાર્યકાળ દરમિયાન થયા.

આ પણ વાંચો :-

ઈઝરાયલના હુમલામાં WHO ચીફ માંડ-માંડ બચ્યા, પ્લેન ક્રૂના સભ્યો ઘાયલ

News Editor
-
0

વર્લ્ડ હેલ્થ ઓર્ગેનાઈઝેશન (WHO)ના ડાયરેક્ટર જનરલ ટેડ્રોસ એડનોમ ઘેબ્રેયેસસ યમનના સના એરપોર્ટ પર બોમ્બમારાથી માંડ-માંડ બચ્યા હતા. જ્યારે બોમ્બમારો થયો ત્યારે ટેડ્રોસ યુનાઇટેડ નેશન્સ અને વર્લ્ડ હેલ્થ ઓર્ગેનાઇઝેશનના તેના સાથીદારો સાથે પ્લેનમાં સવાર થવાના હતા. WHOના ડાયરેક્ટર જનરલે પોતે સોશિયલ મીડિયા પોસ્ટમાં આ વાતનો ખુલાસો કર્યો છે.

વર્લ્ડ હેલ્થ ઓર્ગેનાઈઝેશન (WHO) ના ડાયરેક્ટર જનરલ ટેડ્રોસ એડહાનોમ ગુરુવારે યમનના સના ઈન્ટરનેશનલ એરપોર્ટ પર ઈઝરાયેલના હવાઈ હુમલામાં બચી ગયા હતા. આ હુમલામાં લગભગ બે લોકોના મોતના સમાચાર સામે આવ્યા છે. ડો. ટેડ્રોસ તેમના સંયુક્ત રાષ્ટ્ર (યુએસ) અને ડબ્લ્યુએચઓના સાથીદારો સાથે ફ્લાઇટમાં સવાર થવાના હતા અને તે જ ક્ષણે હુમલો થયો હતો. આ દરમિયાન ફ્લાઈટ ક્રૂના એક સભ્ય અને ડ્રાઈવરને ઈજા થઈ હતી.

વર્લ્ડ હેલ્થ ઓર્ગેનાઈઝેશનના ચીફ એદનોમે એક પોસ્ટમાં જણાવ્યું કે યુએનના સ્ટાફને બંધક બનાવી લેવાયા બાદ તેમને મુક્ત કરાવવા વાતચીત માટે અમે યમન ગયા હતા. ત્યાં સ્વાસ્થ્ય અને માનવીય સ્થિતિનું આકલન કરવાનું અમારું મિશન ખતમ થઇ ગયું. જ્યારે અમે ફ્લાઈટમાં બેસવા માટે પહોંચ્યા એરપોર્ટ પર બોમ્બમારો કરી દેવાયો. જેમાં અમારા વિમાનના ક્રૂ મેમ્બર્સમાંથી એક તેની લપેટમાં આવી ગયો હતો.

આ પણ વાંચો :-

સલમાન ખાનની ફિલ્મ સિકંદરનું ટીઝર આજે રિલીઝ નહિ થાય, જાણો આ છે કારણ ?

News Editor
-
0

સલમાન ખાનની ફિલ્મ સિકંદરનું ટીઝર આજે શુક્રવારે ભાઈજાનના બર્થ ડે પર રિલીઝ થવાનું હતું. ફેન્સ તેમના ટીઝરને લઈને ઘણા ઉત્સુક હતા. પરંતુ હવે તેની રિલીઝ કેન્સલ કરી દેવામાં આવી છે. પૂર્વ વડાપ્રધાન મનમોહન સિંહના નિધનને પગલે આ નિર્ણય લેવામાં આવ્યો છે.

સિંકદર ફિલ્મ પ્રોડક્શન હાઉસ નડિયાદવાલા ગ્રેડસન એન્ટરટેનમેન્ટે સોશિયલ મીડિયા પર પોસ્ટ કરતાં જણાવ્યું કે પૂર્વ વડાપ્રધાન મનમોહનસિંહજીના નિધનથી અમે ઘણા દુખી છીએ અને અમે ખૂબ દુ:ખ સાથે જણાવી રહ્યા છીએ કે સિકંદરનું ટીઝર રિલીઝ મોકૂફ રાખવામાં આવ્યું છે.

દર વર્ષે ઈદ પર સલમાન ખાન પોતાની ફિલ્મોથી થિયેટરોમાં ધૂમ મચાવી નાખે છે. જો કે વર્ષ 2024માં તેમની એક પણ ફિલ્મ રીલીઝ થઈ ન હતી. પરંતુ હવે ‘સિકંદર’ની જાહેરાત અને ટીઝર રીલીઝના સમાચારે ચાહકોનો ઉત્સાહ બમણો કરી દીધો છે. ‘સિકંદર’ 2025ની ઈદ પર રીલીઝ કરવાની યોજના છે. સલમાન ખાને આ વર્ષની શરૂઆતમાં આ ફિલ્મની જાહેરાત કરી હતી અને ત્યારથી ચાહકો તેની આતુરતાથી રાહ જોઈ રહ્યા હતા.

સલમાન ખાને તેમની ફિલ્મ ‘સિકંદર’નું પોસ્ટર સોશિયલ મીડિયા પર શેર કર્યું છે, જેમાં તેઓ ફોર્મલ સૂટ પહેરીને હાથમાં ભાલો પકડેલ જોવા મળે છે. તેમનો રફ અને પાવરફુલ લુકથી ચાહકો ઉત્તેજિત છે. સલમાને પોસ્ટર સાથે લખ્યું, ‘કાલે સવારે 11.07 વાગ્યે ફરી મળીશું. આવતીકાલે સિકંદરનું ટીઝર આવી રહ્યું છે.’ આ પોસ્ટ પર ચાહકોનું રિએકશન આવ્યું છે. સલમાનની પોસ્ટ પર ચાહકોએ ઘણો પ્રેમ વરસાવ્યો છે. કોમેન્ટ કરતાં એક ચાહકે લખ્યું, ‘આ ગયા સબકા બાપ!’ બીજાએ કમેન્ટ કરી, ‘ઓહ માય ગૉડ, શું લૂક છે સલમાન ખાન!’ ઘણા ચાહકોએ તેમને તેમના જન્મદિવસ પર શુભેચ્છાઓ આપી છે.

આ પણ વાંચો :-

પીએમ મોદીએ મનમોહન સિંહને શ્રદ્ધાંજલિ આપી

News Editor
-
0

વડાપ્રધાન મોદી અને કેન્દ્રીય ગૃહમંત્રી અમિત શાહ દિવંગત પૂર્વ વડાપ્રધાન મનમોહન સિંહને શ્રદ્ધાંજલિ આપવા આપવા પહોંચ્યા હતા. બંને ટોચના નેતાઓએ પૂર્વ પીએમના પરિવારજનો પ્રત્યે સહાનુભૂતિ વ્યક્ત કરી હતી.

વડાપ્રધાન નરેન્દ્ર મોદી તેમના અંતિમ દર્શન માટે આજે મોતીલાલ નેહરુ માર્ગ જઈ શકે છે. પૂર્વ વડાપ્રધાન ડૉ. મનમોહન સિંહના પાર્થિવ દેહ હાલમાં અહીં રાખવામાં આવ્યા છે.

કોંગ્રેસના મહાસચિવ કેસી વેણુગોપાલે કહ્યું, ‘આ દુઃખદ સ્થિતિ છે. ડૉ.મનમોહન સિંહ કોંગ્રેસ અને દેશનું અસલી પ્રતીક હતા. આઝાદી પછી તેઓ હીરો હતા. દરેક વ્યક્તિએ તેમની દૂરંદેશી અને દેશ પર શાસન કરવાની ક્ષમતા જોઈ… 28મી ડિસેમ્બરે કોંગ્રેસના સ્થાપના દિવસ સહિત 7 દિવસ માટે કોંગ્રેસના તમામ કાર્યક્રમો રદ કરવામાં આવ્યા છે.

ત્યારે દેશના બે વખત વડાપ્રધાન રહી ચૂકેલા મનમોહન સિંહને દેશ દુનિયાના નેતાઓ શ્રદ્ધાંજલી આપી રહ્યા છે. કોંગ્રેસ નેતા સલમાન ખુર્શીદે ટ્વીટ કરીને તેમના નિધન અંગેની જાણકારી આપી છે. તેમને ટ્વીટ કરતા લખ્યું કે 2 વખત દેશના વડાપ્રધાન રહી ચૂકેલા પૂર્વ પીએમ ડૉ.મનમોહન સિંહનું 92 વર્ષની વયે નિધન થયું છે. તેઓ લાંબા સમયથી સ્વાસ્થ્ય સંબંધિત સમસ્યાઓનો સામનો કરી રહ્યા હતા.

કેન્દ્રીય મંત્રી હરદીપ સિંહ પુરીએ કહ્યું, “ભારતના ભૂતપૂર્વ વડાપ્રધાન, સરદાર ડૉ. મનમોહન સિંહ જીના નિધનથી ખૂબ જ દુઃખ થયું છે. તેઓ એક મહાન રાજનેતા અને દૂરંદેશી નેતા હતા. એક શીખ, એક અનુકરણીય વ્યાવસાયિક અને એક અદ્ભુત માનવી. નાણાં તરીકે. પ્રધાન તરીકે તેમના કાર્યકાળ દરમિયાન અને રાષ્ટ્રના નેતૃત્વને ભારતીયો દ્વારા લાંબા સમય સુધી કૃતજ્ઞતા અને સ્નેહ સાથે યાદ કરવામાં આવશે અને મને તેમની સાથે કામ કરવાનો લહાવો મળ્યો છે મુખ્ય આર્થિક સલાહકાર તરીકે, જિનીવામાં અમારી પોસ્ટિંગ દરમિયાન જ્યારે તેઓ સાઉથ કમિશનના વડા હતા અને પછી નાણા પ્રધાન અને વડા પ્રધાન તરીકે તેમના કાર્યકાળ દરમિયાન જીનીવા, બ્રાઝિલમાં રાજદૂત અને પછી ન્યૂયોર્કમાં વડા પ્રધાનની મુલાકાતની યજમાની કરવાનો લહાવો મળ્યો હતો. ગુરશરણ જી અને તેમની પુત્રીઓ પ્રત્યે અમારી હૃદયપૂર્વકની સંવેદના.

આ પણ વાંચો :-

આવતીકાલે મનમોહન સિંહના રાજકીય સન્માન સાથે કરાશે અંતિમ સંસ્કાર

News Editor
-
0

પૂર્વ વડાપ્રધાન મનમોહન સિંહ, જેમણે 92 વર્ષની વયે અંતિમ શ્વાસ લીધા, તેઓ શાંતિપ્રિય સ્વભાવ અને નમ્ર શૈલી માટે જાણીતા હતા. વય સંબિધિત સ્વાસ્થ્ય સમસ્યાઓને કારણે તેમને દિલ્હીના એમ્સમાં દાખલ કરવામાં આવ્યા હતા, જ્યાં તેમણે અંતિમ શ્વાસ લીધા. તેમના વડાપ્રધાન પદના કાર્યકાળ દરમિયાન તેમણે દેશની અર્થવ્યવસ્થાને મજબૂત બનાવવા માટે ઘણા મહત્વપૂર્ણ પગલાં લીધા હતા.

પૂર્વ વડાપ્રધાન ડૉ. મનમોહન સિંહના પાર્થિવ દેહને રાત્રે જ તેમના દિલ્હી નિવાસસ્થાને લાવવામાં આવ્યો હતો. આવતીકાલે (શનિવાર) સવારે 11 વાગ્યે અંતિમ સંસ્કારની શક્યતા છે, જેમાં કોંગ્રેસ હેડક્વાર્ટર ખાતે તેમને અંતિમ વિદાય આપવામાં આવશે. તેમની એક દીકરી વિદેશમાં છે અને તેના આગમન બાદ જ અંતિમ વિદાયની પ્રક્રિયા થશે. ડૉ. મનમોહન સિંહના નિધન પર કેન્દ્ર સરકારે 7 દિવસનો રાષ્ટ્રીય શોક જાહેર કર્યો છે.

કેન્દ્રીય મંત્રી રામદાસ આઠવલેએ કહ્યું, “ભૂતપૂર્વ વડાપ્રધાન મનમોહન સિંહનું નિધન થયું છે. અમે આનાથી દુઃખી છીએ. પૂર્વ વડાપ્રધાન મનમોહન સિંહ સાથે મારા ખૂબ જ નજીકના સંબંધો હતા. તેમનું નિધન અમારા માટે દુઃખની વાત છે. હું પૂર્વ વડાપ્રધાન મનમોહન સિંહનું નિધન થયું છે. સિંઘને હું શ્રદ્ધાંજલિ આપું છું.

NCP (SP) પ્રમુખ શરદ પવારે ગુરુવારે ભૂતપૂર્વ વડા પ્રધાન મનમોહન સિંહના નિધન પર શોક વ્યક્ત કરતા કહ્યું કે દેશે એક મહાન અર્થશાસ્ત્રી, દૂરંદેશી સુધારક અને વૈશ્વિક રાજનેતા ગુમાવી છે. તેમણે કહ્યું, “ભારતના ભૂતપૂર્વ વડા પ્રધાન ડૉ. મનમોહન સિંહના નિધન વિશે જાણીને ખૂબ જ દુઃખ થયું છે. આપણા દેશે તેના એક મહાન અર્થશાસ્ત્રી, એક સ્વપ્નદ્રષ્ટા સુધારક અને વૈશ્વિક રાજનેતા ગુમાવ્યા છે.” સિંઘની કેબિનેટમાં કૃષિ મંત્રી રહેલા પવારે કહ્યું, “તેમનું નિધન એ અસહ્ય ખોટ છે. તેઓ નમ્રતા, ધૈર્ય, સહિષ્ણુતા અને કરુણાને મૂર્તિમંત કરનાર એક ઈશ્વરી આત્મા હતા. ભારતના આર્થિક સુધારાના શિલ્પકાર તરીકે, તેમનો વારસો તેમની આત્માને શાંતિ આપે. આવનારી પેઢીઓને હંમેશા પ્રેરણા આપો.

આ પણ વાંચો :-

સુરતમાં સામૂહિક હત્યાનો પ્રયાસ, પત્ની અને બાળકનું મોત, જાણો સમગ્ર બાબત ?

News Editor
-
0

સુરતમાં સામૂહિક હત્યાનો પ્રયાસ કરવામાં આવ્યો હોવાની હચમચાવતી ઘટના સામે આવી છે. પારિવારીક મન દુ:ખમાં ખૂની ખેલ ખેયાલો છે. સગા દીકરાએ માતા-પિતા, પત્ની અને બાળક પર હુમલો કર્યો હોવાનું જાણવા મળી રહ્યું છે. જ્યારે આ બનાવમાં પત્ની અને બાળકનું મોત થયું છે.

સરથાણા વિસ્તારમાં પોતાના જ પરિવારની સામૂહિક હત્યાનો પ્રયાસ થયો છે. યુવકે તેના માતા અને પિતા, પત્ની અને બાળકને ચપ્પુના ઘા માર્યા હતા. યુવકે પોતાને પણ ગળાના ભાગે ચપ્પુ માર્યું હતુ. સ્મિત જીયાણી નામના યુવકે પરિવારજનોની હત્યા કરી. ઘટનામાં પત્ની અને બાળકનું મોત થયું. માતા, પિતા અને યુવક હાલ સારવાર હેઠળ છે. પરિવારમાં આંતરીક કલેહને કારણે બની ઘટના. જીયાણી પરિવાર મુળ અમરેલીના સાવરકુંડલાના રહેવાસી છે.

હાલમાં સ્થાનિક રહીશો પાસેથી મળતી માહિતી અનુસાર પારિવારિક મનદુ:ખના કારણે ઘરમાં માથાકૂટ અને કંકાસ ચાલતો હતો. જેને લઇને સ્મિતે તણાવમાં હતો અને જેના લીધે આ ઘટનાનો અંજામ આપ્યો હોવાનું જાણવા મળ્યું છે. ઘટનાની જાણ થતાં પોલીસનો કાફલો ઘટનાસ્થળે પહોંચી ગયો છે અને વધુ તપાસ હાથ ધરી છે.

સરથાણા પોલીસ ઘટના સ્થળે પહોંચી છે. જ્યારે પરિવારમાં અંદરો અંદર મન દુઃખ હોવાથી બબાલ ચાલતી હોવાનું જાણવા મળી રહ્યું છે. જેને લઈ સ્મિત દ્વારા ઘટનાને અંજામ આપ્યો હોવાની વાત સામે આવી રહી છે. નોંધનીય છે કે, પરિવાર મૂળ અમરેલીના સાવરકુંડલાનો રહેવાસી છે.

આ પણ વાંચો :-

1...557558559...1,467Page 558 of 1,467