Home Blog Page 546

ડોનાલ્ડ ટ્રમ્પ આજે અમેરિકાના રાષ્ટ્રપતિ તરીકે શપથ લેશે

News Editor
-
0

અમેરિકામાં ઇતિહાસ રચવા માટે હવે વધુ સમય બાકી નથી. આખી દુનિયાની નજર ડોનાલ્ડ ટ્રમ્પના રાજ્યાભિષેક પર છે. આ વખતે, ઘણી બધી એવી ઘટનાઓ બની રહી છે જે દાયકાઓમાં ક્યારેય બની ન હતી. આ વખતેની જેમ અમેરિકન રાષ્ટ્રપતિનો શપથ ગ્રહણ સમારોહ સંસદની અંદર એટલે કે ઘરની અંદર થઈ રહયો છે. આનું કારણ કોઈ દુશ્મનના હુમલાનો ડર નથી, પરંતુ અહીં ભારે ઠંડી અને હિમવર્ષા છે. આમ છતાં, તેમના સમર્થકો વોશિંગ્ટન ડીસી પહોંચી ગયા છે.

ટ્રમ્પ સમર્થકો ફટાકડા ફોડી રહ્યા છે. આ કડકડતી ઠંડીમાં પણ અમે તેમના માટે વાતાવરણ બનાવી રહયા છીએ. તમને જણાવી દઈએ કે યુએસ ચીફ જસ્ટિસ જોન રોબર્ટ્સ ટ્રમ્પને શપથ લેવડાવશે. શપથ ગ્રહણ સમારોહ સોમવારે ભારતીય સમય મુજબ રાત્રે ૧૦.૩૦ વાગ્યે થશે. પહેલી વાર, વિદેશી મહેમાનો શપથ ગ્રહણ સમારોહમાં હાજરી આપશે.

આ વખતે ટ્રમ્પે તેમના શપથ ગ્રહણ માટે ટેક્નોલોજી જગતના અનેક દિગ્ગજ લોકોને આમંત્રિત કર્યા છે. આ યાદીમાં એલોન મસ્ક, જેફ બેઝોસ અને માર્ક ઝકરબર્ગનો સમાવેશ થાય છે. આ સિવાય TikTok ચીફ શો ચીને પણ આમંત્રણ આપવામાં આવ્યું છે. પૂર્વ રાષ્ટ્રપતિ બિડેન, તેમના પત્ની બિલ ક્લિન્ટન, જ્યોર્જ ડબલ્યુ બુશ અને બરાક ઓબામા પણ તેમની પત્નીઓ સાથે હાજરી આપશે. ટ્રમ્પના શપથ ગ્રહણમાં કમલા હેરિસ પણ હાજર રહેવાના છે.

  • 3.30 PM: ​​ઉપસ્થિત લોકો માટે નેશનલ મોલ પર સુરક્ષા સ્ક્રિનિંગ શરૂ થશે.
  • 8:00 a.m.: કેપિટોલના વેસ્ટ લૉન પર લાઇવ પર્ફોર્મન્સ થશે, જેમાં કેરી અંડરવુડ અમેરિકા ધ બ્યુટીફુલ ગાશે.
  • ચૂંટાયેલા પ્રમુખ અને તેમનો પરિવાર વ્હાઇટ હાઉસ નજીક જોન્સ એપિસ્કોપલ ચર્ચમાં સેવાઓમાં હાજરી આપશે. વ્હાઇટ હાઉસમાં
  • બિડેન અને ટ્રમ્પ પરિવારો માટે ચાનું આયોજન કરવામાં આવશે. આ પછી, ડોનાલ્ડ ટ્રમ્પ અને ઉપરાષ્ટ્રપતિ ચૂંટાયેલા માઇક પેન્સ શપથ ગ્રહણ સમારોહ માટે યુએસ કેપિટોલ બિલ્ડીંગ જશે.
  • 10.30 am: મુખ્ય ન્યાયાધીશ ટ્રમ્પને સત્તાવાર રીતે શપથ લેશે. શપથ બાદ ટ્રમ્પ એક ભાષણ આપશે, જેમાં તેઓ જણાવશે કે આગામી ચાર વર્ષ દરમિયાન તેઓ કેવા પ્રકારનું કામ કરવા જઈ રહ્યા છે.
  • રાષ્ટ્રપતિની પરેડ પછી પેન્સિલવેનિયા એવન્યુ થઈને વ્હાઇટ હાઉસ તરફ આગળ વધશે, જેમાં લશ્કરી રેજિમેન્ટ્સ, માર્ચિંગ બેન્ડ્સ અને ફ્લોટ્સનો સમાવેશ થશે.

વિદેશી નેતાઓની વાત કરીએ તો ઈટાલીના વડાપ્રધાન જ્યોર્જિયા મેલોની, હંગેરીના વિક્ટર ઓર્બન અને આર્જેન્ટિનાના રાષ્ટ્રપતિ જેવિયર મિલી શપથ ગ્રહણમાં જોવા મળશે. ચીનના રાષ્ટ્રપતિ શી જિનપિંગને પણ આમંત્રણ આપવામાં આવ્યું છે, પરંતુ તેમના આગમનને લઈને હજુ પણ સસ્પેન્સ છે. એસ જયશંકર ભારતમાંથી પ્રતિનિધિ તરીકે પોતાની હાજરી નોંધાવવા જઈ રહ્યા છે. અબજોપતિ મુકેશ અંબાણી અને તેમની પત્ની નીતા અંબાણીને પણ આમંત્રણ આપવામાં આવ્યું છે. ટ્રમ્પ સાથેની તેમની એક તસવીર પણ સોશિયલ મીડિયા પર વાયરલ થઈ છે.

આ પણ વાંચો :-

રાજસ્થાનમાં 10 દિવસમાં 400થી વધુ સ્કૂલોને લાગ્યાં તાળાં, જાણો આ છે કારણ ?

News Editor
-
0

રાજસ્થાનમાં પ્રાઇમરી સ્કૂલો પછી હવે 160 સેકેન્ડરી સ્કૂલોને બંધ કરવાનો નિર્ણય લેવામાં આવ્યો છે. ભજનલાલ સરકારે છેલ્લા 10 દિવસોમાં 190 પ્રાઇમરી સ્કૂલ અને 260 સેકન્ડરી સ્કૂલ સહિત 450 સરકારી શાળાને બંધ કરી દીધી છે. માધ્યમિક શિક્ષણ નિયામક આશિષ મોદીએ રાજ્યભરમાં 260 સરકારી શાળા બંધ કરવાનો આદેશ કર્યો છે. જોકે અંગ્રેજી માધ્યમની મહાત્મા ગાંધી સ્કૂલ બંધ કરવામાં નથી આવી. આ બંધ થનારી તમામ શાળા હિન્દી માધ્યમની છે.

આ શાળાઓમાંથી બિકાનેરમાં ભાજપ ધારાસભ્ય અંશુમન સિંહ ભાટીના ઘર પાસે સ્થિત એક કન્યા શાળાને પણ બંધ કરી દેવામાં આવ્યા છે. આ શાળા એક જ પરિસરમાં બે શાળાનું સંચાલન કરી રહી હતી, જેને બંધ કરીને કુમાર શાળામાં મર્જ કરી દેવામાં આવી છે. આ નિર્ણયના વિરોધમાં સ્થાનિક લોકોએ અવાજ ઉઠાવ્યો છે. કારણ કે, આ શાળામાં આશરે 300 વિદ્યાર્થિનીઓ અભ્યાસ કરી રહી હતી.

આ બંધ કરવામાં આવેલી 260 શાળામાંથી 14 શાળાની સિનિયર સેકન્ડરી સ્કૂલ પણ છે. આ શાળામાં બાળકોનું નામાંકન પણ એકદમ ઓછું હતું, જેથી આ શાળાઓને બંધ કરી નજીકની બીજી શાળામાં મર્જ કરી દેવામાં આવી છે. જેમાં જયપુર, અજમેર, પાલી, બ્યાવર, બીકાનેર, હનુમાનગઢ, ઉદયપુર અને જોધપુરની સ્કૂલનો સમાવેશ થાય છે. આ પ્રકારે પ્રાઇમરી શિક્ષણના નવ સ્કૂલોઓને તેની નજીકની હાયર સેકન્ડરી સ્કૂલમાં મર્જ કરી દેવામાં આવી છે.

શિક્ષણ મંત્રી મદન દિલાવરે કહ્યું છે કે કોંગ્રેસ સરકારે સમજ્યાવિચાર્યા વિના ચૂંટણી જીતવા માટે શાળાઓ ખોલી દીધી છે, જ્યાં ન તો બાળકો છે અને ન તો શિક્ષકો છે. આવી સ્કૂલોમાં બાળકોનું ભવિષ્ય ખરાબ થઈ રહ્યું હતું. બાળકોના સારા ભણતર માટે સ્કૂલ બંધ કરવામાં આવી છે અને અમુક શાળાઓની બીજી શાળાઓમાં મર્જ કરી દેવામાં આવી છે. એક જ પ્રાંગણમાં ત્રણ-ત્રણ શાળા સંચાલિત થઈ રહી હતી, એવામાં ત્રણ શાળાને મર્જ કરીને એક બનાવી દેવાામાં આવી છે. જેથી, બાળકો સારી રીતે અભ્યાસ કરી શકે અને ત્યાં શિક્ષક પણ હાજર હોય.

આ પણ વાંચો :-

પાકિસ્તાને સ્વદેશી સેટેલાઈટ લોન્ચ કર્યું તો લોકોએ મજાક ઉડાવી, પાણીની ટાંકી સાથે તુલના

News Editor
-
0

પાકિસ્તાને શુક્રવારે ચીનના જિઉક્વાન લોન્ચ સેન્ટરથી પોતાનું પ્રથમ સ્થાનિકરીતે નિર્મિત ઈલેક્ટ્રો ઓપ્ટિકલ સેટેલાઈટ લોન્ચ કર્યું છે. પ્રધાનમંત્રી શહબાઝ શરીફે તેને લઈને સોશિયલ મીડિયા પર પોસ્ટ કરી છે. જો કે જેવી તેમણે પોસ્ટ કરી તો લોકોએ ટ્રોલ કરવાનું શરુ કરી દીધું. ખાસ કરીને આ સેટેલાઈટની ડિઝાઈનના કારણે પાકિસ્તાનને નીચે જોવા જેવું થયું છે. લોકોએ તેની તુલના પાણીની ટાંકી સાથે કરી દીધી.

પાકિસ્તાની વડાપ્રધાન શહબાજ શરીફે પાકિસ્તાનની ઉપલબ્ધિના વખાણ કરતા સોશિયલ મીડિયા પ્લેટફોર્મ એક્સ પર સેટેલાઇટની તસ્વીરો પોસ્ટ કરી. ત્યાર બાદ યુઝરે મજાક ઉડાવવાનું શરૂ કરી દીધું હતું. સોશિયલ મીડિયા પર યુઝર પાકિસ્તાની સેટેલાઇટની સાથે પાણીના ટેંકરની તસ્વીરો શેર કરતા બંન્નેએ સમાનતા ગણાવી રહ્યા છે.

સેટેલાઇટની તસ્વીર શેર કરતા પાકિસ્તાનના વડાપ્રધાન શહબાજ શરીફે તેને દેશ માટે ગર્વની પળ ગણાવી હતી. તેમણે જણાવ્યું કે, પાકિસ્તાને ચીનના જિઉક્વાન સેટેલાઇટ લોન્ચ સેન્ટરથી પોતાના પ્રથમ સ્વદેશી ઇલેક્ટ્રો ઓપ્ટિકલ ઉપગ્રહને ગર્વથી લોન્ચ કર્યો છે. ઉપ પ્રધાનમંત્રી અને વિદેશ મંત્રી ઇશાક ડારે પણ એક પોસ્ટમાં શુભકામના પાઠવી અને લોન્ચને મહત્વપુર્ણ ઉપલબ્ધિ અને અંતરિક્ષ વિજ્ઞાનમાં પાકિસ્તાનની વધતી ક્ષમતાઓનું પ્રમાણ ગણાવ્યું.

આ પણ વાંચો :-

ટીવી એક્ટર અમન જયસ્વાલનું રોડ અકસ્માતમાં મોત

News Editor
-
0

ટીવી સીરિયલ ‘ધરતીપુત્ર નંદિની’ ફેમ એક્ટર અમન જયસ્વાલનું માર્ગ અકસ્માતમાં નિધન થયું છે. શૂટિંગ પૂરું કરીને તે બાઇક પર ઘરે પરત ફરી રહ્યો હતો. મુંબઈના જોગેશ્વરી હાઈવે પર એક ટ્રકે તેની બાઇકને ટક્કર મારી હતી. તે હાઈવે પર પક્યો હતો. આ અકસ્માતમાં તેણે જીવ ગુમાવ્યો હતો. અકસ્માતની લગભગ 25-30 મિનિટમાં જ તેનું મોત થયું હતું.

મળતી માહિતી મુજબ, એવું કહેવામાં આવી રહ્યું છે કે અમન વેસ્ટર્ન એક્સપ્રેસ હાઇવે પર તેની બાઈક પર ઓડિશન આપવા જઈ રહ્યો હતો અને આ દરમિયાન તેની બાઈકને ટ્રકે ટક્કર મારી હતી. આ અકસ્માત બાદ, અમનને તાત્કાલિક હૉસ્પિટલ લઈ જવામાં આવ્યો, જ્યાં ડૉક્ટરોએ તેને મૃત જાહેર કર્યો. ઉલ્લેખનીય છે કે અકસ્માતના 30 મિનિટ એટલે કે અડધા કલાક બાદ અમનનું મૃત્યુ થયું હતું.

અમન જાયસ્વાલ વિશે વાત કરીએ તો, અમન જયસ્વાલ ઉત્તર પ્રદેશના બલિયાનો રહેવાસી હતો. અમન ‘ધરતીપુત્ર નંદિની’માં મુખ્ય ભૂમિકામાં જોવા મળ્યો હતો. આ સિવાય અમન સોની ટીવીના શો ‘પુણ્યશ્લોક અહલ્યાબાઈ’માં પણ યશવંત રાવની ભૂમિકા ભજવતો જોવા મળ્યો હતો. આ શો જાન્યુઆરી 2021 માં શરૂ થયો હતો અને ઓક્ટોબર 2023 માં સમાપ્ત થયો હતો. અમાને પોતાના કરિયરની શરૂઆત મોડલિંગથી કરી હતી. તે રવિ દુબે અને સરગુન મહેતાના શો ‘ઉદારિયાં’નો પણ ભાગ હતો.

આ પણ વાંચો :-

દીપિકા પટેલ આપઘાત કેસમાં મોટો ખુલાસો, મોબાઇલમાંથી દીપિકા-ચિરાગના હજારો ફોટા મળ્યા

News Editor
-
0

સુરતના અલથાન વિસ્તારમાં મહિલા મોરચાના મંત્રી દીપિકા પટેલના આપઘાત મામલે FSLમાં મોકલેલા મોબાઈલનો રિપોર્ટ આવતાની સાથે મોટો ઘટસ્ફોટ થયો છે. ખાસ કરીને ચિરાગ નામના નગરસેવકનું જે રીતે તેની સાથે નામ જોડાયેલું હતું તેના હજારોની સંખ્યામાં ફોટા મળી આવતા હવે નવો વિવાદ ઊભો થયો છે.

સુરતના અલથાન વિસ્તારમાં ભીમરાડ ગામ ખાતે રહેતી અને ભાજપની મહિલા મોરચાની પ્રમુખ દીપિકા પટેલે થોડા દિવસ પહેલા જ પોતાના ઘરે ગળે ફાંસો ખાઈને આપઘાત કરી દીધો હતો. આ સમગ્ર મામલાને લઈને હાહાકાર મચી જવા પામ્યો હતો. કારણ કે આ મહિલા સાથે રહેનારો નગરસેવક ચિરાગનું નામ સામે આવતા અનેક સવાલો ઉભા થયા હતા. આ કેસને સુરતની અલથાણ પોલીસ દ્વારા ગંભીરતાથી લઈને તપાસ શરૂ કરવામાં આવી હતી.

સૌપ્રથમ ચિરાગના નિવેદન બાદ ચિરાગના ફોન સાથે મૃતક દીપિકાનો ફોન FSLમાં મોકલવામાં આવ્યો હતો. જે રિપોર્ટ આવી જતા પોલીસને સોંપવામાં આવ્યો છે. ત્યારે આ રિપોર્ટમાં અનેક ઘટસ્ફોટ થયા છે. મોબાઈલમાંથી દીપિકા અને ચિરાગના હજારો સંખ્યામાં ફોટા મળી આવ્યા છે. જેને લઈને હવે પોલીસની તપાસ અલગ જ દિશામાં જઈ રહી છે. જોકે ચિરાગ આ સમગ્ર ઘટનામાં દીપિકાને પોતાની બહેન બતાવતો હતો. આવામાં અલથાણ પોલીસ રિપોર્ટને આધારે વધુ તપાસ કરશે.

આપઘાત પછી કોર્પોરેટર ચિરાગ સોલંકી જવાબદાર છે કે નહીં તે હજુ સુધી પોલીસે પણ સ્પષ્ટ કર્યું નથી. પરંતુ ફોટા અને કોલ ડેટાના આધારે દિપીકા સૌથી વધુ ચિરાગ સાથે જોડાયેલી હોવાના સજજડ પુરાવા પોલીસને મળ્યા છે. પરંતુ આપઘાત કેસમાં પરિવારના કોઈ સભ્ય દુષ્પ્રેરણ અંગેની ફરિયાદ નોંધાવે તો જ ફરિયાદ થઈ શકે તેમ હોવાથી આ કેસમાં દોઢ મહિના પછી પણ પોલીસ ફરિયાદ થઈ નથી. સમાજના સભ્યો દ્વારા પણ દિપીકાના પરિવારને ફરિયાદ નોંધાવવા માટે સમજાવ્યા હતા.

આ પણ વાંચો :-

કેજરીવાલની વધુ એક મોટી જાહેરાત, દિલ્હીમાં ભાડૂઆતોને મળશે મફત વીજળી-પાણી

News Editor
-
0

દિલ્હી વિધાનસભા ચૂંટણી વચ્ચે આમ આદમી પાર્ટીના રાષ્ટ્રીય સંયોજક અરવિંદ કેજરીવાલે એક મોટી જાહેરાત કરી છે. તેમણે કહ્યું છે કે હવે દિલ્હીમાં ભાડૂતોને પણ મફત વીજળી અને પાણીનો લાભ મળશે. અરવિંદ કેજરીવાલે કહ્યું કે જો અમારી સરકાર બનશે તો અમે એવી સ્કીમ લાવશું જેના દ્વારા ભાડૂતોને પણ મફત વીજળી અને પાણી મળશે. કેજરીવાલે કહ્યું કે આ યોજનાથી પૂર્વાંચલીના લોકોને ઘણો ફાયદો થશે.

 

અરવિંદ કેજરીવાલે કહ્યું, “હું જ્યાં પણ જાઉં છું ત્યાં ભાડૂતો મને ઘેરી લે છે અને કહે છે કે તમે સારી શાળાઓ બનાવી છે, અમને તેનો લાભ મળી રહ્યો છે. તમને તમારી મફત બસ સેવાનો લાભ મળી રહ્યો છે પરંતુ તમને વીજળી અને પાણીનો લાભ નથી મળી રહ્યો. દિલ્હીના લોકોને 200 યુનિટ સુધીની મફત વીજળી અને 400 યુનિટ સુધીની અડધી વીજળીનો લાભ મળે છે. જ્યારે 20,000 લીટર પાણી મફત છે. પરંતુ દુર્ભાગ્યે ભાડૂતોને તે મળતું નથી. આવી સ્થિતિમાં હું જાહેરાત કરું છું કે જો સરકાર બનશે તો ભાડૂતોને પણ આ મફતમાં મળશે.

AAP લીડર કેજરીવાલે કહ્યું કે, મોટાભાગના ભાડૂઆતો બિહાર અને પૂર્વી યુપીથી આવે છે. તેઓ દિલ્હીમાં ગરીબીમાં રહે છે. એક બિલ્ડિંગમાં 100 લોકો રહે છે. આટલી ગરીબીમાં પણ તેમને વીજળી અને પાણીની સબસિડીનો લાભ ન મળવાથી તકલીફ પડે છે. હવે બધા ભાડૂઆતોને પણ આ લાભ મળશે.

આ પણ વાંચો :-

કોલકાતા બળાત્કાર-હત્યા કેસમાં આરોપી સંજય રોય દોષિત જાહેર

News Editor
-
0

આરજી કર હોસ્પિટલમાં ડોક્ટર દીકરી પર બળાત્કાર અને હત્યાના કેસમાં 162 દિવસ પછી આજે ન્યાય દોષી જાહેર કરવામાં આવ્યો છે. જણાવી દઈએ કે, સિયાલદાહ કોર્ટે આરોપી સંજય રોયને દોષિત ઠેરવ્યો છે. આ કેસમાં સજા અંગેનો નિર્ણય હજુ લેવાનો બાકી છે. જણાવવામાં આવી રહ્યું છે કે, નરાધમને સોમવારે સજા સંભળાવવામાં આવી શકે છે. આ કિસ્સાએ આખા દેશને હચમચાવી નાખ્યો હતો. બાદમાં, કોલકાતા હાઈકોર્ટે મમતા સરકારની પોલીસ પાસેથી તપાસ CBIને સોંપી દીધી હતી. આ કેસની ચર્ચા ટ્રાયલ કોર્ટમાં બે મહિનાથી વધુ સમય સુધી ચાલી હતી. જે બાદ સેશન્સ કોર્ટના જજે આરોપી સંજય રોય વિરુદ્ધ પોતાનો નિર્ણય અનામત રાખ્યો હતો.

કોલકાતા સેશન્સ કોર્ટ આરજી કર મેડિકલ કોલેજમાં 31 વર્ષીય તાલીમાર્થી ડોક્ટર પર બળાત્કાર અને હત્યા કેસમાં ટૂંક સમયમાં પોતાનો ચુકાદો સંભળાવશે. આ કેસથી દેશવ્યાપી આક્રોશ ફેલાયો અને કોલકાતામાં લાંબા સમય સુધી વિરોધ પ્રદર્શન થયા, જેમાં મુખ્યત્વે ડોકટરો અને તબીબી કર્મચારીઓ સામેલ હતા. સિયાલદાહ કોર્ટના એડિશનલ ડિસ્ટ્રિક્ટ એન્ડ સેશન્સ જજ અનિર્બાન દાસની કોર્ટમાં ટ્રાયલ શરૂ થયાના 57 દિવસ પછી ચુકાદો જાહેર કરવામાં આવ્યો છે. પીડિતાના પરિવારના સભ્યો પણ કોર્ટમાં હાજર છે. સિયાલદાહ સેશન્સ કોર્ટે સંજય રોયને દોષિત ઠેરવ્યો છે.

પોતાનો કેસ સાબિત કરવા માટે CBIએ સંજય રોયને દોષિત સાબિત કરવા માટે તેમના DNA નમૂનાઓ જેવા જૈવિક પુરાવાઓને ડોક્ટર બિટિયાના વિસેરા રિપોર્ટના નમૂનાઓ સાથે મેચ કર્યા હતા. આ ઉપરાંત, ગુનાના સ્થળેથી એકત્રિત કરાયેલા વાળનો સમૂહ પણ સંજય રોયના હોવાનું જાણવા મળ્યું છે. આ ઉપરાંત, ઘટના સ્થળે સંજય રોયનું બ્લૂટૂથ ડિવાઇસ પણ મળી આવ્યું હતું.

CBIના વકીલે સંજય રોયએ કહ્યું કે, પીડિતાના શરીર પરના લાળ સ્વેબના નમૂના અને DNAના નમૂના સંજય રોય સાથે મેળ ખાય છે. એજન્સીએ દાવો કર્યો હતો કે, પીડિતા પર બળાત્કાર અને હત્યા કરવામાં આવી રહી હતી, ત્યારે તેણીએ પોતાને બચાવવા માટે લાંબા સમય સુધી સંઘર્ષ કર્યો હતો. આમાં તેણે સંજય રોયના શરીર પર પાંચ વખત ઘા કર્યા હતા, જે રિપોર્ટમાં સામે આવ્યું છે.

આ પણ વાંચો :-

રણજી ટ્રોફી મેચ પહેલા વિરાટ કોહલી થયો અચાનક ઈજાગ્રસ્ત, જાણો BCCIએ શું કહ્યું

News Editor
-
0

રણજી ટ્રોફી મેચમાં રમી રહેલા વિરાટ કોહલીને લઈને સસ્પેન્સ વધુ ઘેરાયેલું છે કારણ કે આ વિરાટ અચાનક ઈજાગ્રસ્ત થઈ ગયો છે. રિપોર્ટ્સ અનુસાર, વિરાટ કોહલીની ગરદનમાં અચાનક મચકોડ આવી ગઈ છે. વિરાટ કોહલીની ગરદન એટલી હદે દુખે છે કે તેણે ઈન્જેક્શન પણ લેવું પડ્યું.

કોહલીએ દિલ્હી અને જિલ્લા ક્રિકેટ એસોસિએશન (DDCA) ના ઉચ્ચ અધિકારીઓને જણાવ્યું કે તેને ગરદનમાં ઈજા થઈ છે. એવું કહેવામાં આવી રહ્યું છે કે કોહલીને આ ઈજા ઓસ્ટ્રેલિયા સામે બોર્ડર-ગાવસ્કર ટ્રોફીની ફાઇનલ મેચ દરમિયાન થઈ હતી. ભારતીય ટીમના સ્ટાર બેટ્સમેન વિરાટ કોહલીનું નામ સૌરાષ્ટ્ર સામે દિલ્હીની આગામી રણજી ટ્રોફી મેચ માટે 22 સભ્યોની પ્રારંભિક ટીમમાં સામેલ છે. 23 જાન્યુઆરીથી રાજકોટમાં યોજાનારી મેચમાં કોહલીના રમવા અંગે હજુ પણ શંકા છે કારણ કે તેને નાની ઈજા થઈ છે. કોહલીએ દિલ્હી અને જિલ્લા ક્રિકેટ એસોસિએશન (DDCA) ના ટોચના અધિકારીઓને કહ્યું હોવાનું માનવામાં આવે છે કે તેને ગરદનમાં ઈજા થઈ છે.

ભારતીય ટીમનો વિકેટકીપર બેટ્સમેન ઋષભ પંત લગભગ આઠ વર્ષ પછી રણજી ટ્રોફીમાં રમતા જોવા મળશે. જોકે, એવું કહેવામાં આવી રહ્યું છે કે તેમણે ટીમનું નેતૃત્વ કરવાનો ઇનકાર કરી દીધો છે, જેનો અર્થ એ થયો કે આયુષ બદોની ટીમની કમાન સંભાળશે. ડીડીસીએના એક સર્વોચ્ચ પરિષદના સભ્યએ જણાવ્યું હતું કે, પંત માને છે કે બદોનીએ ટીમનું નેતૃત્વ કરવું જોઈએ. તેમનું કહેવું છે કે તેઓ નિયમિતપણે ઉપલબ્ધ નથી હોતા તેથી તેમને નેતૃત્વની ભૂમિકાઓ ન આપવી જોઈએ. જ્યારે પંતને કેપ્ટનશીપની ઓફર કરવામાં આવી ત્યારે તેણે કહ્યું કે તે બદોનીની કેપ્ટનશીપ હેઠળ રમવાનો આનંદ માણે છે. અમે 22 ખેલાડીઓની પસંદગી કરી છે જેમાં પાંચ અંડર-23 ખેલાડીઓનો સમાવેશ થાય છે જે 25 જાન્યુઆરીથી છત્તીસગઢ સામે સીકે ​​નાયડુ અંડર-23 મેચ માટે ભિલાઈ જશે.

આ પણ વાંચો :-

રાજકોટમાં બ્લોકઆરા કંપનીના 300 કરોડ રૂપિયાના કૌભાંડનો ખુલાસો

News Editor
-
0

ગુજરાત જાણો કૌભાંડનું રાજ્ય બની ગઈ હોય તેવી સ્થિતિ સર્જાઈ છે. સાબરકાંઠા બાદ હવે રાજકોટમાં પણ BZ જેવું કૌભાંડ સામે આવ્યું છે. રાજકોટના બ્લોકઆરા કંપનીનું 300 કરોડનું પોન્ઝી કૌભાંડ સામે આવ્યુ છે. 8 હજાર લોકોના નાણા ફસાયા હોવાનો દાવો કરવામાં આવ્યો છે. કંપનીના સંચાલકો તાળા મારી ફરાર થયા હોવાનું સામે આવ્યું છે. કંપની સામે સુરતમાં ગુનો નોંધાયો છે. ભોગ બનનારાઓએ રાજકોટ પોલીસ કમિશનરને રજૂઆત કરી છે. સવા 4 લાખના રોકાણ સામે દરરોજ 4 હજારનું વળતર અપાતું હતુ.

ગુજરાતમાં ચકચારી મચાવનાર BZ કૌભાંડ બહાર આવ્યુ છે. ઉત્તર ગુજરાતમાં BZ ગ્રુપ નામનું એક નવું કૌભાંડ સામે આવ્યુ હતું. જેમાં ભૂપેન્દ્ર ઝાલા નામના કૌભાંડીએ એકના ડબલ કરી આપવાનું કહી 6000 કરોડનું ફુલેકું ફેરવ્યું છે. જેમાં ગુજરાતની સામાન્ય જનતાની સાથે સાથે શિક્ષકો, ખેડૂતો, પોલીસકર્મીઓ, નિવૃત કર્મચારીઓ, લેભાગુની લાલચમાં આવીને લૂંટાયા છે. ભૂપેન્દ્ર ઝાલા, દરેક એજન્ટને રોકાણ સામે 5થી 25 ટકાનું કમિશન આપતો હતો. CIDએ બે બેંક ખાતાની તપાસ કરતા, બંને ખાતામાંથી રૂપિયા 175 કરોડના વ્યવહારો થયાનું સામે આવ્યું હતુ.

અરજી કરનાર મોહસીનભાઈ રસીદભાઈ મુલતાણી સહિતના રાજકોટના રોકાણકારોએ પોલીસ કમિશનરને રજૂઆત કરી છે. તેમણે ફરિયાદમાં જણાવ્યું કે, અમે અમીત મનુભાઈ મુલતાનીને વર્ષોથી ઓળખીએ છીએ. અમે એક જ જ્ઞાતિના છીએ. જુન-2022 માં અમીતે રાજકોટ આવીને કહ્યું હતું કે, તે બ્લોક એરા કંપનીના સૌરાષ્ટ્ર હેડ છે. આ કંપની ક્રિપ્ટો કરન્સી – “TBAC” કોઈનનું કામ કરે છે. જેમાં બ્લોક ઓરા કંપનીના “TBAC” કોઈનમાં રોકાણ કરવાની સ્કીમ જણાવી હતી. આ આ સ્કીમમાં રોકાણ કરવાથી રોજ સારું વળતર મળે છે. ત્યારબાદ કંપનીની ઝુમ મીટીંગ તથા મુંબઈ સ્થિત સાહારા સ્ટાર હોટલમાં યોજેલ મોટી મિટીંગના વીડિયો બતાવ્યો હતો. આ બાદ અનેક લોકોએ તેમની સ્કીમમાં રોકાણ કર્યું હતું.

આ પણ વાંચો :-

ડોનાલ્ડ ટ્રમ્પના શપથ ગ્રહણ સમારંભનું સ્થળ બદલાયું, જાણો આ છે કારણ ?

News Editor
-
0

અમેરિકાના નવા ચૂંટાયેલા રાષ્ટ્રપતિ ડોનાલ્ડ ટ્રમ્પ સોમવારે શપથ લેવાની તૈયારી કરી રહ્યા છે. ટ્રમ્પે કહ્યું છે કે સોમવારે તેમનો શપથ ગ્રહણ સમારોહ તીવ્ર ઠંડીને કારણે બહારના બદલે યુએસ કેપિટલની અંદર થશે. હવામાન વિભાગે ઠંડીને લઈને જાહેર કરેલા એલર્ટના કારણે શપથ ગ્રહણ સમારંભનું સ્થળ બદલાયું છે.

અમેરિકાના નવા રાષ્ટ્રપતિ ડોનાલ્ડ ટ્રમ્પનો શપથગ્રહણ સમારંભ સોમવારે ભીષણ ઠંડીના કારણે ખુલ્લામાં ન થતાં યૂએસ કેપિટલની અંદર થશે. આ 40 વર્ષોમાં પહેલી વાર હશે, જ્યારે અમેરિકન રાષ્ટ્ર પ્રમુખનો શપથ ગ્રહણ સમારંભ અંદર આયોજીત થશે. આ 40 વર્ષમાં પહેલી વાર હશે.

ટ્રમ્પે ઠંડીને કારણે છેલ્લી વખત શપથવિધિ અંદર યોજાઈ હતી તે વાતનો ઉલ્લેખ કરી જણાવ્યું કે 1985 માં પણ ભૂતપૂર્વ રિપબ્લિકન રાષ્ટ્રપતિ રોનાલ્ડ રીગનની બીજીશપથવિધિ યોજાઇ હતી. ટ્રમ્પે કહ્યું કે સમર્થકો કેપિટલ વન એરેનાની અંદર સ્ક્રીન પર સમારોહ જોઈ શકે છે. કેપિટલ વન એરેના એ વોશિંગ્ટન શહેરના મધ્યમાં સ્થિત એક રમતગમત સ્થળ છે જે 20,000 લોકો બેસી શકે છે.

આ પણ વાંચો :-

1...545546547...1,467Page 546 of 1,467