શાલીમાર બાગથી વિજેતા બનેલા રેખા ગુપ્તાએ રામલીલામાં દિલ્હી રાજ્યના ચોથા મહિલા મુખ્યમંત્રી તરીકે શપથ લઇ લીધા છે, સાથે જ 6 નવા ચહેરાઓને કેબિનેટમાં સ્થાન મળ્યું છે. નવા મંત્રીઓમાં પરવેશ વર્મા (નવી દિલ્હી), મનજિંદર સિંહ સિરસા (રાજૌરી ગાર્ડન), રવિંદર કુમાર ઈન્દ્રાજ (બવાના), કપિલ મિશ્રા (કરવલ નગર), આશિષ સૂદ (જનકપુરી) અને પંકજ કુમાર સિંહ (વિકાસપુરી) નો સમાવેશ થાય છે. નવા નેતૃત્વ સાથે દિલ્હીની રાજકીય ગતિવિધિઓમાં મહત્વપૂર્ણ બદલાવની શક્યતાઓ દેખાઈ રહી છે.

આજે દિલ્હીના રામલીલા મેદાનમાં યોજાયેલા ભવ્ય શપથગ્રહણ સમારોહમાં શાલીમાર બાગથી પહેલી વાર વિજેતા બનેલા રેખા ગુપ્તાએ દિલ્હી રાજ્યના ચોથા મહિલા મુખ્યમંત્રી તરીકે શપથ લીધા છે. આ શપથગ્રહણ સમારોહમાં વડાપ્રધાન મોદી, અમિતભાઈ શાહ સહિત NDAના દિગ્ગજ નેતાઓ ઉપસ્થિત રહ્યાં હતા. રેખા ગુપ્તાએ મુખ્યમંત્રી પદે શપથ લેતાં જ ભાજપનો દિલ્હીમાં 27 વર્ષનો વનવાસ પૂરો થયો છે. રસપ્રદ વાત એ છે કે આમ આદમી પાર્ટીના રાજ્યસભા સાંસદ સ્વાતિ માલીવાલ પણ સ્ટેજ પર હાજર હતા.

કોણ છે રેખા ગુપ્તા? ઃ
રેખા ગુપ્તા 50 વર્ષના છે અને તેઓ મૂળ હરિયાણાના જિંદ જિલ્લાના છે. તેમનો પરિવાર 1976 માં દિલ્હી શિફ્ટ થયો હતો. તેમણે તેમનું શિક્ષણ દિલ્હીથી અને મેરઠથી મેળવ્યું છે. તેમના પતિનું નામ મનીષ ગુપ્તા છે. રેખા ગુપ્તાએ બી કોમ.,એલએલબી, એમ એ, એમબીએ કરેલું છે અને તેઓ વ્યવસાય એ વકીલ છે. તેઓ દિલ્હીની શાલીમાર બાગ વિધાનસભા બેઠક પરથી ચૂંટાયા છે. તેઓ મહિલા ભારતીય જનતા પાર્ટીના મહિલા મોરચાના રાષ્ટ્રીય ઉપાધ્યક્ષ પણ છે.

તેમણે તેમના નિકટના પ્રતિસ્પર્ધી આમ આદમી પાર્ટીના વંદના કુમારીને 29,595 મતોથી હરાવ્યા હતા. તેઓ વિદ્યાર્થી કાળથી જ રાજકારણમાં સક્રિય છે. રેખા ગુપ્તાને દિલ્હીના મુખ્યપ્રધાન તરીકે પસંદ કરવા બદલ ભાજપના નેતા પ્રવેશ વર્માનું પણ નિવેદન આવ્યું છે તેમણે કહ્યું હતું કે, રેખા ગુપ્તા મુખ્ય પ્રધાન બન્યા તે ખુશીની વાત છે

ઉત્તર પ્રદેશના જૌનપુર જિલ્લાના બદલાપુર વિસ્તારમાં બે અલગ અલગ માર્ગ અકસ્માતમાં આઠ શ્રદ્ધાળુના મોત થયા હતા અને 33 લોકો ઘાયલ થયા હતા, એવી પોલીસે માહિતી આપી હતી.

પહેલા માર્ગ અકસ્માતમાં ભક્તોને લઈને જૌનપુરથી અયોધ્યા જતી ટાટા સુમો કાર રાત્રે લગભગ દોઢ વાગે વારાણસી લખનઊ હાઇવે પર સરોખાનપુર અંડરપાસ પાસે એક અજાણ્યા વાહન સાથે ટકરાઈ હતી. આ અકસ્માતમાં 11 લોકો ઘાયલ થયા હતા, જેમને નજીકના સારવાર કેન્દ્રમાં લઇ જવામાં આવ્યા હતા, જેમાંથી ડૉક્ટરોએ પાંચ જણને મૃત જાહેર કર્યા હતા. મૃતકોમાં ત્રણ મહિલા, એક પુરૂષ અને એક બાળકનો સમાવેશ થાય છે. અન્ય છ લોકોને જિલ્લા હૉસ્પિટલ જૌનપુર ખાસે વધુ સારવાર માટે ખસેડવામાં આવ્યા છે. બધા જ મૃતકો ઝારખંડના રહેવાસી હતા.

આ અકસ્માત થયાના લગભગ દોઢેક કલાક બાદ એક ટ્રેલર ટ્રકે વારાણસીથી અયોધ્યા જતી બસને પાછળથી ટક્કર મારી હતી, જેમાં બસમાં મુસાફરી કરી રહેલા 50 જણમાંથી ત્રણના મૃત્યુ થયા હતા અને 27 લોકો ઘાયલ થયા હતા. મૃતકોમાં બસના ડ્રાઇવર અને બસમાં મુસાફરી કરી રહેલી બે મહિલાનો સમાવેશ થાય છે. ઘાયલોને સારવાર માટે નજીકની હૉસ્પિટલમાં લઇ જવામાં આવ્યા છે. આ બધા દિલ્હીના રહેવાસી હતા.

દિલ્હીના મુખ્યમંત્રી કોણ બનશે? આ પ્રશ્ન પરનો સસ્પેન્સ આજે સમાપ્ત થવા જઈ રહ્યો છે. નવા મુખ્યમંત્રીના નામની જાહેરાત થોડા કલાકોમાં કરવામાં આવશે. ભાજપ આજે દિલ્હીના મુખ્યમંત્રીનું નામ ફાઇનલ કરવા જઈ રહ્યું છે. મુખ્યમંત્રીના શપથ ગ્રહણ સમારોહનું આમંત્રણ કાર્ડ પણ આવી ગયું છે અને આમંત્રણ કાર્ડ અરવિંદ કેજરીવાલ અને દિલ્હીના ભૂતપૂર્વ સીએમ આતિશીને પણ મોકલવામાં આવ્યું છે. નવા મુખ્યમંત્રીનો શપથ ગ્રહણ સમારોહ આવતીકાલે એટલે કે 20 ફેબ્રુઆરીએ બપોરે રામલીલા મેદાનમાં યોજાશે. નવા મુખ્યમંત્રી માટે ઘણા નામોની ચર્ચા થઈ રહી છે, પરંતુ તેમાંથી સૌથી મુખ્ય નામ પ્રવેશ વર્માનું છે, જેમણે નવી દિલ્હી વિધાનસભા બેઠક પરથી અરવિંદ કેજરીવાલને હરાવ્યા હતા.

દિલ્હીના મુખ્યમંત્રીના શપથ ગ્રહણ સમારોહ માટે રાજકારણીઓ અને ફિલ્મ સ્ટાર્સ ઉપરાંત, ખાસ મહેમાનોને પણ આમંત્રણ પત્રો મોકલવામાં આવી રહ્યા છે, જેમાં અધ્યક્ષ, મહિલા/પુરુષ ઓટો ડ્રાઇવરો, કેબ ડ્રાઇવરો અને દિલ્હીના ખેડૂત નેતાઓના નામનો સમાવેશ થાય છે.

ઉલ્લેખનીય છે કે દિલ્હી વિધાનસભા ચૂંટણીમાં 27 વર્ષ બાદ પ્રચંડ જીત મેળવ્યા બાદ પણ ભાજપ હજી સુધી મુખ્યમંત્રીનો ચહેરો રજૂ કરી શકી નથી. જો કે, આજે સાંજે સાત વાગ્યે યોજાનારી ભાજપ ધારાસભ્યો દળની બેઠકમાં CM ના નામની જાહેરાત થાય તેવી શક્યતાઓ છે. આવતીકાલે બપોરે 12.35 વાગ્યે દિલ્હીના રામલીલા મેદાન પર નવા મુખ્યમંત્રી શપથ ગ્રહણ કરશે.