ગુજરાતમાં યોજાયેલી સ્થાનિક સ્વરાજ્યની ચૂંટણીમાં ભાજપે ભવ્ય વિજય મેળવ્યો છે ત્યારે હવે તેમણે નગર પાલિકા અને જૂનાગઢ મહાનગર પાલિકાના હોદ્દેદારોની વરણી કરી છે. જેમાં ગાંધીનગર જિલ્લાની માણસા નપાના પ્રમુખ તરીકે જ્યોત્સનાબેન વાઘેલા તેમજ ઉપપ્રમુખ તરીકે બાબુજી ઠાકોરની વરણી કરાઈ છે. જ્યારે વડનગર નપાના પ્રમુખ મીતીકાબેન શાહ તેમજ ઉપ્રમુખ જ્યંતિજી ઠાકોરની વરણી થઈ છે.

જુનાગઢ મહાનગરપાલિકાની ચૂંટણીમાં ભાજપે હેટ્રીક મારી છે. ત્યારે જૂનાગઢ ભારતીય જનતા પાર્ટી દ્વારા જૂનાગઢ મહાનગરપાલિકાના હોદ્દેદારોની વરણી કરવામાં આવી છે. મહાનગરપાલિકામાં ભાજપના ભવ્ય વિજય બાદ આજે નવા મેયર, ડેપ્યુટી મેયર સહીતના પદાધિકારીઓના નામની જાહેરાત કરવામાં આવી છે.

ગુજરાતમાં જિલ્લા શહેર પ્રમુખોના નામની જાહેરાત

 બનાસકાંઠા, મહેસાણા, નવસારી, ગાંધીનગરમાં ભાજપ જિલ્લા પ્રમુખ રીપીટ કરવામાં આવ્યા છે.જૂનાગઢ જિલ્લા ભાજપ પ્રમુખ તરીકે ચંદુભાઇ મકવાણાની વરણી કરવામાં આવી છે જ્યારે અમરેલીમાં અતુલ કાનાણી, સુરતમાં ભરતભાઇ રાઠોડ, ગાંધીનગરમાં અનિલ પટેલની નિમણૂક કરવામાં આવી છે.

ગુજરાતના ગોધરા કાંડ સંબંધિત એક મોટા સમાચાર આવ્યા છે. વર્ષ 2002ના ગોધરા રમખાણના 14 સાક્ષીઓની સુરક્ષા હટાવી દેવામાં આવી છે. કેન્દ્ર સરકાર તરફથી આ નિર્ણય લેવામાં આવ્યો છે. મીડિયા રિપોર્ટ મુજબ ગોધરા કાંડના 14 સાક્ષીઓની સુરક્ષા હટાવી દેવામાં આવી છે, તેમની સુરક્ષા માટે CISFના 150 સૈનિકો તૈનાત હતા.

મીડિયા રિપોર્ટ મુજબ ગૃહ મંત્રાલયે SITની ભલામણ રિપોર્ટના આધારે ગોધરા કાંડના 14 સાક્ષીઓની સુરક્ષા હટવવાનો નિર્ણય લીધો છે. ગોધરા કાંડ પર બનેલી સ્પેશિયલ ઇન્વેસ્ટિગેશન ટીમ (SIT) એ 10 નવેમ્બર 2023ના રોજ આ સાક્ષીઓની સુરક્ષા હટાવવા પોતાની રિપોર્ટ આપી હતી.

કયા સાક્ષીઓની સુરક્ષા હટાવાઈ

• હબીબ રસુલ સૈય્યદ
• અમીનાબેન હબીબ રસુલ સૈય્યદ
• અકીલાબેન યાસીનમીન
• સૈય્યદ યુસુફભાઈ
• અબ્દુલભાઈ મરિયમ અપ્પા
• યાકુબભાઈ નૂરન નિશાર
• રજકભાઈ અખ્તર હુસૈન
• નાઝીમભાઈ સત્તારભાઈ
• મજીદભાઈ શેખ યાનુશ મહામદ
• હાજી મયુદ્દીન
• સમસુદ્દીન ફરીદાબાનુ
• સમસુદ્દીન મુસ્તફા ઈસ્માઈલ
• મદીનાબીબી મુસ્તફા
• ભાઈલાલભાઈ ચંદુભાઈ રાઠવા

ગોધરા કાંડે સમગ્ર ગુજરાતને હચમચાવી દીધો હતો. 27 ફેબ્રુઆરી 2002ના રોજ ગુજરાતના ગોધરામાં અયોધ્યાથી પરત આવી રહેલી સાબરમતી એક્સપ્રેસ ટ્રેનના એક કોચને આગ ચાંપી દેવામાં આવી હતી. તેમા અયોધ્યાથી પરત આવેલા કાર સેવકો સાબરમતી એક્સપ્રેસ ટ્રેનના જે ડબ્બામાં બેઠા હતા તેને આગ ચાંપવામાં આવી હતી. આ ઘટનામાં 59 લોકોના મોત થયા હતા, જેમા 27 મહિલા અને 10 બાળકો પણ સામેલ હતા. ઉપરાંત સાબરમતી ટ્રેનમાં સવાર અન્ય 48 મુસાફરોને પણ ઈજાઓ પહોંચી હતી. ગોધરામાં સાબરમતી એક્સપ્રેસ ટ્રેન સળગાવતા સમગ્ર ગુજરાતમાં કોમી રમખાણ ફાટી નીકળ્યા હતા, પરિસ્થિતિને નિયંત્રણમાં લેવા કેન્દ્ર સરકાર રાજ્યમાં સેના મોકલી પડી હતી.

ધોરણ 12 સાયન્સના એક વિદ્યાર્થીએ નિરાશાની અવસ્થામાં ગળાફાંસો ખાઈ પોતાનું જીવન ટૂંકાવી લીધું. તેણે છેલ્લી ચિઠ્ઠી લખી હતી, જેમાં લખેલું હતું: “મમ્મી, પપ્પા સોરી, આઇ લવ યુ.” ઘરના બેડરૂમમાં થયેલા આ દુઃખદ ઘટનાએ સમગ્ર પરિવારને શોકમાં મૂકી દીધો છે.હરણી બીપીએસ સ્કૂલ રોડ પર સ્થિત સિદ્ધાર્થ લાઇફ હોમ્સમાં રહેતા 17 વર્ષીય દેવ શૈલેષભાઇ પાટિલ ધોરણ 12 સાયન્સમાં અભ્યાસ કરતો હતો.

પોલીસ સુત્રોના જણાવ્યા અનુસાર, રવિવારે રાત્રે દેવ પાટિલે પોતાનું જીવન ટૂંકાવી લીધું. બનાવ અંગે હરણી પોલીસને જાણ કરવામાં આવતા હેડ કોન્સ્ટેબલ અમિતભાઇ ઘટનાસ્થળે પહોંચ્યા અને તપાસ શરૂ કરી. પરિવારને સાંત્વના આપ્યા બાદ મૃતદેહને પોસ્ટમોર્ટમ માટે સયાજી હોસ્પિટલ ખસેડવામાં આવ્યો. આ દુઃખદ ઘટના પાછળનું ચોક્કસ કારણ હજુ જાણવા મળ્યું નથી, પરીક્ષાના દબાણને કારણે તેણે આ પગલું ભર્યું હોવાની સંભાવના છે.

વિદ્યાર્થીએ આપઘાત કરતા પહેલા લખેલી અંતિમ ચિઠ્ઠીમાં તેની ગભરાટ અને નિરાશા સ્પષ્ટ દેખાઈ આવે છે. તેણે લખ્યું હતું,”ડિયર ફાધર, મધર એન્ડ બ્રધર .આઇ એમ સોરી, આઇ એમ ગોઇંગ અપ. પ્લીઝ ડોન્ટ થીંક અબાઉટ મી પાપા સોરી. આઇ ટ્રાઇડ માય બેસ્ટ સ્ટે અલાઇવ. પ્લીઝ ટેક કેર એવરીવન. મૈં ગયા ઇસ દુનિયા સે. યુ ગાય્ઝ ડિઝર્વ બેટર સન એન્ડ બ્રધર. આઇ વુડ કિલ માય સેલ્ફ. યુ મેક યોર લાઇવ્સ વે બેટર.

પ્લીઝ ફૂલ ફિલ માય લાસ્ટ વિશ. પ્લીઝ સ્ટે હેપ્પી મમ્મી,પાપા, ભાઇ. પ્લીઝ..પ્લીઝ… પ્લીઝ…પ્લીઝ…પ્લીઝ… સ્ટે હેપી એન્ડ ફરગેટ અબાઉટ મી. ધીસ વુડ રિયલી મેક મી હેપી. એન્ડ પ્લીઝ ટેક કેર અબાઉટ ઇચ અધર. આઇ હોપ યુ ફૂલ ફિલ માય ફાઇનલ વિશ. ધ્યાન રખના. આઇ લવ યુ.” આ અંતિમ શબ્દોએ પરિવારને ગમગીન કરી દીધો છે.