ઓવર ધ ટોપ (OTT) પ્લેટફોર્મના આગમન સાથે એન્ટરટેઈનમેન્ટ ઇન્ડસ્ટ્રીમાં ક્રાંતિ આવી છે. આ સાથે ઘણી ગંભીર ચિંતાઓ પણ ઉભી થઇ છે, કારણ કે આ પ્લેટફોર્મ પરના કન્ટેન્ટ પર કોઈ નિયંત્રણ નથી. એવામાં આજે સુપ્રીમ કોર્ટે ઓવર ધ ટોપ (OTT) પર સ્ટ્રીમ થતા અને સોશિયલ મીડિયા પ્લેટફોર્મ પર અપલોડ થતા અશ્લીલ કન્ટેન્ટ અંગે ચિંતા વ્યક્ત કરી હતી. કોર્ટે કેન્દ્ર સરકાર અને અન્ય પક્ષોને નોટિસ ફટકારી છે.
જસ્ટિસ બીઆર ગવઈ અને જસ્ટિસ ઑગસ્ટિન જ્યોર્જ મસીહની ખંડપીઠે ભારપૂર્વક જણાવ્યું હતું કે પોર્નોગ્રાફિક સામગ્રીને નિયંત્રિત કરવાનું કાર્ય કાર્યકારી અને વિધાનસભાના અધિકારક્ષેત્રમાં આવે છે. જસ્ટિસ ગવઈએ કહ્યું કે, આ અમારું અધિકારક્ષેત્ર નથી, તમે કંઈક કરો.
કોર્ટમાં દાખલ કરાયેલી અરજીમાં માંગ કરવામાં આવી હતી કે તે કેન્દ્રને OTT અને સોશિયલ મીડિયા પ્લેટફોર્મ પર પોર્નોગ્રાફિક સામગ્રીના સ્ટ્રીમિંગ પર પ્રતિબંધ મૂકવા માટે યોગ્ય પગલાં લેવાનો નિર્દેશ આપે. અરજીમાં, આ પ્લેટફોર્મ્સ પર પોર્નોગ્રાફિક સામગ્રીને પ્રતિબંધિત કરવા માટે નેશનલ કન્ટેન્ટ કંટ્રોલ ઓથોરિટીની રચના માટે માર્ગદર્શિકાની માંગ કરવામાં આવી હતી.
પિટિશનમાં દાવો કરવામાં આવ્યો હતો કે સોશિયલ મીડિયા સાઇટ્સ પર એવા પેજ અથવા પ્રોફાઇલ્સ છે જે કોઈપણ ફિલ્ટર વિના પોર્નોગ્રાફિક કન્ટેન્ટ પ્રદર્શિત કરી રહ્યાં છે અને વિવિધ OTT પ્લેટફોર્મ્સ ચાઇલ્ડ પોર્નોગ્રાફીને પ્રોત્સાહન આપતી કન્ટેન્ટ સ્ટ્રીમ કરી રહ્યાં છે.
અરજીમાં કહેવામાં આવ્યું હતું કે આ પ્રકારની સામગ્રી માત્ર બાળકો અને યુવાનોના મનને જ નહીં પરંતુ મોટી ઉંમરના લોકોના મન પર પણ અસર કરે છે અને તે અકુદરતી જાતીય વૃત્તિઓને પ્રોત્સાહન આપે છે અને તેથી ગુનામાં પણ વધારો થાય છે. અરજીમાં કહેવામાં આવ્યું છે કે જો આની તપાસ કરવામાં નહીં આવે તો સામાજિક મૂલ્યો, માનસિક સ્વાસ્થ્ય અને જાહેર સુરક્ષા પર ગંભીર અસર પડી શકે છે. વધુમાં કહેવામાં આવ્યું હતું કે ઈન્ટરનેટની સરળતાએ તમામ ઉંમરના વપરાશકર્તાઓ માટે અશ્લીલ સામગ્રી ઉપલબ્ધ કરાવી છે.
અરજીમાં માંગણી કરવામાં આવી હતી કે સુપ્રીમ કોર્ટના નિવૃત્ત જજની અધ્યક્ષતામાં એક સમિતિની રચના કરવામાં આવે અને તેમાં આ ક્ષેત્રના નિષ્ણાતોને સામેલ કરવામાં આવે. આ સમિતિ, સેન્ટ્રલ બોર્ડ ઑફ ફિલ્મ સર્ટિફિકેશનની તર્જ પર, OTT અને સોશિયલ મીડિયા પ્લેટફોર્મ પર કઈ સામગ્રી બતાવવામાં આવે તે નક્કી કરવા માટે કામ કરવું જોઈએ અને જ્યાં સુધી આ અંગે કાયદો ન બને ત્યાં સુધી આ ચાલુ રાખવું જોઈએ.
અમદાવાદનો કુખ્યાત ચંડોળા તળાવ વિસ્તાર એક સમયે ગેરકાયદે રહેતા બાંગ્લાદેશીઓનો ગઢ હતો. પણ અત્યારે હાલ ત્યાં ચકલાં ઊડી રહ્યા છે. અમદાવાદ પોલીસ કમિશનર જી.એસ.મલિક, ડીસીપી ક્રાઇમ અજીત રાજીયન સહિતના ઉચ્ચ અધિકારીઓ ચંડોળા તળાવ વિસ્તારમાં પહોંચે તે પહેલાં તમામ ઘરોમાં તાળાં લટકતા જોવા મળ્યા. આખો વિસ્તાર ખાલીખમ જોવા મળી રહ્યો છે. અગાઉ ટોરેન્ટે પણ વીજ જોડાણ કાપી નાખ્યા હતા. હાલમાં 143 બાંગ્લાદેશીની ડિપોર્ટેશનની પ્રક્રિયા શરૂ કરી દેવાઈ છે.
બાંગ્લાદેશી ધૂષણખોરોને વીણી વીણીને દેશનિકાલ કરવા ગુજરાત પોલીસે ઓપેરેશન હાથ ધર્યુ છે. અમદાવાદમાં ચંડોળા તળાવ, શાહ આલમ, સિયાસતનગર, નવાબનગર ઉપરાંત ફુલગીરીના છાપરા પરપ્રાંતિયોનું એપી સેન્ટર રહ્યુ છે. રોજી રોજગાર મેળવવા આવેલાં પરપ્રાંતિયોની સંખ્યા આ વિસ્તારોમાં સૌથી વધુ છે. આ વિસ્તારોમાં કાર્યકત સ્વૈચ્છિક સંસ્થાઓનું કહેવુ છેકે, આ વિસ્તારમાં રહેતાં કેટલાંય પરિવારોએ એવાં છે જે અન્ય રાજ્યના જરૂર છે પણ તેમના બાળકોનો જન્મ ગુજરાતમાં થયો છે. તેમના પરિવારજનોના લગ્ન ગુજરાતમાં થયા છે.
સુરત ગ્રામ્ય પોલીસે 245 વિદેશી નાગરિકોને ઝડપ્યા હતા, જેમાં 60ની તપાસ કરાઈ છે. તે તમામ બાંગ્લાદેશી હોવાનું સામે આવ્યું છે. તથા બાકીના લોકોનું વેરિફિકેશન ચાલી રહ્યું છે. તેઓ છેલ્લા ઘણા સમયથી ગ્રામ્ય વિસ્તારમાં ગેરકાયદે રહેતા હતા. તેઓએ ભારત-બાંગ્લાદેશની બોર્ડર પરથી ગેરકાયદે ઘૂસણખોરી કરી હતી.
સુરતના ચોકબજાર પોલીસ સ્ટેશન વિસ્તારમાં ગેરકાયદેસર રીતે વસવાટ કરતા વિદેશી નાગરિકો, ખાસ કરીને બાંગ્લાદેશી નાગરિકોની શોધખોળ માટે સર્ચ ઓપરેશન હાથ ધરવામાં આવ્યું છે. ચોકબજાર પોલીસ દ્વારા અલગ અલગ અધિકારીઓ અને કર્મચારીઓની ટીમો બનાવી નહેરૂનગર ઝૂંપડપટ્ટી, સાબરીનગર, રીવરવ્યુ સોસાયટી, ફુલવાડી, પંડોળ સહિતના વિસ્તારોમાં કાર્યવાહી હાથ ધરવામાં આવી છે.
ઘૂસણખોરી મામલે છેલ્લા ત્રણ-ચાર દિવસમાં અમદાવાદના ચંડોળા વિસ્તારમાંથી પોલીસે 800થી વધુ લોકોની અટકાયત કરી હતી. જેમાંથી 600 જેટલા લોકો ભારતના નાગરિકો હોવાના કારણે તેઓને છોડી મૂકવામાં આવ્યા હતા તો 104 નાગરિકો બાંગ્લાદેશી હોવાનું સામે આવ્યું હતું. તે સિવાયના અમુક શકમંદોના બનાવટી દસ્તાવેજોની તપાસ ચાલી રહી છે. આ તમામ લોકોએ ભારત-બાંગલાદેશના સરહદી વિસ્તારમાંથી અહીં આશ્રય લીધો હતો, જેમાં પુરુષ કરતા સ્ત્રીઓની સંખ્યા વધારે હતી. બાંગ્લાદેશથી ભારતમાં ગેરકાયદેસર ઘૂસણખોરીમાં 85થી વધુ મહિલાઓનો સમાવેશ થાય છે. મળતી માહિતી મુજબ શકમંદો તથા બાંગ્લાદેશીઓએ અમદાવાદ આવ્યા બાદ 3 એજન્ટ મારફતે બોગસ દસ્તાવેજ બનાવી લીધા હતા. આ તમામને ડિપોર્ટ કરવામાં આવશે, તેમજ 550થી વધારે લોકો પાસેના પાસપોર્ટને લઈને પણ તપાસ કરવામાં આવી રહી છે
કેન્દ્ર સરકાર પાકિસ્તાન વિરુદ્ધ સતત કાર્યવાહી કરી રહી છે. દરમિયાન, ગૃહ મંત્રાલયની ભલામણો પર, ભારત સરકારે જમ્મુ અને કાશ્મીરમાં પહેલગામ આતંકવાદી ઘટનાની પૃષ્ઠભૂમિમાં ભારત, તેના સશસ્ત્ર દળો અને સુરક્ષા એજન્સીઓ વિરુદ્ધ ઉશ્કેરણીજનક અને સાંપ્રદાયિક રીતે સંવેદનશીલ સામગ્રી, ખોટી અને ભ્રામક વાર્તાઓ અને ખોટી માહિતી ફેલાવવા બદલ પાકિસ્તાની યુટ્યુબ ચેનલો પર પ્રતિબંધ મૂક્યો છે.
63 મિલિયન સન્સ્ક્રાઇબર્સ ધરાવતી કુલ 16 પાકિસ્તાની યુટ્યુબ ચેનલ પર પ્રતિબંધ મૂકવામાં આવ્યો છે. જે ચેનલો પર પ્રતિબંધ મૂકવામાં આવ્યો છે તેમાં ભૂતપૂર્વ પાકિસ્તાની ક્રિકેટર શોએબ અખ્તરની યુટયુબ ચેનલ પણ શામેલ છે. કેન્દ્રીય ગૃહ મંત્રાલયની ભલામણોને પગલે યુટ્યુબ ચેનલ પર પ્રતિબંધ મૂકવામાં આવ્યો છે.
પ્રતિબંધિત પ્લેટફોર્મ્સમાં ડોન, સમા ટીવી, એઆરવાય ન્યૂઝ, બોલ ન્યૂઝ, રફતાર, જીઓ ન્યૂઝ અને સુનો ન્યૂઝ ન્યૂઝ ચેનલોનો સમાવેશ થાય છે. પત્રકાર ઈર્શાદ ભટ્ટી, અસ્મા શિરાઝી, ઉમર ચીમા અને મુનીબ ફારૂકની યુટ્યુબ ચેનલો પર પણ પ્રતિબંધ મૂકવામાં આવ્યો છે. અન્ય પ્રતિબંધિત હેન્ડલ્સમાં ધ પાકિસ્તાન રેફરન્સ, સમા સ્પોર્ટ્સ, ઉઝેર ક્રિકેટ અને રાઝી નામાનો સમાવેશ થાય છે.
સૂત્રોના જણાવ્યા અનુસાર, પહેલગામ હુમલાને પગલે પાકિસ્તાન સાથેના તણાવપૂર્ણ સંબંધો વચ્ચે આવી યુટ્યુબ ચેનલો ભારત, તેની સેના અને સુરક્ષા એજન્સીઓ વિરુદ્ધ ભડકાઉ અને સંવેદનશીલ સામગ્રી, ખોટા-ભ્રામક નિવેદનો અને ખોટી માહિતી ફેલાવી રહી હતી. આ આતંકવાદી હુમલામાં, આતંકવાદીઓ દ્વારા 25 પ્રવાસીઓ અને એક કાશ્મીરીની નિર્દયતાથી હત્યા કરવામાં આવી હતી.
ભારત સરકારે દેશમાં રહેતા પાકિસ્તાની નાગરિકોને કડક ચેતવણી આપી છે. 22 એપ્રિલે પહેલગામમાં થયેલા ઘાતક આતંકવાદી હુમલા બાદ આ અલ્ટીમેટમ આપવામાં આવ્યું છે. સરકારી આદેશ અનુસાર, સાર્ક વિઝા ધરાવતા પાકિસ્તાની નાગરિકોએ 28 એપ્રિલ સુધીમાં ભારત છોડવું જરૂરી છે, જ્યારે મેડિકલ વિઝા ધરાવનારાઓએ 29 એપ્રિલ સુધીમાં ભારત છોડવું પડશે.
25 થી 27 એપ્રિલની વચ્ચે, 537 પાકિસ્તાની નાગરિકો અટારી ચેકપોસ્ટ દ્વારા ભારત છોડ્યા હતા, જ્યારે તે જ સમયગાળા દરમિયાન 744 ભારતીય નાગરિકો પાકિસ્તાનથી વાઘા મારફતે પરત ફર્યા હતા. પહેલગામ આતંકી હુમલાની પ્રારંભિક તપાસ બાદ શરૂ કરવામાં આવેલા રાજદ્વારી હુમલાના ભાગરૂપે ભારતે 24 એપ્રિલે પાકિસ્તાની નાગરિકોને જારી કરાયેલા તમામ માન્ય વિઝા રદ કર્યા હતા. આમાં રાજદ્વારી અને સત્તાવાર વિઝા અને લાંબા ગાળાના વિઝાનો સમાવેશ થતો નથી.
શેરબજાર સેન્સેક્સ નિફ્ટીમાં સપ્તાહના પહેલા દિવસે જ ઉછાળો આવ્યો છે. સેન્સેક્સ પાછલા બંધ 79212 સામે આજે 79343 ખુલ્યો હતો. રિલાયન્સ અને બેંક શેરમાં તેજીથી સેન્સેક્સ 600 પોઇન્ટથી વધુ ઉછળ્યો હતો. એનએસઇ નિફ્ટી 24039 પાછલા બંધ સામે આજે 24070 ખુલ્યો હતો. હાલ નિફ્ટી 150 પોઇન્ટ ઉછળ્યો છે. બેંક નિફઅટી 500 પોઇન્ટ વધ્યો હતો જ્યારે નિફ્ટી આઈટી ઈન્ડેક્સ 350 પોઇન્ટ ડાઉન હતો. સેન્સેક્સના ટોપ 5 ગેઇનરમાં રિલાયન્સ 3 ટકા, મહિન્દ્રા મહિન્દ્રા 2 ટકા, ICICI બેંક, બજાજ ફિનસર્વ અને કોટક બેંક 1 થી દોઢ ટકા વધ્યા છે.
ગત સપ્તાહે શેરબજારમાં ભારે અફરાતફરી મચ્યા બાદ હવે સુધારા તરફી માહોલ જોવા મળ્યો છે. વિદેશી રોકાણકારોએ છેલ્લા આઠ ટ્રેડિંગ સેશનમાં વિદેશી રોકાણકારોએ કુલ રૂ. 32465 કરોડની ખરીદી નોંધાવી છે. વિદેશી શેરબજાર, યુએસ બોન્ડ અને ડોલરમાં કડકાના પગલે વિદેશી રોકાણકારો ફરી પાછા ભારતીય શેરબજાર તરફ ડાયવર્ટ થયા છે. વધુમાં સ્થાનિક સ્તરે સકારાત્મક પરિબળો તેમજ એશિયન બજારમાં સુધારાની અસર પણ થઈ છે.
આ ઉપરાંત આજે અમેરિકા-ચીન ટ્રેડ વોરનો તણાવ ઓછો થવાના સંકેતો વચ્ચે એશિયન બજારોમાં તેજી જોવા મળી હતી.જ્યારે ગયા અઠવાડિયે યુએસ શેરબજારમાં વધારો થયો હતો. આ અઠવાડિયે રોકાણકારો મુખ્ય શેરબજારની પ્રવૃત્તિઓ પર નજર રાખશે. જેમાં ચોથા ક્વાર્ટરના પરિણામો ભારત-પાકિસ્તાન ભૂ-રાજકીય તણાવ, માસિક વાહન વેચાણ ડેટા, વિદેશી ભંડોળનો પ્રવાહ અને અન્ય મુખ્ય વૈશ્વિક સંકેતોનો સમાવેશ થાય છે.
ભારત સરકારે દેશમાં રહેતા પાકિસ્તાની નાગરિકોને કડક ચેતવણી આપી છે. 22 એપ્રિલે પહેલગામમાં થયેલા ઘાતક આતંકવાદી હુમલા બાદ આ અલ્ટીમેટમ આપવામાં આવ્યું છે. સરકારી આદેશ અનુસાર, સાર્ક વિઝા ધરાવતા પાકિસ્તાની નાગરિકોએ 28 એપ્રિલ સુધીમાં ભારત છોડવું જરૂરી છે, જ્યારે મેડિકલ વિઝા ધરાવનારાઓએ 29 એપ્રિલ સુધીમાં ભારત છોડવું પડશે.
25 થી 27 એપ્રિલની વચ્ચે, 537 પાકિસ્તાની નાગરિકો અટારી ચેકપોસ્ટ દ્વારા ભારત છોડ્યા હતા, જ્યારે તે જ સમયગાળા દરમિયાન 744 ભારતીય નાગરિકો પાકિસ્તાનથી વાઘા મારફતે પરત ફર્યા હતા. પહેલગામ આતંકી હુમલાની પ્રારંભિક તપાસ બાદ શરૂ કરવામાં આવેલા રાજદ્વારી હુમલાના ભાગરૂપે ભારતે 24 એપ્રિલે પાકિસ્તાની નાગરિકોને જારી કરાયેલા તમામ માન્ય વિઝા રદ કર્યા હતા. આમાં રાજદ્વારી અને સત્તાવાર વિઝા અને લાંબા ગાળાના વિઝાનો સમાવેશ થતો નથી.
ફેસલેસ’ એક એવી સિસ્ટમ છે કે બંને પક્ષને એકબીજાની ઓળખ થતી નથી, માત્ર ઈ-મેઈલથી જ સુનાવણી થતી હોવાથી ભ્રષ્ટાચાર આચરવાના રસ્તા બંધ થઈ ગયા હતા
પરંતુ ભ્રષ્ટ અધિકારીઓ અને વચેટિયાઓએ ‘અકબંધ’ સિસ્ટમને તોડીને ભ્રષ્ટાચારનો નવો રસ્તો શોધવામાં સફળ રહ્યા હતા
કોઈ ડી.કે. અગ્રવાલ નામની વ્યક્તિએ મિતેશ મોદીને ફોન કર્યો અને સામે ચાલીને તપાસને આમંત્રણ આપ્યું; મોબાઈલ નંબરના આધારે સીબીઆઈ વચેટિયા સુધી પહોંચી હતી, હકીકતમાં સની નામના સિક્યોરિટી ગાર્ડ કમ ડ્રાઈવરના નામના મોબાઈલથી ફોન કરવામાં આવતા હતા
ઇન્કમટેક્સ, જીએસટી, ઇડી, સીબીઆઇ આ બધી એજન્સીઓ એવી છે કે જેનું નામ સાંભળતા જ ધંધાદારી માણસને પરસેવો છૂટી જાય. કારણ વગરની નોટીસ કે સમન્સ કાઢીને કેસની ચર્ચા કરવા રૂબરૂ હાજર રહેવા તાકીદ કરવી, વારંવાર તારીખો આપવી અને જાતજાતના ડોક્યુમેન્ટ્સ માંગવા. આ પ્રથા વર્ષોથી ચાલી આવતી હતી. આ બધી પ્રક્રિયામાં આચરવામાં આવતા કહેવાતા ભ્રષ્ટાચારના આંકડા સાંભળીને પણ ચક્કર આવી જાય. વળી પતાવટ કરવા માટે પણ એક આખી ટીમ હાજરાહજૂર જ હોય એ કહેવાની જરૂર નથી. વેપારીએ ક્યાંક ભૂલ કરી હોય કે નિયમનો ભંગ કર્યો હોય એટલે મગરમચ્છની ચુંગાલમાં આવી જવાનો જ, પરંતુ સાથે આ ચુંગાલમાંથી છોડાવનારાઓ પણ મળી જ રહેવાના. કહેવાની જરૂર નથી કે દલાલોને પ્રસાદી ધરવાથી ઘણા કામોનો સુખદ નિકાલ પણ થઈ જતો હશે.
આવી અનેક સમસ્યાઓ અને ભ્રષ્ટાચારના દૂષણને ડામવા માટે કેન્દ્રની મોદી સરકારે એક મહત્ત્વનો નિર્ણય કરી ‘‘ફેસલેસ’’ સુનાવણી કરવાનો નિર્ણય કર્યો હતો. વળી કેસ ક્યાં ચાલે છે? સામે કોણ અધિકારી છે? તેની કોઇને પણ જાણ થતી નથી. મતલબ કે ગુજરાતનો કેસ આસામમાં પણ ચાલતો અને બંગાળનો કેસ દેશના કોઈ રાજ્ય કે શહેરમાં ચાલતો હોય. સુનાવણી કરનાર ઇન્કમટેક્સ અધિકારી માત્ર ઓનલાઇન એટલે કે ઇ-મેઇલથી જ સવાલ કરતો હોય અને આ તરફ અરજદારપક્ષે પણ ઇ-મેઇલથી જ જવાબ આપવાની પદ્ધતિ શરૂ કરવામાં આવી છે અને હાલમાં પણ આ પદ્ધતિ અમલમાં છે, પરંતુ કેટલાક માફિયાતત્ત્વોએ આખી સિસ્ટમને ફોડી નાંખીને ડાયરેક્ટ અરજદાર એટલે કે વેપારીનો સંપર્ક કરીને પતાવટ કરી આપવાની ઓફરો કરવામાં આવતી હતી અને ઘણા કેસમા ‘‘પતાવટ’’ પણ થઈ ગઈ હશે. પરંતુ સુરતના જાણીતા સી.એ. મિતીશ મોદીનો તેમના અસીલના કેસમાં સંપર્ક કરીને વચેટિયાએ પગમાં કુહાડો મારવા જેવો ઘાટ કર્યો હતો.
સી.એ. મિતીશ મોદી સ્વભાવે સ્પષ્ટવકતા અને અસીલના કેસમાં ક્યારેય પણ પતાવટ કરવામાં માનતા નહીં હોવાથી પહેલા તો તેમણે આવી કોઈ વાત સાંભળવાનો ઇન્કાર કરી દીધો હતો. પરંતુ તેમણે ઇન્કાર કર્યાની ગણતરીની મિનિટોમાં ઇ-મેઇલથી નોિટસ ફટકારવામાં આવી હતી!! મતલબ મિતીશ મોદી જે અસીલનો કેસ હેન્ડલ કરી રહ્યા હતા તેની વિગતો ડિપાર્ટમેન્ટમાંથી જ ‘લીક’ કરવામાં આવી રહી હતી અને પોતે ‘સેટલમેન્ટ’ કરવાનો ઇન્કાર કરતા સીધી ‘શો-કોઝ’ નોિટસ ફટકારવામાં આવી હતી.
‘શો-કોઝ’ નોિટસ બાદ કંઇક ખોટું થઈ રહ્યું હોવાની શંકા સાથે નેશનલ ફેસલેસ એસેસમેન્ટ સ્કીમના ઉચ્ચ અધિકારીને જાણ કરતા તપાસનો દોર શરૂ થયો હતો અને દોઢથી બે વર્ષ ચાલેલી લાંબી તપાસના અંતે ઇન્કમટેક્સ વિભાગના ડેપ્યુટી કમિશ્નર કક્ષાના એક સહિત ત્રણની ધરપકડ કરવામાં આવી હતી.સી.બી.આઇ.ની ગત તા.૨૫ એપ્રિલ ૨૦૨૫ની પ્રેસરિલિઝમાં સમગ્ર કાંડની વિગતો જાહેર કરવામાં આવી હતી. સી.બી.આઇ.એ અગાઉ તા.૬.૦૨.૨૦૨૫ના રોજ દિલ્હી, મુંબઇ, થાણે, બિહાર, બેંગલુરુ, કોટ્ટાયમ (કેરળ) સહિત લગભગ ૧૮ સ્થળોએ દરોડા પાડ્યા હતા. દરોડામાં અયોગ્ય ચુકવણી સહિતના ડિજિટલ પુરાવા મળી આવ્યા હતા.પ્રાથમિક તપાસના અંતે ઇન્કમટેક્સના એક ડેપ્યુટી કમિશ્નર, બે નિરીક્ષકો પાંચ ચાર્ટર્ડ એકાઉન્ટન્ટ્સ અને એક ખાનગી વ્યક્તિ સામે ગુનો નોંધવામાં આવ્યો હતો. આ પૈકી ત્રણની ધરપકડ કરવામાં આવી હતી.
સુરતના સી.એ. મિતીશ મોદી અને અક્ષય મોદીએ ફરિયાદ કર્યા પહેલા વચેટિયા મારફતે ઘણા લોકો સાથે પતાવટ થઈ પણ ગઇ હશે. પરંતુ તેમણે ફેસલેસ એસેસમેન્ટ વિભાગના ઉચ્ચ અધિકારીને ફરિયાદ કરીને ‘ફેસલેસ’ની પાછળ રહીને કામ કરતા દલાલોને ‘બેનકાબ’ કરીને સેંકડો લોકોને વચેટિયાઓના દૂષણથી રાહત અપાવવાનુ કામ કર્યું હતું.
લગભગ દોઢ વર્ષ સુધી આ ગંભીર બાબતોની રજૂઆતને ધ્યાને લઈ ઇન્કમ ટેક્ષ ખાતાનાં ઇન્વેસ્ટિગેશન િવંગના ઉચ્ચ અધિકારી ડાયરેકટર જનરલ ઓફ ઇન્કમ ટેક્ષ (ઇન્વેસ્ટિગેશન), ન્યુ દિલ્હી દ્વારા તપાસ હાથ ધરવામાં આવી હતી. ઇન્વેિસ્ટગેશન કરવા હેતુસર ડી.કે. અગ્રવાલ નામક વ્યક્તિના મોબાઇલ નંબરના કોલ ડેટા રેકોડ્ર્સ તપાસવામાં આવ્યા હતા, જે દરમ્યાન ડી.કે.અગ્રવાલે જે નંબરથી ફોન કર્યો હતો તે નંબર દિલ્હીના કોઇ સની નામની વ્યક્તિનો માલૂમ પડ્યો હતો. ઇન્કમ ટેક્ષ ખાતાની ઈન્વેસ્ટિગેશન વિંગ દ્વારા સની નામક વ્યક્તિને સમન્સ પાઠવી તેનું નિવેદન લેતાં બહાર આવ્યું કે આ સની દિનેશકુમાર અગ્રવાલના સિક્યુરીટી ગાર્ડ અને ડ્રાઇવર તરીકે નોકરી કરતો હતો અને દિનેશકુમાર અગ્રવાલે તેના નામ પર પાંચ જુદા જુદા સીમકાર્ડ્સ લીધા હતા અને તે તમામ સીમકાર્ડ્સ દ્વારા ઇન્કમ ટેક્ષ કાયદા હેઠળ ચાલતા આકારણીના કેસોની જેની માહિતી મેળવી હોય તેવા કરદાતાઓને, તેઓના નંબરો પર સંપર્ક કરી આ કેસોનું ‘સેટલમેન્ટ કે પતાવટ’ કરવાનો ધંધો કરતો હતો.
દિનેશકુમાર અગ્રવાલ લાયઝિનંગનું કામ કરનાર વ્યક્તિ હતો, હિંદુ મહા સંઘનો વાઇસ પ્રેસિડેન્ટ હતો, દિલ્હી હિંદુ યુવા વાિહનીનો રાજ્ય કક્ષાનો પ્રેસિડેન્ટ હતો અને ૨૦૨૪માં અપક્ષ ઉમેદવાર તરીકે લોકસભાનું ઇલેક્શન પણ લડી ચૂક્યો છે. સનીની જુબાનીને આધારે આ તમામ માહિતી સામગ્રી, સાહિત્ય અને પુરાવાઓ એકત્ર કરી ઇન્કમ ટેક્ષ ખાતાની ઇન્વેસ્ટિગેશન વિંગ દ્વારા ડી.કે.અગ્રવાલને ત્યાં રેડ કરતાં સમગ્ર િસિન્ડકેટ અને મોડસ ઓપરેન્ડીમાં વિજયેન્દ્ર આર., ઇન્કમ ટેક્ષ ડે.કમિશ્નર, ન્યુ દિલ્હી, દિલ્હીના સીએ િગરીશ માલિક અને સુરેશ તયાલ અને સાથે સાથે મુંબઇના બે સીએ નામે ભાવેશ રાખોલિયા અને શિવરતન શીન્ગોડીયા, કોટાયમના સીએ પ્રતિક લેલીન, ઇન્સ્પેક્ટર દિનેશકુમાર વર્મા અને વિનાયક શર્મા અને અન્ય એક વ્યક્તિ પૂરી સીિન્ડકેટમાં હોવાનું જણાયું હતું.
ઇન્કમ ટેક્ષના ડે.કમિશ્નર, વિજ્યેન્દ્ર આર. ને તાત્કાલિક અસરથી સસ્પેન્ડ કરવામાં આવ્યા અને સિિન્ડકેટના બાકીના સભ્યો સામે પ્રિવેન્શન ઓફ કરપ્શન એક્ટ હેઠળ કાર્યવાહી શરૂ કરી દીધી છે. ઇન્કમ ટેક્ષ ખાતાની ઇન્વેસ્ટિગેશન વિંગ દ્વારા સમગ્ર કેસની માહિતી સી.બી.આઇ., ન્યુ દિલ્હી ને ૦૭-૧૧-૨૦૨૪ના રોજ મોકલી આપવામાં આવતાં સી.બી.આઇ. એ તા.૦૪-૦૨-૨૦૨૫ના રોજ ભારતીય ન્યાય સહિતાનાં કાયદા હેઠળ એફ.આઇ.આર. નોંધી હતી. FIR No. RC21920250001 છે. સી.બી.આઇ.એ એફ.આઇ.આર. દાખલ કર્યા પછી કુલ ૧૧ જગ્યાએ જેમાં ખાસ કરીને દિલ્હી, મુંબઇ, થાણે, વેસ્ટ ચંપારણ (બિહાર), બેન્ગુલુરુ, કોટાયમ, વગેરે સ્થળોએ રેડ કરી ગંભીર પ્રકારના દસ્તાવેજી પુરાવાઓ અને સાહિત્ય એકત્ર કર્યા હતા.
અધિકારીઓ અને િસિન્ડકેટમાં સામેલ સીએ સહિતની વ્યક્તિઓને જો ખુલ્લું મેદાન આપવામાં આવે તો સરકારની ફેસલેસ એસેસમેન્ટ સ્કીમ અને ત્યારબાદ જાહેર કરેલ ફેસલેસ અપીલ સ્કીમ પણ સંપૂર્ણપણે નિષ્ફળ જાય અને સામાન્ય કરદાતા આવા ષડ્યંત્રનો ભોગ બને. વળી સિન્ડિકેટની વાત ના માને તો કરોડો રૂપિયાની આકારણી થાય, કડક િરકવરી પ્રોસિડિંગ્સનો સામનો કરવો પડે અને કોર્ટો સમક્ષ અપીલના ચક્કરોમાં ઢસડાઈ જાય.સુરતના સી.એ. મિતીશ એસ. મોદી દ્વારા થયેલી ગંભીર રજૂઆતોને પગલે સમગ્ર દેશમાં કદાચ સૌપ્રથમવાર આવી સિિન્ડકેટ ઝડપાઇ હતી. અને ફેસલેસ એસેસમેન્ટ સ્કીમને નિષ્ફળ બનાવવાનો કરોડો રૂપિયાનો ભ્રષ્ટાચારી ત્રાગો ખુલ્લો પડ્યો છે. અન્ય નામો પણ બહાર આવવાની શક્યતા છે.
ગુજરાત પોલીસના સુરત અને અમદાવાદની ટિમ દ્વારા ગતરાત્રે એક મોટું ઓપરેશન હાથ ધરીને ગેરકાયદે રહેતા લગભગ હજાર બાંગ્લાદેશીઓને પકડવામાં આવ્યા હતા.
પહેલગામમાં આતંકવાદી હુમલો થયા બાદ કેન્દ્ર સરકારે તમામ રાજ્યોને ગેરકાયદે રહેતાં પાકિસ્તાની તથા બાંગ્લાદેશી નાગરિકોને તત્કાળ પકડીને રવાના કરવા માટે કહ્યા બાદ ગઈ રાત્રે ગુજરાત પોલીસે અમદાવાદ અને સુરતમાં મોટું ઓપરેશન હાથ ધર્યું હતું. આ બંને શહેરોમાં ગેરકાયદે રહેતા બાંગ્લાદેશીઓ પકડાયા હતા. અમદાવાદમાંથી 890 તેમજ સુરતમાં થઈ 134 બાંગ્લાદેશીઓને પકડવામાં આવ્યા હતા. ગેરકાયદેસર રીતે રહેતા આ બાંગ્લાદેશી બંગાળથી ઘુસ્યા હતા અને ત્યારબાદ ગેરકાયદેસર ડોક્યુમેન્ટ ઉભા કરીને દેશના અલગ અલગ રાજ્યમાં રહેતા હતા. પકડાયેલા બાંગ્લાદેશીઓમાંથી કેટલાય ડ્રગ્સના ધંધા સાથે સંકળાયેલા છે. અગાઉ પકડાયેલા ચાર બાંગ્લાદેશીઓ અલ કાયદા નામના આતંકવાદી સંગઠન માટે કામ કરતા હતા.
આ ઓપરેશન બાદ રાજ્યના ગૃહમંત્રી હર્ચેષ સંઘવીએ ચેતવણી આપી હતી કે જેઓ ગેરકાયદેસર રીતે ગુજરાતમાં રહે છે તે તમામ નજીકના પોલીસ સ્ટેશનના હાજર થઈ જાય. તેઓ હાજર નહીં થાય તો ગુજરાત પોલીસ ન ભૂતો ન ભવિષ્ય જેવી કાર્યવાહી કરશે.કેન્દ્રીય સુરક્ષા એજન્સીઓ દ્વારા આપવામાં આવેલા નિર્દેશ અનુસાર કામગીરી કરવામાં આવી રહી છે. પાકિસ્તાનીઓને પણ પરત મોકલવાની કામગીરી ચાલી રહી હોવાનું કહી હર્ષ સંઘવીએ સુરત પોલીસ અને અમદાવાદ પોલીસને અભિનંદન આપ્યા હતા.
એસીપી ડીસીપી સહિતના તમામ અધિકારીઓ અને પોલીસ કર્મચારી આખી રાત ખડે પગે રહ્યા હતા. ગૃહ મંત્રીએ આપી ઘૂસણખોરોને ચેતવણી હતી. આવનારા બે દિવસોમાં તમામ ગેરકાયદેસર રહેતા બાંગ્લાદેશીઓ પોલીસ સ્ટેશનમાં જઈ સરેન્ડર કરે નહીં તો પોલીસ ઘરે ઘરે જઈને પકડશે. ગેરકાયદે રહેનારાઓને શરણ આપનારાઓને પણ ગુજરાત પોલીસ નહીં છોડે. આ તમામ બાંગ્લાદેશીઓને ફેક ડોક્યુમેન્ટ બનાવી આપનારાઓને પણ પકડવામાં આવશે.
વડાપ્રધાન નરેન્દ્ર મોદીની બેઠક બાદ ભારત સરકારે પગલા ઉઠાવ્યા છે
સહારનપુરના દેવબંદમાં ફટાકડાની ફેક્ટરીમાં વિસ્ફોટ થતાં પ્રાથમિક હેવાલ મુજબ ત્રણના મોત થયા છે. મૃત્યુઆંક વધી શકે છે. ફાયર ફાઇટરોની ટીમ ઘટનાસ્થળે આગ ઓલવવામાં વ્યસ્ત છે. ફોરેન્સિક ટીમ મૃતકોના અવશેષો શોધી રહી છે. અકસ્માતથી ગુસ્સે ભરાયેલા ગ્રામજનોએ મુઝફ્ફરનગર સહારનપુર સ્ટેટ હાઇવે બ્લોક કરી દીધો છે. ડીએમ એસએસસી ફોર્સ સાથે ઘટનાસ્થળે પહોંચી ગયા છે. ઘાયલોને એમ્બ્યુલન્સ દ્વારા હોસ્પિટલમાં દાખલ કરાયા છે. અકસ્માતનું કારણ હજુ સુધી જાણી શકાયું નથી. આ અકસ્માત જાહેર બાંધકામ વિભાગના મંત્રી બ્રિજેશ સિંહના ગામ પાસે થયો હતો. સ્થાનિક લોકોના જણાવ્યા મુજબ, વિસ્ફોટ એટલા શક્તિશાળી હતા કે ફેક્ટરીની છત ઉડી ગઈ અને મૃતકોના અવશેષો વેરવિખેર થઈ ગયા હતા. સ્થાનિક લોકોનું કહેવું છે કે વિસ્ફોટ સવારે 6:30 વાગ્યે થયો હતો. જો આ અકસ્માત 2 કલાક પછી થયો હોત, તો આસપાસના ગામડાઓમાંથી મોટી સંખ્યામાં છોકરીઓ અને મહિલાઓ અહીં કામ માટે પહોંચી ગઈ હોત. એ સ્થિતિમાં, આ વધુ ભયંકર અકસ્માત બની શક્યો હોત. અત્યાર સુધીમાં ત્રણ લોકોના મોતની પુષ્ટિ થઈ છે જ્યારે રસ્તો બ્લોક કરનારા ગ્રામજનોનું કહેવું છે કે અકસ્માત સમયે ફેક્ટરીની અંદર ઓછામાં ઓછા 9 લોકો હતા. ગ્રામજનોને ડર છે કે તે બધા મૃત્યુ પામ્યા હશે પરંતુ હજુ સુધી કોઈ માહિતી મળી નથી. જિલ્લા વહીવટીતંત્રનું કહેવું છે કે મૃત્યુઆંક વધવાની કોઈ શક્યતા નથી કારણ કે અન્ય લોકોને ગંભીર ઈજાઓ થઈ નથી.
