સુરત શહેરના ઈન્ટરનેશનલ એરપોર્ટ ખાતે આજે અચાનક રન વે નજીક આવેલા ઘાસમાં આગ ફાટી નીકળી હતી. રન વે નજીક આગ લાગતાં અફડાતફડીનો માહોલ સર્જાયો હતો. ઘટનાની જાણ થતાં ફાયર બ્રિગેડની ટીમ આવી પહોંચી હતી અને પાણીનો મારો ચલાવી આગ પર નિયંત્રણ મેળવી લીધું હતું.

આગ લાગી તે સમયે રન વે પર એક ફલાઈટ હતી અને ટેક ઓફ થાય તે પહેલા જ ઘટના બની હતી. આગના કારણે ફ્લાઈટ અને હેલિકોપ્ટર સર્વિસને અસર થઈ હતી. 3 ફ્લાઇટ અને હેલિકોપ્ટરને ડાયવર્ટ કરવામાં આવ્યા હતા. એર ઇન્ડિયા એક્સપ્રેસની સુરત દિલ્હી ફ્લાઈટ એરપોર્ટના રનવે પર હતી અને આગની ઘટના બનતા તે ટેક ઓફ કરી શકી ન હતી. ત્યારબાદ એક હેલિકોપ્ટર લેન્ડિંગ માટે આવ્યું હતું જોકે તેને હજીરા હેલીપેડ ખાતે ડાયવર્ટ કરવામાં આવ્યું હતું. આ સાથે જ વેન્ચુરાની ફ્લાઈટ પણ અમદાવાદ ડાયવર્ટ કરવામાં આવી હતી. રનવે નજીક આગ લાગી હોવાથી ફ્લાઇટ ટેક ઓફ કે લેન્ડ થઈ શકે નહીં. જેના પગલે ત્યારબાદ આવતી 3 ફ્લાઈટને પણ અસર પહોંચી હતી.

એરપોર્ટ ઓથોરિટીના જણાવ્યા મુજબ, દોઢ વાગ્યા આસપાસ ઓપરેશનલ એરિયામાં ઘાસવાળા વિસ્તારમાં આગ લાગી હતી. આગ બર્ડ હિટથી બચવા માટે વપરાતી ગેસ ગનમાંથી નીકળેલા સ્પાર્કના કારણે લાગી હતી. રનવે સુધી આગ ન ફેલાય તે માટે તત્કાલ પગલાં લઈ રનવે પોણા ત્રણ વાગ્યા સુધી બંધ રાખવો પડ્યો હતો.

ગુપ્તચર એજન્સીઓએ રાજસ્થાનના સરહદી જિલ્લા જેસલમેરમાં એક સરકારી કર્મચારીની વ્યૂહાત્મક અને ગુપ્ત માહિતી આપવાના આરોપસર ધરપકડ કરી છે. ચાલો જાણીએ કે શકુર ખાન ઉર્ફે શકુરિયા કોણ છે અને તે ISIનો પ્યાદો કેવી રીતે બન્યો? આ વાર્તા ફક્ત એક જાસૂસ વિશે નથી, તે એવા દેશદ્રોહીઓ વિશે છે જેઓ સિસ્ટમમાં ઘૂસી ગયા છે અને દેશનો રોટલો ખાય છે પણ પાકિસ્તાનનું મીઠું ખાય છે.

જૈસલમેર રાજસ્થાનનો તે વિસ્તાર છે જ્યાં ધગધગતી ગરમી હોય છે, રેતી ઉડે છે અને આપણા સૈનિકો સરહદ પર પોતાનો જીવ દાવ પર લગાવીને ઉભા રહે છે. આ જમીન પરથી એક સનસનાટીભર્યો કિસ્સો પ્રકાશમાં આવ્યો છે. રોજગાર વિભાગના સરકારી કર્મચારી શકુર ખાન ઉર્ફે શકુરિયા. ધરપકડ બાદ તેને પોલીસ જીપમાં જયપુર લઈ જવામાં આવ્યો હતો. શકુર ખાન પર છેલ્લા ઘણા વર્ષોથી પાકિસ્તાની ગુપ્તચર એજન્સી ISI સાથે સંપર્કમાં હોવાનો આરોપ છે. થોડા રૂપિયા માટે, તે ભારતની ગુપ્ત માહિતી, સરહદી ચોકીઓ વિશેની માહિતી, સૈનિકોની તૈનાતીનો ડેટા, બધું જ પાકિસ્તાનને મોકલી રહ્યો હતો. કલ્પના કરો, રોજગાર વિભાગમાં કામ કરતો એક સરકારી કર્મચારી દેશ વેચી રહ્યો હતો.

પોલીસને આ મહત્ત્વપૂર્ણ પુરાવા મળ્યા
તપાસમાં જાણવા મળ્યું છે કે શકુર ખાન રાજસ્થાનની કોંગ્રેસ સરકારમાં મંત્રી રહેલા સાલે મોહમ્મદના અંગત સચિવ પણ રહી ચૂક્યો છે. હવે પ્રશ્ન એ છે કે શું ભૂતપૂર્વ મંત્રીને તેના દુષ્કૃત્યો વિશે કોઈ ખ્યાલ હતો. શું આ ફક્ત એક કર્મચારીનો ખેલ છે કે કોઈ મોટા નેટવર્કનો? તે જ સમયે, રાજકીય ગલિયારામાં કેટલા શકુર છુપાયેલા છે તે પણ એક મોટો પ્રશ્ન છે. અત્યાર સુધીની તપાસમાં, પોલીસને શકુર ખાન વિરુદ્ધ પાકિસ્તાની જાસૂસ તરીકે કામ કરતા ઘણા પુરાવા મળ્યા છે, જેમાં પાકિસ્તાની નંબરો સાથે ચેટિંગ, પૈસાના વ્યવહારોના પુરાવાનો સમાવેશ થાય છે.

સરહદ પર ભારત અને પાકિસ્તાન વચ્ચે તણાવ યથાવત છે, એવામાં જમ્મુ અને કાશ્મીરના જખૈનીમાં તૈનાત એક CRPF જવાન ગુમ થઇ ગયો હોવાના (CRPF jawan missing) અહેવાલ છે. અહેવાલ મુજબ 137મી બટાલિયનમાં તૈનાત સૈનિક અભિષેક શર્મા છેલ્લા ત્રણ દિવસથી ગુમ છે. ઉધમપુર પોલીસ સ્ટેશનમાં જવાન ગુમ થયાની ફરિયાદ દાખલ કરવામાં આવી છે. પોલીસે જવાન ગુમ થવા પાછળ કોઈ કાવતરું હોવાની આશંકાને નકારી નથી, હાલ તપાસ કરવામાં આવી રહી છે.

ગુમ થયેલો જવાન અભિષેક શર્મા ઉત્તર પ્રદેશના આગ્રા સ્થિત મુરલી વિહાર કોલોનીનો રહેવાસી છે. તેના ગુમ થયાના સમાચાર મળ્યા બાદ તેનો પરિવાર ચિંતિત છે. અભિષેકના મોટા ભાઈ અંકુર પરિવારના અન્ય સભ્યો સાથે જમ્મુ અને કાશ્મીરના ઉધમપુર પોલીસ સ્ટેશન પહોંચ્યા હતાં. પોલીસ સ્ટેશનમાં તેમણે જણાવ્યું કે અભિષેક ઉધમપુરના જખૈનીમાં CRPFની 137 બટાલિયનમાં હેડ કોન્સ્ટેબલ તરીકે ફરજ બજાવે છે. પરિવારના સભ્યો અભિષેકના લગ્નની તૈયારી કરી રહ્યા હતા. તેના લગ્ન અંગે વાતો ચાલી રહી હતી.

26 મેના રોજ સાંજે 5 વાગ્યે જ્યારે બટાલિયનના સીઈઓએ અભિષેકના ઘરે ફોન કરી પૂછ્યું કે તે ઘરે પહોંચ્યો છે કે નહીં, ત્યારે પરિવાર અને વિભાગના લોકોને અભિષેકના ગુમ થવાની જાણ થઈ. સીઈઓએ પરિવારને કહ્યું કે અભિષેક સવારે 6.30ગ્યે કેમ્પ છોડીને ગયો હતો અને કહ્યું કે તે થોડા સમયમાં પાછો આવશે, પરંતુ તે હજુ સુધી પાછો ફર્યો નથી.

ગુમ થયાની ફરીત્યાદ નોંધાયા બાદ પોલીસે જણાવ્યું હતું કે પ્રાથમિક તપાસમાં સોશિયલ મીડિયા, ફોન વગેરેની તપાસ કરવામાં આવી હતી, સાથે જ એ પણ તપાસ કરવામાં આવી રહી છે કે અભિષેક કોઈ પ્રેમ સંબંધમાં સામેલ હતો કે શું. પરંતુ અત્યાર સુધીની તપાસમાં આવી કોઈ માહિતી મળી નથી. ફોનનું છેલ્લું લોકેશન પોલીસ સ્ટેશનની સામે ટાઉન હોલ પાસે સવારે 7:35 વાગ્યે દેખાઈ રહ્યું છે. ત્યારથી મોબાઈલ બંધ છે.