આંદામાન અને નિકોબાર રાજ્ય સહકારી બેંક ગોટાળા કેસમાં ઈડીએ મોટી કાર્યવાહી કરી છે. જેમાં ઈડીએ બુધવારે આંદામાન અને નિકોબારના ભૂતપૂર્વ સાંસદ અને કોંગ્રેસના નેતા કુલદીપ રાય શર્મા અને અન્ય બે લોકોની મની લોન્ડરિંગ કેસમાં ધરપકડ કરી હતી. કેન્દ્રશાસિત પ્રદેશમાં મની લોન્ડરિંગ કાયદા હેઠળ તપાસ એજન્સી દ્વારા આ પ્રકારની પ્રથમ ધરપકડ છે.

બેંકના મેનેજિંગ ડિરેક્ટર અને લોન અધિકારીની પણ ધરપકડ
કુલદીપ રાય શર્મા આંદામાન અને નિકોબાર રાજ્ય સહકારી બેંક ના ભૂતપૂર્વ ચેરમેન છે. તેમજ ધરપકડ કરાયેલા અન્ય બે વ્યક્તિઓમાં બેંકના મેનેજિંગ ડિરેક્ટર, કે. મુરુગન અને બેંકના લોન અધિકારી, કે. કલાઈવનનનો સમાવેશ થાય છે. આ અંગે અધિકારીઓએ જણાવ્યું હતું કે સ્પેશિયલ પ્રિવેન્શન ઓફ મની લોન્ડરિંગ એક્ટ કોર્ટે તેમને ત્રણથી આઠ દિવસ માટે ઈડી કસ્ટડીમાં મોકલ્યા છે. આ તપાસ આંદામાન અને નિકોબાર રાજ્ય સહકારી બેંકમાં કથિત છેતરપિંડી સાથે સંબંધિત છે.

શેલ કંપનીઓ બનાવી લોન મંજૂર કરી હતી
આ કેસ આંદામાન અને નિકોબાર રાજ્ય સહકારી બેંક લિમિટેડના અધિકારીઓ દ્વારા કરવામાં આવેલા ગોટાળા સાથે સંબંધિત છે. જેમાં કુલદીપ રાય શર્મા અને બેંક લોન મંજૂર કરવા માટે જવાબદાર અન્ય લોકોનો સમાવેશ થાય છે. આ વ્યક્તિઓએ તેમના સહયોગીઓ સાથે મળીને ઘણી શેલ કંપનીઓ બનાવી અને, બેંક નિયમો અને સ્થાપિત પ્રક્રિયાઓનો ભંગ કર્યો હતો. તેમજ તેમની નિયંત્રિત સંસ્થાઓ માટે મોટી લોન મંજૂર કરી હતી. જેનો એકમાત્ર હેતુ લોન નહી ચૂકવીને બેંકને નુકસાન પહોંચાડવાનો અને પોતાને ફાયદો કરાવવાનો હતો.

આસામ સિવિલ સર્વિસ (ACS) ના મહિલા અધિકારી નુપુર બોરાની ભ્રષ્ટાચારના આરોપસર ધરપકડ કરવામાં આવી છે. તપાસ દરમિયાન, અધિકારીઓને તેમના ઘરે અપ્રમાણસર સંપત્તિ મળી આવી.

નુપુર બોરા 2019 બેચના અધિકારી છે. તેઓ છેલ્લા છ મહિનાથી સ્પેશિયલ વિજિલન્સ સેલના દેખરેખ હેઠળ છે. તેમના પર જમીનના સોદાઓમાં ઉચાપત કરવાનો અને મોટી રકમ સ્વીકારવાનો આરોપ છે. તાજેતરમાં, તેમના પરિસરમાં દરોડા પાડવામાં આવ્યા હતા, જે દરમિયાન પોલીસે મોટી માત્રામાં રોકડ અને દાગીના જપ્ત કર્યા હતા.

દરોડામાં શું મળ્યું?

• ગુવાહાટીના ઘરમાંથી 72.50 લાખ રૂપિયાથી વધુ રોકડ મળી આવી
• આશરે 1.5 કરોડ રૂપિયાના ઘરેણાં જપ્ત કરાયા
• બારપેટામાં ભાડાના ઘરમાંથી 10 લાખ રૂપિયા રોકડા મળી આવ્યા
• આ અધિકારીએ માત્ર પાંચ વર્ષની સેવામાં જે અઢળક સંપત્તિ મેળવી તેનાથી સરકારથી લઈને સામાન્ય જનતા સુધી બધાને આશ્ચર્ય થયું.

મુખ્યમંત્રીએ શું કહ્યું?
આસામના મુખ્યમંત્રી હિમંતા બિસ્વા શર્માએ આ મામલે કડક વલણ અપનાવતા કહ્યું કે, બારપેટામાં સર્કલ ઓફિસર તરીકે ફરજ બજાવતી વખતે નુપુર બોરાએ હિન્દુઓની જમીન શંકાસ્પદ વ્યક્તિઓને ટ્રાન્સફર કરી હતી. તેમણે એમ પણ કહ્યું કે, ખાસ કરીને લઘુમતી બહુમતી ધરાવતા વિસ્તારોમાં, આવા ભ્રષ્ટાચારને સહન કરવામાં આવશે નહીં.

મુખ્યમંત્રી શર્માએ કહ્યું, “અમને જાણવા મળ્યું છે કે તેમણે તેમના જાણીતા આવકના સ્ત્રોતો કરતાં 400 ગણી વધુ સંપત્તિ એકઠી કરી છે. અમારું માનવું છે કે ફક્ત સસ્પેન્શન અથવા સેવામાંથી બરતરફી પૂરતું નથી. આપણે કાનૂની પ્રક્રિયા દ્વારા સજા સુનિશ્ચિત કરવી જોઈએ.” તેમણે જનતાને અપીલ પણ કરી કે તેઓ લાંચ માંગનારા કોઈપણ અધિકારીની તાત્કાલિક જાણ કરે.

તપાસનો વ્યાપ વધારવામાં આવ્યો છે
પોલીસે નુપુર બોરાના કર્મચારી સુરજીત ડેકાના ઘરે પણ દરોડા પાડ્યા હતા. તપાસકર્તાઓને શંકા છે કે બંનેએ બારપેટામાં જમીનના ઘણા ટુકડા ખરીદવા અને વેચવાનું કાવતરું ઘડ્યું હતું. તેમના બેંક સ્ટેટમેન્ટ અને તમામ જમીન વ્યવહારોની હવે તપાસ કરવામાં આવી રહી છે.