ખંડણીખોર ટિકટોક સ્ટાર કીર્તિ પટેલ પર સુરતની લસકાણા પોલીસે ગુનો દાખલ કર્યો છે. સોશિયલ મીડિયા અને ચર્ચામાં રહેતી પાસામાં બંધ કિર્તી પટેલને મોટો ઝટકો મળ્યો છે. વધુ એક વેપારીએ કીર્તિ પટેલ સામે ફરિયાદ દાખલ કરી.

ફરિયાદી અલ્પેશ ડોંડાએ કીર્તિ પટેલ વિરુદ્ધ લસકાણા પોલીસ સ્ટેશનમાં ફરિયાદ નોંધાવી છે. સુરત શહેરની કુખ્યાત ટિકટોક સ્ટાર કીર્તિ પટેલ ઉપર વધુ એક ગુનો દાખલ થયો છે. કીર્તિ પટેલ પર મારામારી, હત્યાનો પ્રયાસ, ખંડણી અને સોશિયલ મીડિયા પર લોકોને બદનામ કરવા જેવી અનેક ફરિયાદો થઈ છે. ત્યારે અલ્પેસ ડોંડાએ કીર્તિ પટેલ સામે ફરિયાદ કરી છે.

અલ્પેશ ડોંડાએ કહ્યું કે, મિત્રો સાથે હું ઈન્સ્ટાગ્રામ કોલ પર હતો. ત્યારે એક મિત્રએ કોલ પર કીર્તિ પટેલ વિશે એલફેલ બોલ્યો હતો. તેના બાદ કીર્તિ પટેલે મને કોલ કરીને બિભત્સ ભાષામાં ઘમકીઓ આપવા લાગી હતી અને મારી પત્ની વિશે પણ અભદ્ર ભાષાનો ઉપયોગ કરીને ધમકીઓ આપી હતી. સમગ્ર ઘટના ગત નવેમ્બર મહિનામાં બની હતી.

ઉલ્લેખનીય છે કે, ગુજરાતમાં કીર્તિ પટેલ સામે નોંધાયેલો આ 10 મો ગુનો છે. એટલુ જ નહિ, સોશિયલ મીડિયામાં વિવાદિત નિવેદનો-હરકતો કરવામાં પણ બદનામ નામચીન કીર્તિ પટેલની તાજેતરમાં પાસા હેઠળ અટકાયત કરાઈ હતી. હનીટ્રેપ-ખંડણીમાં નામચીન કીર્તિ પટેલ સામે પોલીસે પહેલીવખત પાસાનું શસ્ત્ર ઉગામ્યું હતું નવ ગુનાનો ઈતિહાસ ધરાવતી કીર્તિને વડોદરા જેલ ભેગી કરાઈ હતી. ત્યારે હવે તેની સામે દસમો ગુનો નોંધાયો છે.

ગુનાનો ઇતિહાસ અને ખંડણીખોરીની મોડસ ઓપરેન્ડી
નામચીન કીર્તિ પટેલ સામે સુરત સહિત વિવિધ પોલીસ સ્ટેશનોમાં હવે કુલ 10 ગુના થઈ ગયા છે. તેની મુખ્ય મોડસ ઓપરેન્ડી સોશિયલ મીડિયાનો ઉપયોગ કરીને લોકોને ધમકાવવા અને ખંડણી પડાવવાની છે. કીર્તિ પટેલ સોશિયલ મીડિયાના માધ્યમથી લોકોને ધમકાવતી, બદનામ કરતી અને પછી સમાધાનના બહાને મોટી રકમની માંગણી કરીને રૂપિયા પડાવતી હતી. તેની ગુનાહિત પ્રવૃત્તિઓ માત્ર સુરત પૂરતી સીમિત ન રહેતા અન્ય જિલ્લાઓમાં પણ ફેલાયેલી હતી. વારંવાર ગુના આચરવાની ટેવ અને સમાજની શાંતિ માટે જોખમરૂપ બની જતી પ્રવૃત્તિઓને કારણે કાપોદ્રા પોલીસે કડક પગલાં લેવાનો નિર્ણય કર્યો. એમ.આર. સોલંકીની દેખરેખ હેઠળ આ પાસા પ્રપોઝલ તૈયાર કરવામાં આવ્યો હતો.

સુરત મનપા સંચાલિત સ્મીમેર હોસ્પિટલનો ‘રેઢીયાર વહીવટ’ ફરી એકવાર લોકો સામે ખુલ્લો પડી ગયો છે. બુધવારની સવારથી જ હોસ્પિટલનું સર્વર અચાનક બંધ પડી જતા દૂર–દરાજથી સારવાર માટે આવેલા હજારો દર્દીઓ અને તેમના સગાંઓને ભારે પરેશાની ભોગવવી પડી. બે કલાકથી વધુ સમય સુધી લાંબી કતારમાં ઊભા રહેવાં છતાં ટોકન ન મળતાં દર્દીઓમાં જોરદાર રોષ ફાટી નીકળ્યો અને સમગ્ર હોસ્પિટલ કચેરીમાં અફરાતફરી મચી ગઈ.

દક્ષિણ ગુજરાત માટે આશીર્વાદરૂપ ગણાતી સ્મીમેર હોસ્પિટલમાં OPD ટોકન પ્રક્રિયા સંપૂર્ણ પણે ઠપ્પ થઈ ગઈ હતી. સર્વર ડાઉન થતા બાળકો, વૃદ્ધો અને ગંભીર બીમારીઓથી પીડાતા અનેક લોકો સારવાર માટે અટકી પડ્યા હતા. લોકો બે કલાકથી વધુ સમય સુધી ધુપમાં ઉભા રહ્યા, છતાં સિસ્ટમ શરૂ ન થતા હોસ્પિટલ પ્રશાસન સામે ગુસ્સો છલકાયો.

સ્થાનિક રહેવાસીઓ અને દર્દીઓના સગાંઓએ વહીવટને રેઢીયાર ગણાવીને ઉગ્ર રજૂઆતો કરી. એક દર્દીના સગાએ ગુસ્સે ભરાયેલા સ્વરે કહ્યું, “અમે સવારથી લાઈનમાં ઊભા છીએ, બે કલાક થઈ ગયા પરંતુ સર્વર ચાલુ નથી. દર્દીઓ પીડાઈ રહ્યા છે, ત્યારે જવાબદારી કોણ લેશે?”

પરિસ્થિતિ બગડતાં વહીવટી અધિકારીઓ સ્થળ પર દોડી આવ્યા અને ટેકનિકલ ટીમને બોલાવી સર્વર શરૂ કરવાની કાર્યવાહી હાથ ધરી. પરંતુ અવારનવાર આવતી સર્વર સમસ્યાઓને લઈને મનપાના હોસ્પિટલ વહીવટ પર ગંભીર સવાલો ઊભા થયા છે. એક બાજુ સ્માર્ટ સિટીની વાતો થાય છે, ત્યારે બીજી બાજુ તેના જ હોસ્પિટલમાં ટેકનિકલ તંત્ર જર્જરિત છે.