જર્મન ચાન્સેલર ફ્રેડરિક મેર્ઝ સાથેની વાતચીત બાદ સોમવારે વડા પ્રધાન નરેન્દ્ર મોદીએ સંયુક્ત પત્રકાર પરિષદને સંબોધિત કરી હતી. આ પ્રસંગે બોલતા, પીએમએ કહ્યું કે અમારો દ્વિપક્ષીય વેપાર 50 અબજ ડોલરના આંકને વટાવીને અત્યાર સુધીના ઉચ્ચ સ્તરે પહોંચ્યો છે. 2,000 થી વધુ જર્મન કંપનીઓ લાંબા સમયથી ભારતમાં હાજર છે.

આ ભારતમાં તેમના અતૂટ વિશ્વાસ અને તે પ્રદાન કરે છે તે અપાર તકોને પ્રતિબિંબિત કરે છે. આજે સવારે ભારત-જર્મની સીઈઓ ફોરમમાં આ સ્પષ્ટપણે સ્પષ્ટ થયું. ભારત અને જર્મની વચ્ચે ટેકનોલોજી સહયોગ વર્ષ-દર-વર્ષ મજબૂત બન્યો છે, અને તેની અસર જમીન પર સ્પષ્ટપણે દેખાય છે. ભારત અને જર્મની નવીનીકરણીય ઊર્જાના ક્ષેત્રમાં સામાન્ય પ્રાથમિકતાઓ શેર કરે છે.

આ સહયોગને વધુ વધારવા માટે, અમે ભારત-જર્મની સેન્ટર ઓફ એક્સેલન્સ સ્થાપિત કરવાનું નક્કી કર્યું છે. આ જ્ઞાન, ટેકનોલોજી અને નવીનતા માટે એક સામાન્ય પ્લેટફોર્મ તરીકે સેવા આપશે.

વડાપ્રધાન નરેન્દ્ર મોદીએ કહ્યું, ભારત-જર્મની મિત્રતા મજબૂત
વડાપ્રધાન નરેન્દ્ર મોદીએ કહ્યું, “અમે આબોહવા, ઉર્જા, શહેરી વિકાસ અને શહેરી ગતિશીલતા જેવા ક્ષેત્રોમાં નવા પ્રોજેક્ટ્સ પર સાથે મળીને કામ કરી રહ્યા છીએ. બંને દેશોની કંપનીઓ દ્વારા ગ્રીન હાઇડ્રોજનમાં એક નવો મેગા-પ્રોજેક્ટ ભવિષ્યની ઉર્જા માટે ગેમ-ચેન્જર સાબિત થશે. ભારત અને જર્મની સુરક્ષિત, વિશ્વસનીય અને મજબૂત સપ્લાય ચેઇન બનાવવા માટે સાથે મળીને કામ કરી રહ્યા છે.

આ બધા વિષયો પર આજે હસ્તાક્ષર કરાયેલા એમઓયુ આપણા સહયોગને નવી ગતિ અને શક્તિ આપશે. સંરક્ષણ અને સુરક્ષામાં વધતો સહયોગ આપણા પરસ્પર વિશ્વાસ અને સહિયારા દ્રષ્ટિકોણનું પ્રતીક છે. સંરક્ષણ વેપાર પ્રાથમિકતાઓને સરળ બનાવવા બદલ હું ચાન્સેલર મેર્ઝનો હૃદયપૂર્વક આભાર વ્યક્ત કરું છું. અમે સંરક્ષણ ઉદ્યોગો વચ્ચે સહયોગ વધારવા માટે એક રોડમેપ પર પણ કામ કરીશું.”

તાજેતરમાં પશ્ચિમ બંગાળમાં એન્ફોર્સમેન્ટ ડિરેક્ટોરેટ (ED)ના દરોડા દરમિયાન હાઈ વોલ્ટેજ પોલિટીકલ ડ્રામા સર્જાયો હતો. કોલકાતામાં પોલિટિકલ કન્સલ્ટન્સી ફર્મ ઇન્ડિયન પોલિટિકલ એક્શન કમિટી (I-PAC) ની ઓફીસ અને કંપનીના ડિરેક્ટર પ્રતીક જૈનના નિવાસસ્થાન પર દરોડા દરમિયાન મુખ્ય પ્રધાન મમતા બેનર્જીએ હોબાળો મચાવ્યો હતો અને સુત્રોચ્ચાર કર્યા હતાં. હવે ED આ મામલે સુપ્રીમ કોર્ટ પહોંચી છે.

ED એ પશ્ચિમ બંગાળ સરકાર, મુખ્ય પ્રધાન મમતા બેનર્જી, રાજ્યના DGP રાજીવ કુમાર અને કોલકાતા પોલીસ કમિશનર મનોજ વર્મા વિરુદ્ધ CrPC ની કલમ 32 હેઠળ અરજી દાખલ કરી છે.

ED એ લગાવ્યા ગંભીર આરોપ:
ED એ આરોપ લગાવ્યો કે 8 જાન્યુઆરી, 2026 ના રોજ કાયદેસરના સર્ચ ઓપરેશન દરમિયાન ઇરાદાપૂર્વક વિઘ્ન ઉભું કરવામાં આવ્યું હતું, જેને કારણે તપાસ કરવામાં તકલીફ ઉભી થઇ હતી. EDએ પુરાવાનો નાશ કરવા અને પુરાવા સાથે છેડછાડ કરવામાંનો પણ આરોપ પણ લગાવ્યો.

ED એ સુપ્રીમ કોર્ટને જણાવ્યું બેનર્જી 100 થી વધુ પોલીસ અધિકારીઓ સાથે પ્રતીક જૈનના નિવાસસ્થાને પહોંચ્યા હતા અને સર્ચ ઓપરેશન દરમિયાન ED અધિકારીઓને રોકવાનો પ્રયાસ કર્યો હતો. ED દ્વારા જપ્ત કરવામાં આવેલા લેપટોપ, મોબાઇલ ફોન અને દસ્તાવેજો બળજબરીથી છીનવી લેવામાં આવ્યા હતા અને પુરાવા બે કલાક સુધી પોલીસ કસ્ટડીમાં રાખવામાં આવ્યા હતા

આ મામલે થઇ રહી છે તપાસ:
ED એ તેની ફરિયાદમાં જણાવ્યું હતું કે પ્રિવેન્શન ઓફ મની લોન્ડરિંગ એક્ટ (PMLA) ની કલમ 17 હેઠળ કોલકાતાના પાર્ક સ્ટ્રીટ પર પ્રતીક જૈનના નિવાસસ્થાન અને બિધાનનગરના સેક્ટર V માં ઇન્ડિયન પોલિટિકલ એક્શન કમિટી કન્સલ્ટિંગ પ્રાઇવેટ લિમિટેડ (IPAC) ની ઓફિસ પર દરોડા પાડવામાં આવ્યા હતાં.

કોલસાની કથિત દાણચોરી અને મની લોન્ડરિંગ સાથે જીડાયેલા ₹2,742.32 કરોડના કૌભાંડ અંગે તપાસ કરવામાં આવી રહી છે. EDના જણાવ્યા મુજબ ₹20 કરોડથી વધુ રકમ હવાલા ચેનલો મારફતે IPAC ને મળી હતી.

શહેરના મેમકો બ્રિજ નીચે આવેલા અંબિકા એસ્ટેટમાં આજે બપોરના સમયે એક લાકડાના ગોડાઉનમાં અચાનક ભીષણ આગ ફાટી નીકળતા સમગ્ર વિસ્તારમાં અફરાતફરી મચી ગઈ હતી. આ દુર્ઘટનામાં ગોડાઉનમાં હાજર બે વ્યક્તિઓ ગંભીર રીતે ઈજાગ્રસ્ત થયા હોવાના અહેવાલ છે.

ઘટનાની વિગત અને ફાયર વિભાગની કામગીરી
અમદાવાદ ચીફ ફાયર ઓફિસરે આ અંગે માહિતી આપતા જણાવ્યું હતું કે, “અમને અંબિકા એસ્ટેટની એક ત્રણ માળની ઇમારતમાં આગ લાગી હોવાનો ઇમરજન્સી કોલ મળ્યો હતો. આગની ગંભીરતાને ધ્યાને રાખીને ફાયર બ્રિગેડની ૧૦ ગાડીઓ તાત્કાલિક ઘટનાસ્થળે રવાના કરવામાં આવી હતી. ગોડાઉનમાં લાકડાનો જથ્થો હોવાને કારણે આગે ઝડપથી વિકરાળ સ્વરૂપ ધારણ કર્યું હતું. ફાયર ફાઇટરોની ભારે જહેમત બાદ હાલ આગ પર સંપૂર્ણ કાબૂ મેળવી લેવામાં આવ્યો છે.”

ગોડાઉન સંચાલકનું નિવેદન
ગોડાઉન સંચાલકે આ અંગે વિગતો આપતા જણાવ્યું હતું કે, તેઓ છેલ્લા પાંચ વર્ષથી આ એકમ ભાડે રાખીને ચલાવે છે. અંબિકા એસ્ટેટ અંદાજે ૪૦ વર્ષ જૂનું છે. બ્રિજેશ મહેતાએ વધુમાં ઉમેર્યું હતું કે, “હું બે દિવસ પહેલા મારા એસ્ટેટના કામ અર્થે દિલ્હીના સહરાનપુર ગયો હતો. મારા કામના સિલસિલામાં બે વ્યક્તિઓ શનિવારે જ અમદાવાદ આવ્યા હતા. બપોરના સમયે જ્યારે તેઓ ગોડાઉનમાં આરામ કરી રહ્યા હતા, ત્યારે જ આગ લાગવાની આ દુર્ઘટના ઘટી હતી.”

ઈજાગ્રસ્તોની સ્થિતિ
આગ લાગતા જ ગોડાઉનમાં રહેલા બંને વ્યક્તિઓ તેની ઝપેટમાં આવી ગયા હતા અને ગંભીર રીતે દાઝી ગયા હતા. તેમને તાત્કાલિક હોસ્પિટલ ખસેડવામાં આવ્યા છે. હાલમાં આગ લાગવાનું પ્રાથમિક કારણ શોર્ટ સર્કિટ હોવાનું અનુમાન લગાવવામાં આવી રહ્યું છે, જોકે એફએસએલ (FSL) ની તપાસ બાદ જ સાચું કારણ જાણી શકાશે.

આગામી 20-30 વર્ષોમાં ભારત વિશ્વ ગુરુ બનશે અને એક હિન્દુ રાષ્ટ્ર બનશે, એમ રાષ્ટ્રીય સ્વયંસેવક સંઘ (આરએસએસ) સરસંઘચાલક મોહન ભાગવતે જણાવ્યું હતું. મોહન ભાગવતે વૃંદાવનમાં સુદામા કુટી આશ્રમ દ્ધારા રામાનંદી સંપ્રદાયના સ્થાપક રામાનંદાચાર્યની 726મી જન્મજયંતિ અને સુદામા કુટીના સ્થાપક સંત સુદામા દાસના વૃંદાવનમાં આગમનની શતાબ્દી નિમિત્તે આયોજિત એક કાર્યક્રમમાં આ નિવેદન આપ્યું હતું.

તેમણે હિન્દુઓમાં વિભાજન સામે પણ ચેતવણી આપી હતી. તેમણે કહ્યું હતું કે હિન્દુઓમાં વિભાજનના કારણે જ પરાજય થાય છે. ભારતની ભક્તિ પરંપરાનો ઉલ્લેખ કરતા મોહન ભાગવતે કહ્યું હતું કે ભારતમાં ભક્તિમાંથી પ્રાપ્ત અમૃતની શક્તિ છે અને રાક્ષસો અને રાજાઓની શક્તિઓ તેને નુકસાન પહોંચાડી શકતી નથી. તૈયારીના અભાવે સમસ્યાઓ ઊભી થાય છે.

મોહન ભાગવતે વધુમાં કહ્યું હતું કે, “હિન્દુઓ ક્યારેય દુશ્મનની બહાદુરી, વીરતા અથવા શક્તિને કારણે હાર્યા નથી. જ્યારે પણ તેઓ હાર્યા છે, ત્યારે તે ફક્ત આંતરિક વિખવાદને કારણે હાર્યા છે, પરંતુ તે ચિંતા કરવાની કોઈ વાત નથી. આપણે ચારથી પાંચસો વર્ષ સુધી મુઘલોના અત્યાચાર સહન કર્યા છે. છતાં સનાતન ધર્મ નબળો પડ્યો નથી. બધી તકલીફો સહન કરવા છતાં તે ફરીથી મજબૂત બનીને ઉભરી આવ્યો છે.

ભાગવતે કહ્યું હતું કે, “એટલા માટે જ હું કહું છું કે આગામી વીસથી ત્રીસ વર્ષોમાં ભારત એક વિશ્વ ગુરુ બનીને સુખ-શાંતિથી જીવન જીવનારો રાષ્ટ્ર બનશે, હિન્દુ રાષ્ટ્ર બનીને ઉભરશે. ભારતનો જન્મ આ જ કારણસર થયો હતો અને આ હેતુ આપણી સમક્ષ હાજર છે. આપણે તેની તૈયારી કરવામાં થોડા મોડા પડ્યા છીએ. આપણે તેના માટે એક થવું જોઈએ.”

ભાગવતે કહ્યું હતું કે આપણી વિરુદ્ધ કામ કરતી આ શક્તિઓ આપણને નુકસાન પહોંચાડી શકતી નથી. જોકે, તેમણે તૈયારીના અભાવ તરફ પણ ધ્યાન દોર્યું હતું કે આપણે જે રીતે તૈયારી કરવી જોઈએ તે રીતે તૈયારી કરી નથી.
ઇતિહાસનો ઉલ્લેખ કરતા આરએસએસના વડાએ કહ્યું હતું કે આપણે આક્રમણકારો અને સુલતાનોના જુલમ વચ્ચે બલિદાન દ્વારા આપણી શક્તિ જાળવી રાખી છે. આ શક્તિ ભક્તિમાંથી પ્રાપ્ત થાય છે અને તે હંમેશા કાર્ય કરે છે.

સામાજિક એકતા પર ભાર મૂકતા મોહન ભાગવતે એમ પણ કહ્યું કે હિન્દુ સમાજ વિભાજનને કારણે પરાજિત થાય છે. શક્તિ નબળાઓ પર જુલમ કરે છે. તે નબળાઓ પર વધુ જુલમ કરે છે. જ્યારે શક્તિ હોય છે ત્યારે તે સમગ્ર વિશ્વ પર જુલમ કરે છે, પરંતુ ભારતનો ઇતિહાસ આવો નથી. આપણી પાસે અમૃતની શક્તિ છે.

આ વર્ષેનો ગુજરાતનો સૌથી મોટો કાઈટ ફેસ્ટીવલ ખાસ આકર્ષણનું કેન્દ્ર બન્યો. આ વર્ષે આ આંતરરાષ્ટીય કાઈટ ફેસ્ટીવલનો વડાપ્રધાન મોદી અને અમદાવાદના મહેમાન બનેલા જર્મન ચાન્સેલર ફ્રેડરીક મેઝએ શુભારંભ કરાવ્યો છે. આ તકે વડાપ્રધાન મોદી પણ પતંગબાજ બન્યા અને તેમણે પણ જર્મન ચાન્સેલર સાથે પતંગ ચગાવ્યો હતો.

વડાપ્રધાન મોદી અને જર્મન ચાન્સેલર ફ્રેડરીક ગળામાં નયનરમ્ય કલાત્મક ડિઝાઈનનો દુપટ્ટો નાખેલો જોવા મળ્યા. જે ખાસ પાટણના પ્રખ્યાત પટોળામાંથી બનાવવામાં આવ્યો છે. જે જર્મન ચાન્સેલરને ભેટ આપવામાં આવ્યો છે. અમદાવાદના પતંગ મહોત્સવને જોઈને જર્મન ચાન્સેલર ઘણા ઉત્સાહિત જણાયા હતા.

અમદાવાદમાં પરંપરા, સંસ્કૃતિ અને વૈશ્વિક મિત્રતાનું અનોખું સંગમ જોવા મળ્યું છે. સાબરમતી રિવરફ્રન્ટ પર આયોજિત ઈન્ટરનેશનલ કાઈટ ફેસ્ટિવલનો ભવ્ય પ્રારંભ થઈ ગયો છે. ખાસ વાત એ છે કે આ આંતરરાષ્ટ્રીય પતંગ મહોત્સવમાં દેશના વડાપ્રધાન નરેન્દ્ર મોદી તેમજ જર્મનીના ચાન્સેલરે પોતાની ઉપસ્થિતિ આપી હતી. જેના કારણે આ ઉત્સવને વૈશ્વિક ઓળખ મળી છે.

રિવરફ્રન્ટ પર યોજાનારા આ પતંગ મહોત્સવમાં દુનિયાભરના પતંગબાજોએ ભાગ લીધો છે. કુલ 50 દેશોમાંથી 135 આંતરરાષ્ટ્રીય પતંગબાજો અમદાવાદ પહોંચ્યા છે, જ્યારે દેશના 13 રાજ્યોમાંથી 65 પતંગબાજો પણ ઉત્સવમાં સામેલ થયા છે. આ સાથે જ ગુજરાતના 16 જિલ્લાઓમાંથી 871 પતંગરસિયાઓ આ રંગીન મહોત્સવમાં ભાગ લઈ રહ્યા છે.

કલાત્મક ડિઝાઈન અને પરંપરાનું પ્રતિબિંબ
ઈન્ટરનેશનલ કાઈટ ફેસ્ટિવલ દરમિયાન અમદાવાદનું આકાશ દેશી-વિદેશી રંગબેરંગી અને અનોખા આકારના પતંગોથી શોભી ઉઠ્યું. પતંગોમાં વિવિધ સંસ્કૃતિઓ, કલાત્મક ડિઝાઈન અને પરંપરાનું પ્રતિબિંબ જોવા મળ્યું છે. આ મહોત્સવ માત્ર મનોરંજન પૂરતો નથી, પરંતુ ગુજરાતની સંસ્કૃતિ અને આત્મિયતાને વૈશ્વિક મંચ પર રજૂ કરવાની મહત્વની તક પણ છે.