રાજ્યની વિવિધ મહાનગરપાલિકાઓમાં નવા પદાધિકારીઓની જાહેરાત બાદ સૌથી વધુ ચર્ચા સુરત મહાનગરપાલિકાને લઈને જોવા મળી હતી. ચૂંટણી પરિણામોને લગભગ એક મહિનો પૂર્ણ થયા બાદ ભાજપ દ્વારા મનપાના નવા હોદ્દેદારોની વરણી પ્રક્રિયા શરૂ કરવામાં આવી હતી. 26 મેના રોજ રાજ્યની આઠ મહાનગરપાલિકાઓમાં પદાધિકારીઓના નામ જાહેર કરવામાં આવ્યા હતા, જ્યારે આજે વડોદરા, રાજકોટ, ભાવનગર, સુરેન્દ્રનગર, વાપી અને આણંદ-કરમસદ સહિતના વિસ્તારોમાં પણ નવી ટીમની જાહેરાત થઈ ગઈ હતી.
જોકે સમગ્ર રાજ્યની નજર સુરત મનપા પર ટકેલી હતી. કારણ કે અન્ય તમામ મનપાઓની સરખામણીએ સુરતમાં પદાધિકારીઓના નામ જાહેર કરવામાં ભારે મોડું થયું હતું. ભાજપના આંતરિક સમીકરણો અને અલગ-અલગ જૂથો વચ્ચે ચાલી રહેલી ચર્ચાઓને કારણે લગભગ ત્રણ કલાક સુધી નામોની સત્તાવાર જાહેરાત અટકી રહી હતી.
આ તરફ અંતે બપોરે સુરત મહાનગરપાલિકાના નવા હોદ્દેદારોના નામ જાહેર કરવામાં આવ્યા હતા. જેમાં મેયર તરીકે માયાબેન માવાણી, ડેપ્યુટી મેયર તરીકે સુધાકર ચૌધરી, સ્ટેન્ડિંગ કમિટીના ચેરમેન તરીકે રાજન પટેલ, શાસક પક્ષના નેતા તરીકે અલ્પા મહેતા અને દંડક તરીકે ઊર્મિલા ત્રિપાઠીની પસંદગી કરવામાં આવી છે.
સુરેન્દ્રનગર મહાનગરપાલિકાના પદાધિકારીઓ જાહેર
- મેયર-રાકેશભાઈ રાઠોડ
- ડેપ્યુટી મેયર-સ્મિતાબેન રાવલ
- સ્ટેન્ડિંગ ચેરમેન-નીખિલભાઈ ચાંપાનેરી
- દંડક- સ્વાતિબેન માંડલિયા
- શાસક પક્ષના નેતા પિન્ટુબેન અસાણીયા
ભાવનગર મનપાના નવા પદાધિકારીઓ જાહેર
- મેયર : ઉષાબેન તલરેજા
- ડેપ્યુટી મેયર: અશોક બારૈયા
- સ્ટેન્ડિંગ કમિટીના ચેરમેન: કિશન મહેતા
- શાસક પક્ષના નેતા : લાલભા મનુભા વાળા
- દંડક: રિંકુબેન માંગુકિયા
વડોદરા કોર્પોરેશનના નવા પદાધિકારીઓના નામ ભાજપે જાહેર કર્યા
- મેયર – ગીતા મકવાણા
- ડે. મેયર – આદિત્ય પટેલ
- સ્ટેન્ડિંગ ચેરમેન – વર્ષાબહેન વ્યાસ
- દંડક – વિજય ચૌહાણ
- શાસક પક્ષના નેતા – શ્વેતા માછી
રાજકોટમાં મેયર સહિતના પદાધિકારીઓના નામ જાહેર
- મેયર : નેહલ શુક્લ
- સ્ટેન્ડિંગ ચેરમેન : પરેશ પીપળીયા
- ડે.મેયર: દક્ષાબેન વસાણી
