ધરમપુર વિસ્તારમાં સતત પડી રહેલા અતિભારે વરસાદના કારણે વિલ્સન હિલ જતાં માર્ગ પર ભૂસ્ખલનની ઘટના સર્જાઈ છે, જેના કારણે માર્ગનો એક ભાગ ધસી ગયો છે. ઘટનાની જાણ થતાં અધિકારીઓ સ્થળ પર પહોંચ્યા હતા અને પરિસ્થિતિનું નિરીક્ષણ કર્યું હતું.
અધિકારીઓએ માર્ગની વહેલી તકે મરામત, સુરક્ષા વ્યવસ્થા મજબૂત બનાવવા તેમજ વાહનવ્યવહાર સુરક્ષિત રહે તે માટે સંબંધિત વિભાગોને જરૂરી સૂચનાઓ આપી છે. પ્રશાસને નાગરિકોને અનાવશ્યક મુસાફરી ટાળવા અને વહીવટી તંત્ર દ્વારા આપવામાં આવતી સૂચનાઓનું પાલન કરવાની અપીલ કરી છે. ભારે વરસાદને પગલે આ વિસ્તારમાં સાવચેતી રાખવા પર ભાર મૂકવામાં આવ્યો છે.
