ગુજરાતમાં ચોમાસું આવી ગયાની સત્તાવાર જાહેરાત થઈ ગઈ છે. જોકે, હજી પણ કેટલાક વિસ્તારોમાં વરસાદની રાહ જોવાઈ રહી છે તો બીજી તરફ દક્ષિણ ગુજરાત અને મધ્ય ગુજરાતના કેટલાક વિસ્તારોમાં વરસાદની આગાહી કરાઈ છે. હવામાન વિભાગ દ્વારા આજે ૧૩ જિલ્લા અને કેન્દ્ર શાસિત પ્રદેશોમાં ગાજવીજ સાથે વરસાદની આગાહી કરવામાં આવી છે. તો બીજી તરફ અમદાવાદ, ગાંધીનગર જેવા શહેરોમાં હજી પણ ગરમી પડી રહી છે.
આજે અમદાવાદમાં મહત્તમ તાપમાન ૪૨ ડિગ્રી અને લઘુતમ તાપમાન ૩૦ ડિગ્રીની આસપાસ રહશે. શહેરમાં મેક્સીમમ યુવી ઈન્ડેક્સ ૫ મોડરેટ રહેશે. જ્યારે પવનની ગતિ ૧૭ કિલોમીટર પ્રતિક કલાકની રહેશે. હવામાં ભેજનું પ્રમામે ૬૨ ટકા રહેશે. આકાશમાં ૧૮ ટકા વાદળો છવાયેલા રહેશે. એકંદરે અમદાવાદીઓને આજે ગરમી અને બફારાનો સામનો કરવો પડશે.
હવામાન વિભાગના મોસમ વૈજ્ઞાનિક રામાશ્રય યાદવ પ્રમાણે, આજે છૂટાછવાયા સ્થળો પર ગાજવીજ સાથે હળવા વરસાદની આગાહી છે. આજે અમદાવાદ, છોટાઉદેપુર, સુરત, ડાંગ, નવસારી, વલસાડ, દમણ, દાદરા નગર હવેલી જિલ્લાઓમાં ગાજવીજ સાથે વરસાદનું અનુમાન કરવામાં આવ્યુ છે. હવામાન વિભાગના મેપ પ્રમાણે, આજે સુરેન્દ્રનગર, અમદાવાદ, બોટાદ, અમરેલી, ભાવનગર, દાહોદ, છોટાઉદેપુર, સુરત, તાપી, ડાંગ, નવસારી, વલસાડ, દમણ, દાદરા નગર હવેલીમાં ગાજવીજ સાથે હળવા વરસાદની આગાહી છે.
તો બીજી તરફ IMDએ જણાવ્યું કે, આગામી ૫ દિવસ દરમિયાન ઉત્તરપશ્ચિમ અને પૂર્વ ભારતના ભાગોમાં હીટવેવની સ્થિતિ ચાલુ રહેવાની શક્યતા છે. તો ભારતીય હવામાન વિભાગએ કહ્યું કે ઉપ હિમાલયન પશ્ચિમ બંગાળ, સિક્કિમ, આસામ અને મેઘાલયના કેટલાક સ્થળોએ આગામી ૩ થી ૪ દિવસ દરમિયાન ભારે વરસાદની સંભાવના છે.
આ પણ વાંચો :-