વરસાદ અંગે હવામાન વિભાગે આગાહી કરતા જણાવ્યું છે કે, નવસારીથી આગળ ચોમાસુ વધ્યું નથી. દક્ષિણ પશ્ચિમ રાજસ્થાન ઉપર સક્રીય બનેલ સાયક્લોનિક સરક્યુલેશન અને પ્રિમોન્સુન એક્ટિવિટીના ભાગરૂપે, ૧૭ જિલ્લાના વિવિધ તાલુકામાં હળવો વરસાદ વરસશે. આગામી ૨૦ જૂન સુધી રાજ્યના જુદા જુદા તાલુકા અને જિલ્લામાં વરસાદ વરસવાની આગાહી કરવામાં આવી છે.
દેશમાં ચોમાસાનું આગમન તો થયું પરંતુ હજુ પણ ગરમીનો અનુભવ થઈ રહ્યો છે. જેનું કારણ છે મોન્સૂન બ્રેક. દક્ષિણ ગુજરાતમાં પણ ચોમાસાનું આગમન થઈ તો ગયું પરંતુ હવે તે ધીમું પડી ગયું છે. પહેલા અંદાજ હતો કે સૌરાષ્ટ્રના દરિયાકાંઠના વિસ્તારોમાં પણ વરસાદનું આગમન થશે અને આખા રાજ્યમાં ચોમાસું વરસાદ પડી શકે છે. પરંતુ દક્ષિણ ગુજરાતના રસ્તે રાજ્યમાં પ્રવેશ્યા બાદ ચોમાસું નબળું પડ્યું છે. જેના કારણે લોકોને ફરીથી ગરમીનો સામનો કરવો પડી રહ્યો છે. એમાં પણ છુટો છવાયો વરસાદ આવતા બફારાનું પ્રમાણ વધ્યું છે.
આજે બનાસકાંઠા ,ગાંધીનગર, અમદાવાદ, દાહોદ .છોટાઉદેપુર,નર્મદા ,સુરત, ડાંગ ,નવસારી,વલસાડ, તાપી, દમણ, દાદરા નગર હવેલી ,સુરેન્દ્રનગર, અમરેલી ,ભાવનગર, બોટાદ, હળવાથી લઈને મધ્યમ વરસાદની આગાહી.
AccuWeather.com પ્રમાણે આજે અમદાવાદમાં મહત્તમ તાપમાન ૪૧ ડિગ્રી અને લઘુતમ તપામાન ૩૩ ડિગ્રી રહેશે. મેક્સ યુવી ઇન્ડેક્સ ૫ મોડરેટ રહેશે. પવનની ગતિ ૧૮ કિલોમીટર પ્રતિ કલાકની રહેશે. હવામાં ભેજનું પ્રમાણે ૬૪ ટકા રહેવાથી બફારો અનુભવાશે. આકાશમાં ૧૬ ટકા વાદળો છવાયેલા રહેશે. આમ અમદાવાદમાં આજના દિવસે ઘરની અંદર અને બહાર ભારે બફારો અનુભવાશે.
આ પણ વાંચો :-