દેશની પ્રતિષ્ઠિત IIM અને અન્ય ટોચની બિઝનેસ સ્કૂલોમાં પ્રવેશ માટે લેવામાં આવતી CAT નું પરિણામ જાહેર કરવામાં આવ્યું છે. આ વર્ષે જાહેર થયેલા પરિણામમાં ગુજરાતના વિદ્યાર્થીઓએ રાષ્ટ્રીય સ્તરે ઝળહળતી સફળતા પ્રાપ્ત કરી છે.
દેશભરમાંથી કુલ 12 વિદ્યાર્થીઓએ 100 પર્સેન્ટાઇલ સ્કોર મેળવ્યો છે, જેમાંથી 2 વિદ્યાર્થીઓ ગુજરાતના છે. આ સિદ્ધિએ રાજ્યના શૈક્ષણિક જગતમાં ગૌરવ વધાર્યું છે અને આ તેજસ્વી વિદ્યાર્થીઓ માટે હવે દેશની પ્રીમિયર મેનેજમેન્ટ સંસ્થાઓના દ્વાર ખુલી ગયા છે.
તમને જણાવી દઈએ કે, આ વર્ષે ગુજરાતમાંથી અંદાજે 12 હજાર જેટલા વિદ્યાર્થીઓએ CATની કપરી પરીક્ષા આપી હતી. દેશભરમાં લાખો વિદ્યાર્થીઓ આ પરીક્ષામાં બેસતા હોય છે, જેમાંથી માત્ર મુઠ્ઠીભર વિદ્યાર્થીઓ જ 100 પર્સેન્ટાઇલના શિખર સુધી પહોંચી શકતા હોય છે.
રાજ્યના જે બે વિદ્યાર્થીઓએ આ સિદ્ધિ મેળવી છે, તેમની સખત મહેનત અને વ્યૂહાત્મક તૈયારીને આ સફળતાનો શ્રેય જાય છે. હવે આગામી તબક્કામાં પર્સનલ ઇન્ટરવ્યુ અને ગ્રુપ ડિસ્કશન દ્વારા આ વિદ્યાર્થીઓને વિવિધ IIMમાં પ્રવેશ ફાળવવામાં આવશે.
