યુએસ બોર્ડર પેટ્રોલના જવાનોએ અમેરિકામાં ગેરકાયદે રહેતાં અને કોમર્શિયલ લાયસન્સની મદદથી સેમીટ્રક ચલાવતા 30 ભારતીય ડ્રાઇવરોને ઝડપી લીધા હતા. કેલિફોર્નિયાના એલ સેન્ટ્રો સેક્ટરમાં આવેલાં એક ઇમિગ્રેશન ચેકપોઇન્ટ ઉપર આવતાં તમામ વાહનોના ચેકિંગ દરમ્યાન કુલ 49 ગેરકાયદે રહેતા વસાહતી ડ્રાઇવરો ઝડપાયા હતા એમ યુએસ કસ્ટમ એન્ડ બોર્ડર પ્રોટેક્શન વિભાગે ગત સપ્તાહે બહાર પાડેલાં એક સત્તાવાર નિવેદનમાં કહેવામાં આવ્યું હતું.
23 નવેમ્બરથી 12 ડિસેમ્બર વચ્ચે બોર્ડર પેટ્રોલના જવાનોએ એવા 42 ગેરકાયદે રહેતાં વસાહતીઓને ઝડપી લીધા હતા જેઓ કોમર્સિયલ લાઇસંસ ઉપર સેમિ ટ્રક ચલાવતા હતા. તેઓને વિવિધ ચેકપોઇન્ટ ઉપરથી ઝડપી લેવાયા હતા. જે લોકોની ધરપકડ કરવામાં આવી છે તે પૈકી 30 ભારતીય ડ્રાઇવરો છે, બે અલ-સાલ્વાડોરના વતનીઓ છે, જ્યારે બાકીના ચીન, હૈતી, એરિટેરિયા, હોન્ડુરાસ, મેક્સિકો, રશિયા, સોમાલિયા, તૂર્કિયે અને યુક્રેન જેવા દેશોના નાગરિકો છે. ધરપકડ કરાયેલા ગેરકાયદે ડ્રાઇવરો પાસેથી જે લાઇસંસ મળી આવ્યા છે તેમાં કેલિફોર્નિયા રાજ્ય તરફથી 31 લાઇસંસ ઇસ્યુ કરાયા હતા અને બાકીના આઠ લાઇસંસ ફ્લોરિડા, ઇલિનોઇસ ઇન્ડિયાના, ઓહાયો, મેરિલેન્ડ, મિનેસોટા, ન્યૂજર્સી, ન્યૂયોર્ક, પેન્સિલ્વાનિયા અને વોશિંગ્ટન રાજ્ય તરફથી ઇસ્યુ કરાયા હતા એમ એજન્સીએ તેના નિવેદનમાં કહ્યું હતું.
પકડાયેલા 49માંથી 30 ભારતના હતા અને બે અલ સાલ્વાડોરના હતા અને બાકીનામાં ચીન, એરિટ્રિયા, હૈતી, હોન્ડુરાસ, મેક્સિકો, રશિયા, સોમાલિયા, ટર્કી અને યુક્રેનના હતા. કેલિફોર્નિયાએ 31 કોમર્શિયલ ડ્રાઇવર લાઇસન્સ જારી કર્યા હતા. તેમા આઠ લાઇસન્સ ફ્લોરિડા, ઇલિનોઇસ, ઇન્ડિયાના, ઓહયો, મેરીલેન્ડ, મિન્નેસોટા, ન્યૂજર્સી, ન્યૂયોર્ક, પેન્સિલ્વેનિયા અને વોશિંગ્ટન દ્વારા જારી કરવામાં આવ્યા હોવાનું એજન્સીએ જણાવ્યું હતું.
યુએસ ઇમિગ્રેશન એન્ડ કસ્ટમ્સે અ હોમલેન્ડ સિક્યોરિટીની સાથે મળીને કેલિફોર્નિયામાં ઓન્ટારિયા અને ફોન્ટાના ખાતે સંયુક્ત રીતે મોટાપાયા પર હાથ ધરેલા બે દિવસનું ઓપરેશન 10 અને 11 ડિસેમ્બરના રોજ હાથ ધરવામાં આવ્યુ હતુ. આ બે દિવસમાં કુલ પાંચ ભારતીય અને બે તાજિકિસ્તાનના રહેવાસી પકડાયા હતા. કેલિફોર્નિયામાં ગેરકાયદે વસાહતીઓએ કરેલા ગંભીર ટ્રક અકસ્માતોના પગલે તેમની સામે કાર્યવાહી કરવામાં આવી રહી છે. છેલ્લા કેટલાક દિવસોમાં અમેરિકામાં થયેલા હાઇવે એક્સિડન્ટમાં ટ્રક ચલાવતા ગેરકાયદે ભારતીય વસાહતીઓની સંખ્યા મોટાપાયા પર જોવા મળી છે.
