- ગદર ૨ ની એક્ટ્રેસ સિમરત કૌર તેની પાછલી ફિલ્મોમાં આપવામાં આવેલા ઈન્ટિમેટ સીનને કારણે સોશિયલ મીડિયા પર ભારે ટ્રોલ થઈ રહી છે. હવે અભિનેત્રીએ પોતે આ અંગે પોતાની પ્રતિક્રિયા આપી છે.
Gadar ૨ Actress Simrat Kaur: સની દેઓલ અને અમીષા પટેલ સ્ટારર ગદર ૨ ફિલ્મ ૧૧ ઓગસ્ટના રોજ રિલીઝ થવાની છે એ પહેલા દર્શકોમાં ખૂબ જ ચર્ચામાં છે. આ ફિલ્મના ટ્રેલરની સાથે અત્યાર સુધીમાં ઘણા ગીતો પણ રિલીઝ થઈ ચૂક્યા છે. પણ આ બધા વચ્ચે ગદર ૨ ની અભિનેત્રી સિમરત કૌર તેની પાછલી ફિલ્મોમાં આપવામાં આવેલા ઈન્ટિમેટ સીનને લઈને ચર્ચામાં છે અને લોકો તેને ટ્રોલ કરી રહ્યા છે.
૨૨ વર્ષ બાદ ફરી એકવાર પડદા પર તારા અને સકીનાની જોડી ‘ગદર‘ બનાવવા માટે તૈયાર છે. એક તરફ દરેકને ફિલ્મની યુવા સ્ટાર કાસ્ટ પાસેથી ઘણી આશાઓ છે. બીજી તરફ ગદર ૨ ની અભિનેત્રી સિમરત કૌર તેની પાછલી ફિલ્મોમાં આપવામાં આવેલા ઈન્ટિમેટ સીનને લઈને ચર્ચામાં છે. સિમરત આ મામલે સોશિયલ મીડિયા પર ભારે ટ્રોલ થઈ રહી છે.આવી સ્થિતિમાં હવે અભિનેત્રીએ પોતે આ અંગે પોતાની પ્રતિક્રિયા આપી છે.
અભિનેત્રી સિમરત કૌરે હાલમાં એક ઈન્ટરવ્યુમાં ઈન્ટીમેટ સીન પર ખુલીને વાત કરી હતી. સિમરતે કહ્યું કે, ‘લોકોને હંમેશા જજ કરવાની આદત હોય છે. સાચું કહું તો હું ખૂબ જ લાગણીશીલ અને સંવેદનશીલ વ્યક્તિ છું. જ્યારે હું અભિનેત્રી નહોતી ત્યારે પણ લોકોએ મને જજ કરી હતી અને હવે પણ કરે છે.
લોકો હંમેશા સોશિયલ મીડિયા પર મારા વિશે પોતાના વિચારો વ્યક્ત કરતાં રહે છે અને હું સારી રીતે જાણું છું કે જ્યારે આપણે કોઈ વ્યક્તિ પર ટિપ્પણી કરીએ છીએ. તો તે વ્યક્તિ પર તેની શું અસર થાય છે. આ વસ્તુઓથી આપણે સામેની વ્યક્તિને દુઃખી કરી શકીએ છીએ. એટલા માટે સોશિયલ મીડિયા પર પોતાના વિચારો વ્યક્ત કરતા પહેલા વિચારવું જોઈએ.’
સિમરત કૌરે આગળ કહ્યું, ‘હું આશા નથી રાખતી કે કોઈ મારા વિશેના વિચારો રાતોરાત બદલી નાખે કારણ કે તેઓ કોના વિશે શું વિચારે તે તેમની વિચારસરણી છે. જ્યારે સાચા અર્થમાં આ એક બિઝનેસ છે જે જીવનભર ચાલુ રહેશે. આજે કોઈ વસ્તુ માટે તો કાલે બીજી કોઈ વસ્તુ માટે. મારા માટે અત્યારે સૌથી મોટી વાત ગદર ૨માં કામ કરવાની છે, જે દિવસે આ ફિલ્મ રિલીઝ થશે. લોકોને આપોઆપ મારા વિશે ખબર પડી જશે.આટલું જ નહીં લોકોને ફિલ્મની સાથે મારું પાત્ર પણ ગમશે.
હવે ‘ગદર ૨‘ની રિલીઝને થોડા જ દિવસો બાકી છે.આવી સ્થિતિમાં દર્શકોની ઉત્તેજનાનું સ્તર ખૂબ જ વધી ગયું છે. સકીના અને તારાની પ્રેમ કહાની ક્યાં સુધી પહોંચી છે તે જોવા દરેક લોકો ઉત્સુક છે. ‘ગદર ૨‘ ૧૧ ઓગસ્ટ, ૨૦૨૩ના રોજ રિલીઝ થઈ રહી છે.
આ ફિલ્મમાં તારા અને સકીનાનો પુત્ર ઉત્કર્ષ શર્મા ભજવશે. ઉત્કર્ષે જ પહેલી ફિલ્મમાં તારા-સકીનાના પુત્રની ભૂમિકા ભજવી હતી. ૨૨ વર્ષ પછી પણ માત્ર ઉત્કર્ષ જ તેના પુત્રના રોલમાં જોવા મળશે.
આ પણ વાંચો :-
- સુરતમાં જાહેર રોડ પર વિદ્યાર્થીના બે જૂથ વચ્ચે ધીંગાણું- એક બીજાના કપડા ફાડીને કરી છૂટા હાથની મારામારી
- માત્ર ધો. ૦૭ ભણેલા નટુ પટેલે હોલિવુડની મૂવીને ટક્કર આપે તેવી બાઈક બનાવી
