સીઆઈએસએફ યુનિટ સુરત એરપોર્ટના કમાન્ડન્ટ અને મુખ્ય એરપોર્ટ સુરક્ષા અધિકારી કુમાર અભિષેકને ઇન્ડિયન ઇન્સ્ટિટ્યૂટ ઓફ માસ કોમ્યુનિકેશન એલ્યુમની એસોસિએશન (IIMCAA) દ્વારા ‘IIMCAA એવોર્ડ-૨૦૨૬ ફોર પબ્લિક સર્વિસ’થી સન્માનિત કરાયા હતા.
આ પ્રતિષ્ઠિત સન્માન ૨૮ ફેબ્રુઆરી, ૨૦૨૬ના રોજ નવી દિલ્હીના ચાણક્યપુરી સ્થિત પીએસઓઆઇ ક્લબ ખાતે આયોજિત ૧૪મા વાર્ષિક પૂર્વવિદ્યાર્થી મિલન “કનેક્શન્સ ૨૦૨૬” તથા IIMCAA એવોર્ડ્સના ૧૦મા સંસ્કરણ દરમિયાન અર્પણ કરવામાં આવ્યો હતો. જનસેવા અને સામાજિક જવાબદારીના ક્ષેત્રમાં તેમના ઉત્તમ યોગદાન બદલ તેમને આ પુરસ્કાર એનાયત કરાયો હતો.
કુમાર અભિષેક ઇન્ડિયન ઇન્સ્ટિટ્યૂટ ઓફ માસ કોમ્યુનિકેશન એચજે બેચ (૨૦૦૯-૧૦)ના પૂર્વ વિદ્યાર્થી છે. પોતાના કાર્યકાળ દરમિયાન તેમણે ઉત્તમ નેતૃત્વ, ઊંચી વ્યાવસાયિક ક્ષમતા તથા કર્તવ્યનિષ્ઠાનો શ્રેષ્ઠ દાખલો આપ્યો છે. તેમના નેતૃત્વ હેઠળ CISF યુનિટ સુરત એરપોર્ટ દ્વારા વિમાનન સુરક્ષા મજબૂત બનાવવી, મુસાફરોની સુવિધાઓમાં વધારો કરવો તથા સમુદાય સાથે સહભાગિતાને લગતા અનેક મહત્વપૂર્ણ કાર્યો સફળતાપૂર્વક અમલમાં મૂકવામાં આવ્યા છે.
