ભારતીય જનતા પાર્ટીએ બિહાર વિધાનસભા ચૂંટણી માટે 71 ઉમેદવારોની પ્રથમ યાદી જાહેર કરી છે. એનડીએમાં સીટ શેરિંગ પહેલા જ ફાઇનલ થઇ ગઇ છે અને ભાજપ 101 બેઠકો પર ચૂંટણી લડી રહ્યું છે. હવે ઉમેદવારોની પહેલી યાદી પણ જાહેર થઈ ગઈ છે. ભાજપ બિહાર અધ્યક્ષે પહેલા જ આ વાતનો સંકેત આપી દીધો હતો.
ભાજપે જાહેર કરેલી પ્રથમ યાદીમાં ઘણા મોટા નામો છે. ભાજપે તારાપુરથી ઉપ મુખ્યમંત્રી સમ્રાટ ચૌધરીને ટિકિટ આપી છે. 2021ની પેટાચૂંટણીમાં આ બેઠક જેડી-યુના રાજીવ કુમાર સિંહે જીતી હતી. લખીસરાયથી વિજય સિન્હા, સિવાનથી મંગલ પાંડે અને દાનાપુરથી રામ કૃપાલ યાદવને ટિકિટ આપી છે.
બિહારમાં 243 વિધાનસભા બેઠકો છે અને 6 અને 11 નવેમ્બરે મતદાન થશે. જ્યારે 14 નવેમ્બરે મતગણતરી સાથે તે સ્પષ્ટ થઈ જશે કે બિહારની જનતાએ કોને જનાદેશ આપ્યો છે.
