અમદાવાદ ગ્રામ્ય SOGએ 2.15 કરોડની ચાઈનીઝ દોરી ઝડપી પાડી

અમદાવાદ ગ્રામ્ય SOGને, ઉતરાયણ પર્વે નિર્દોષ વાહનચાલકોના ગળા રહેંસી નાખતી ચાઈનીઝ દોરીના મૂળ સુધી પહોચવામાં સફળતા મળી છે. અમદાવાદ ગ્રામ્ય SOGએ ચાઈનીઝ દોરી ગુજરાતના વિવિધ શહેર અને ખાસ કરીને અમદાવાદ સુધી કેવી રીતે, કોણ લાવે છે તે દીશામાં ઊંડાણપૂર્વકની તપાસ હાથ ધરી હતી. જેના ભાગરૂપે ચાઈનીઝ દોરીનું ઉત્પાદન કરતી ફેકટરીનો અતોપતો મળ્યો હતો. જેના ઉપર દરોડા પાડીને કરોડો રૂપિયાની ચાઈનીઝ દોરીનો જથ્થો ઝડપી પાડયો છે.