હિન્દી સિનેમાના પ્રખ્યાત અભિનેતા મનોજ કુમારે તાજેતરમાં આ દુનિયાને અલવિદા કહ્યું. મનોજ કુમારનું નિધન માત્ર હિન્દી સિનેમા માટે જ નહીં પરંતુ દક્ષિણ સિનેમા અને તમામ સિનેમા પ્રેમીઓ માટે પણ એક મોટી ખોટ છે. આ પીઢ અભિનેતાના નિધનના શોકમાંથી હજી ચાહકો બહાર આવ્યા ન હતા ત્યાં વધુ એક દુઃખદ સમાચાર આવ્યા છે. પ્રખ્યાત કન્નડ સિનેમા અભિનેતા અને હાસ્ય કલાકાર બેંક જનાર્દનનું નિધન થયું છે. રવિવારે અભિનેતાએ અંતિમ શ્વાસ લીધા.
બેંક જનાર્દનનનું 77 વર્ષની વયે અવસાન
દાયકાઓથી પોતાના અભિનય અને હાસ્યથી દર્શકોનું મનોરંજન કરતા કન્નડ અભિનેતા બેંક જનાર્દનનું રવિવારે 77 વર્ષની વયે બેંગલુરુમાં અવસાન થયું. બેંક જનાર્દન ઉંમર સંબંધિત સમસ્યાઓથી પીડાતા હતા. તેઓ લાંબા સમયથી બીમાર હતા, જેના કારણે તેમને બેંગલુરુની મણિપાલ હોસ્પિટલમાં દાખલ કરવામાં આવ્યા હતા, પરંતુ તેમની તબિયતમાં કોઈ સુધારો થયો ન હતો. ફિલ્મ ઉદ્યોગની ઘણી હસ્તીઓ, ભૂતપૂર્વ મુખ્યમંત્રીઓ અને અન્ય ઘણા લોકોએ બેંક જનાર્દનના નિધન પર શોક વ્યક્ત કર્યો છે.
2023 માં હાર્ટ એટેક આવ્યો
બેંક જનાર્દનને 2023 માં હૃદયરોગનો હુમલો આવ્યો હતો, ત્યારબાદ તેમને સ્વાસ્થ્ય સમસ્યાઓ થવા લાગી. તે સમયે અભિનેતા સ્વસ્થ થઈ ગયા, પરંતુ પછી ધીમે ધીમે તેમની તબિયત બગડવા લાગી. છેલ્લા કેટલાક દિવસોમાં તેમની તબિયત બગડી હતી, જેના કારણે તેમને હોસ્પિટલમાં દાખલ કરવામાં આવ્યા હતા.
500થી વધુ ફિલ્મોમાં કર્યું કામ અભિનેતાએ તેમની ચાર દાયકાથી વધુના કારકિર્દીમાં 500થી વધુ ફિલ્મો અને શોમાં અભિનય કર્યો. તેમને તેમના કૉમિક રોલ માટે ઓળખવામાં આવતા હતા. અભિનેતાએ તેમની કારકિર્દીની શરૂઆત થિયેટરથી કરી. તેમને ‘બેંક જનાર્દન’નો ઉપનામ પણ મળ્યો, કારણ કે તેમણે થોડા સમય માટે બેંકમાં પણ કામ કર્યું હતું. જનાર્દનની કેટલીક સૌથી શાનદાર ફિલ્મોમાં શાહ, તરલે નાન મગા, બેલિયપ્પા બંગરપ્પા, જી બૂમ્બા, ગણેશ સુબ્રમણ્ય અને કૌરવ સામેલ છે. તેમણે જોકલી, રોબો ફેમિલી, પાપા પાંડુ અને મંગલ્યા સહિત અનેક ટેલિવિઝન શોમાં પણ કામ કર્યું છે.
