સુરતમાં ACBનો ટ્રેપ: સિટી સર્વે કચેરીનો શિરેસ્તેદાર ₹3,000ની લાંચ લેતા ઝડપાયો

સુરત ગ્રામ્ય ACB ટીમે ઓલપાડ ખાતે સિટી સર્વે સુપ્રિટેન્ડન્ટ ચેમ્બરની બહાર ટ્રેપ ગોઠવી ભ્રષ્ટાચાર સામે કાર્યવાહી હાથ ધરી હતી. આ દરમિયાન ઓલપાડ સિટી સર્વે કચેરીમાં ફરજ બજાવતા શિરેસ્તેદાર નિલેશ બાલુભાઈ પાંડવને રૂ. 3,000ની લાંચ લેતા રંગેહાથ ઝડપી પાડવામાં આવ્યા હતા. તપાસમાં સામે આવ્યું છે કે તેઓ મિલકતોના પ્રોપર્ટી કાર્ડમાં નામ દાખલ કરવા માટે એક અરજી દીઠ રૂ. 1,000ની લાંચ માંગતા હતા અને ત્રણ અરજીઓ માટે કુલ રૂ. 3,000 સ્વીકારતા હતા. ACBએ આરોપીની ધરપકડ કરી વધુ તપાસ હાથ ધરી છે.