ચીનમાં સોમવારે મોડી રાત્રે કિર્ગિસ્તાન અને શિનજિયાંગ વચ્ચેના સરહદી વિસ્તારમાં ૭.૦૨ તીવ્રતાનો ભૂકંપ આવ્યો હતો. ભૂકંપની તીવ્રતા રિક્ટર સ્કેલ પર ૭.૦૨ માપવામાં આવી હતી. નેશનલ સેન્ટર ફોર સિસ્મોલોજી અનુસાર, ભૂકંપનું કેન્દ્ર ચીનના દક્ષિણ શિનજિયાંગ વિસ્તારમાં ૮૦ કિલોમીટરની ઊંડાઈએ હતું.
નેશનલ સેન્ટર ફોર સીસ્મોલોજીએ જણાવ્યું, “ચીનના દક્ષિણ ઝિંજિયાંગમાં ભૂકંપનું કેન્દ્ર રહ્યું હતું. ભૂકંપની તીવ્રતા ૭.૦૨ રહી હતી. લેટીટ્યૂડ ૪૦.૯૬ અને લંબાઇ ૭૮.૩૦, ઊંડાઇ ૮૦ કિમી રહી હતી.”
ચીનની સરકારી ન્યૂઝ એજન્સીએ જણાવ્યુ કે મંગળવાર સવારે ચીનના પશ્ચિમી શિનજિયાંગ વિસ્તારમાં એક અંતરિયાળ ભાગમાં ૭.૧ તીવ્રતાનો ભૂકંપ આવ્યો હતો. સ્થાનિક સમય અનુસાર રાત્રે બે વાગ્યા પછી અક્સૂ પ્રાન્તમાં વુશૂ કાઉન્ટીમાં ભૂકંપના ઝટકા અનુભવાયા હતા. ભૂકંપ પછી કેટલીક વખત ઝટકા અનુભવાયા હતા. રિક્ટર સ્કેલ પર તેની તીવ્રતા ૪.૫ માપવામાં આવી હતી.
આ પણ વાંચો :-