વડોદરામાં સ્માર્ટ મીટર લગાવતા ઘરમાં બે પંખા અને બે લાઈટનું રૂપિયા ૧૩ લાખનું બિલ આવ્યુ છે. જેમાં શહેરમાં ફરી એકવાર સ્માર્ટ મીટરમાં લાખો રૂપિયાનું બિલ આવતા પરિવાર ચિંતામાં મુકાયો છે. જેતલપુરમાં ડ્રાઇવરને ૧૩ લાખનું બિલ આવ્યું છે. તેમાં ઇબ્રાહિમ પઠાણના ઘરમાં બે પંખા અને બે લાઈટ છે. ત્યારે ગ્રાહકે MGVCLને રજૂઆત કરતા ભૂલ સુધારી આપી છે. આ ઇબ્રાહિમ પઠાણ નામના ડ્રાઇવરના ઘરમાં માત્રા બે પંખા અને બે લાઈટ જ છે. આટલા ઓછા વીજ ઉપકરણો હોવા છતાં પણ ૧૩ લાખનું બિલ આવતા વીજ કંપનીમાં રજૂઆત કરી હતી.
MGVCLને રજુઆત કરતા બિલ સુધારી દીધું હોવાનું ગ્રાહકે સ્વીકાર્યું હતું. અરજી કર્યાં બાદ બિલમાં સુધારો કરીને ૨૪૮.૭૩ રૂપિયા કરી દેવાયું છે. આ પહેલા પણ આવી જ એક ઘટના સામે આવી હતી. જેમાં સુભાનપુરાના ગ્રાહકનું પણ વપરાશ કરતા વધુ બિલ આવ્યું હતુ. અહીં પણ ૯ લાખું બિલ આવ્યું હતું. આ બિલમાં MGVCL દ્વારા ટેક્સ્ટ એરર બતાવવા માં આવી હતી, વપરાશ કરતા બિલ વધુ આવવાના કિસ્સા લોકો સ્માર્ટબિલનો સતત વિરોધ કરી રહ્યા છે.
ઉલ્લેખનય છે કે, વડોદરાના ગોરવા વિસ્તારની રિદ્ધિ સિદ્ધિ ફ્લેટમાં સ્માર્ટ મિટર લગાવ્યા પછી ૯.૨૪ લાખનું બિલ આવ્યું હતું. આ જ ફ્લેટનું છેલ્લા ઘણા વખતથી દર બે મહિનાનું બિલ એવરેજ ૧૫૦૦ થી ૨૦૦૦ રૂપિયા આવતું હતું. આવી ઘટનાઓ સામે આવતા સ્માર્ટ મીટર પરથી લોકોનો વિશ્વાસ ઉઠી રહ્યો છે અને લોક આ મીટર લગાવનો જ વિરોધ કરી રહ્યા છે.
આ પણ વાંચો :-