મુખ્ય ચૂંટણી કમિશનર જ્ઞાનેશ કુમાર વિરુદ્ધ વિપક્ષી દળો આજે પણ દિલ્હીમાં વિરોધ પ્રદર્શનના મૂડમાં છે. રાહુલ ગાંધી સહિત અનેક વિપક્ષી સાંસદો બસ મારફતે જંતર-મંતર તરફ આગળ વધી રહ્યા હતા. આ દરમિયાન સ્થળ પર મોટી સંખ્યામાં લોકો હાજર હતા.
આ પહેલાં મંગળવારે પણ વિપક્ષી દળોએ વિરોધ પ્રદર્શન કર્યું હતું. મંગળવારે પોલીસે વિપક્ષી દળોના સાંસદોને સંસદ માર્ગ પર નીતિ આયોગ અને આકાશવાણી ભવનની સામે જ રોકી દીધા હતા. ત્યારબાદ વિપક્ષી સાંસદો રસ્તા પર જ ધરણા પર બેસી ગયા હતા. થોડા સમય બાદ પોલીસે રાહુલ ગાંધી, પ્રિયંકા ગાંધી સહિત અનેક વિપક્ષી સાંસદોને કસ્ટડીમાં લીધા હતા. જોકે, ગઈ રાત્રે તેમને મુક્ત પણ કરી દેવામાં આવ્યા હતા.
જંતર-મંતર તરફ આગળ વધી રહેલી વિપક્ષી સાંસદોની બસને દિલ્હી પોલીસે રોકી દીધી છે. પોલીસ રસ્તો ખાલી કરાવી રહી છે અને રાહુલ ગાંધીને સ્થળ પરથી હટાવવાનો પ્રયાસ કરી રહી છે. પ્રિયંકા ગાંધીને પણ બસમાંથી નીચે ઉતારવામાં આવ્યા છે. પ્રદર્શનકારીઓને કસ્ટડીમાં લેવામાં આવી રહ્યા છે.
વિપક્ષના વિરોધ પ્રદર્શનને ધ્યાનમાં રાખીને જંતર-મંતરની આસપાસ મોટી સંખ્યામાં પોલીસ જવાનો તૈનાત કરવામાં આવ્યા છે. હવે જોવાનું એ રહેશે કે ઈન્ડી ગઠબંધનના નેતાઓ જંતર-મંતર પહોંચીને વિરોધ પ્રદર્શન કરી શકે છે કે નહીં.
યુક્રેનના ડ્રોન હુમલામાં બ્લેક સીના કિનારા નજીક ભારતીય ક્રૂવાળા એક ઓઇલ ટેન્કરમાં આગ લાગી હતી. રશિયન અધિકારીઓના જણાવ્યા અનુસાર, ટેન્કર પર સવાર તમામ 23 ભારતીય ક્રૂ સભ્યોને સુરક્ષિત રીતે બચાવી લેવાયા છે.
મંગળવારે રશિયાના રિસોર્ટ શહેર સોચી નજીક બ્લેક સીમાં ‘અફ્રામેક્સ રિયો’ નામના લાઇબેરિયન ધ્વજવાળા ઓઇલ ટેન્કર પર ડ્રોનથી હુમલો કરવામાં આવ્યો હતો. હુમલા બાદ જહાજમાં ભીષણ આગ ફાટી નીકળી હતી.
Massive fire reported in the Russian Black Sea port city of Sochi this evening.
રશિયાના પરિવહન મંત્રાલયના જણાવ્યા મુજબ, ઘટનામાં કોઈપણ ક્રૂ સભ્યને ઈજા થઈ નથી. ઇમરજન્સી ટીમોએ તાત્કાલિક ઘટનાસ્થળે પહોંચી તમામ 23 લોકોને બચાવી લીધા હતા. જહાજમાંથી કાળા ધુમાડાના ગોટેગોટા અને આગની ઊંચી જ્વાળાઓ જોવા મળી હતી.
સોચીનો બીચ બંધ કરાયો
હુમલા બાદ સોચીના દરિયાકિનારેથી કાળા ધુમાડાનું મોટું ગોટેગોટું જોવા મળ્યું હતું. ઘટનાને પગલે સિરિયસ ફેડરલ ટેરિટરીના અધિકારીઓએ બીચ બંધ કરી દીધો છે. પાણી અને હવાની ગુણવત્તાની પણ તપાસ કરવામાં આવી રહી છે.
સોચીના મેયરે જણાવ્યું કે દરિયાકિનારા અને બીચ સુધી લોકોની અવરજવર પર પ્રતિબંધ મૂકવામાં આવી રહ્યો છે.
માનવરહિત ડ્રોનથી હુમલો
રશિયાના પરિવહન મંત્રાલયે જણાવ્યું કે હુમલો માનવરહિત નૌકાદળના ડ્રોન દ્વારા કરવામાં આવ્યો હતો. બ્લેક સીમાં રશિયા-યુક્રેન સંઘર્ષ વચ્ચે વેપારી જહાજોને નિશાન બનાવવાની ઘટનાઓમાં વધારો જોવા મળી રહ્યો છે.
એક દિવસ અગાઉ પણ ભારતીય ક્રૂવાળા એક જહાજ પર હુમલો થયો હતો. આ હુમલામાં જહાજના કેપ્ટનનું મોત થયું હતું અને આગ લાગ્યા બાદ 11 લોકોને બચાવી લેવાયા હતા. યુક્રેનના રાષ્ટ્રપતિ વોલોદિમીર ઝેલેન્સ્કીએ તે હુમલા માટે રશિયાને જવાબદાર ઠેરવ્યું હતું.
બિહારના સમસ્તીપુરમાં ચાર વર્ષ પહેલા મૃત જાહેર કરાયેલ રવિ શંકર નોઇડામાં જીવતો મળી આવ્યો છે. તેની હત્યાના આરોપમાં ત્રણ લોકો જેલ જઈ ચૂક્યા હતા, જ્યારે એક આરોપીએ કોર્ટમાં આત્મસમર્પણ કર્યું હતું. હવે યુવક જીવતો મળી આવતા પોલીસની જૂની તપાસ પર ગંભીર સવાલો ઊભા થયા છે. ગ્રામજનોએ ફરીથી તપાસની માંગ સાથે રોસડા પોલીસ સ્ટેશનમાં હોબાળો કર્યો હતો.
ચાર વર્ષ પહેલા જે યુવકની હત્યાનો કેસ નોંધાયો હતો અને જેના આધારે ચાર લોકોને આરોપી બનાવવામાં આવ્યા હતા, તે જ રવિ શંકર 4 ઓક્ટોબરે અચાનક નોઇડામાં જીવતો મળી આવ્યો હતો. તે પોતાના ગામથી સેકડો કિલોમીટર દૂર ફળની દુકાનમાં કામ કરતો હતો.
ગામના એક યુવકે તેને જોયો ત્યારે શરૂઆતમાં તેને પોતાની આંખો પર વિશ્વાસ થયો નહોતો. ઓળખ પાક્કી થયા બાદ ગામમાં જાણ કરવામાં આવી. ત્યારબાદ ગ્રામજનો રવિ શંકરને લઈને રોસડા પોલીસ સ્ટેશન પહોંચ્યા અને તેને પોલીસને સોંપ્યો.
ચાર વર્ષ પહેલા નોંધાઈ હતી હત્યાની FIR
આ સમગ્ર મામલો રોસડા પોલીસ સ્ટેશન વિસ્તારના લાલપુર ગામનો છે. 8 ઓગસ્ટ 2022ના રોજ ગામના રહેવાસી મદન યાદવે FIR નોંધાવી હતી. તેમાં ગામના જ સહદેવ પંડિત, મુકેશ પંડિત અને દિનેશ પંડિતને આરોપી બનાવવામાં આવ્યા હતા.
મદને પોલીસને જણાવ્યું હતું કે તેનો દિવ્યાંગ પુત્ર રવિ શંકર સહદેવના ત્યાં કામ કરતો હતો. તે બગીચામાં કામ કરવા ગયો હતો, પરંતુ પરત ફર્યો નહોતો.
આ દરમિયાન મદનને માહિતી મળી હતી કે ટ્રેક્ટર પલટી જવાથી તેના પુત્રનું મોત થયું છે અને આરોપીઓએ મૃતદેહને ઠેકાણે લગાવી દીધો છે. ફરિયાદના આધારે પોલીસે તપાસ કરી અને ઘટનાને સાચી માની ત્રણેય આરોપીઓને ધરપકડ કરીને જેલ મોકલી દીધા હતા. બાદમાં અન્ય એક આરોપીએ કોર્ટમાં આત્મસમર્પણ કર્યું હતું. હાલ તમામ આરોપીઓ જામીન પર બહાર છે.
નોઇડામાં ફળની દુકાન પર અચાનક મળી આવ્યો
ચાર વર્ષ બાદ સમગ્ર ઘટનામાં અણધાર્યો વળાંક આવ્યો. ગામનો આકાશ નામનો યુવક નોઇડામાં એક ફળની દુકાન પર ગયો હતો. ત્યાં કામ કરી રહેલા યુવકને જોઈને તે અચાનક અટકી ગયો. ચહેરો ઓળખીતો લાગતાં તેણે ધ્યાનથી જોયું તો તેને લાગ્યું કે આ તો ચાર વર્ષ પહેલા મૃત માનવામાં આવેલો રવિ શંકર જ છે.
આકાશે પોતાના સાથીઓને જાણ કરી. ત્યારબાદ અન્ય ગ્રામજનો પણ ત્યાં પહોંચ્યા અને યુવકની ઓળખ કરી. તમામે તેને રવિ શંકર તરીકે ઓળખ્યો. રવિ શંકર બોલી શકતો નથી. ગ્રામજનોએ ગામમાં ફોન કરીને પરિવારજનોને જાણ કરી અને ત્યારબાદ તેને સાથે લઈને સમસ્તીપુર પહોંચ્યા.
રવિવારે ગ્રામજનો રવિ શંકરને લઈને રોસડા પોલીસ સ્ટેશન પહોંચ્યા અને તેને પોલીસને સોંપ્યો. ચાર વર્ષથી મૃત માનવામાં આવતા યુવકને જીવતો જોઈ તેના પરિવારજનોમાં ખુશીનો માહોલ છવાઈ ગયો.
બીજી તરફ, હત્યાના કેસમાં જેલ જઈ ચૂકેલા આરોપીઓના પરિવારજનોને પણ રાહત મળી છે. ગ્રામજનોએ સવાલ ઉઠાવ્યો કે જો રવિ શંકર જીવતો હતો તો ચાર વર્ષ પહેલા હત્યાનો કેસ કયા આધારે સાચો માનવામાં આવ્યો અને નિર્દોષ લોકોને જેલમાં કેમ મોકલવામાં આવ્યા?
આ જ મુદ્દે ગ્રામજનોએ પોલીસ સ્ટેશનમાં હોબાળો કર્યો હતો. તેમણે સમગ્ર કેસની ફરી તપાસ કરવાની તેમજ અગાઉ તપાસ કરનારા પોલીસ અધિકારીઓ સામે કાર્યવાહી કરવાની માંગ કરી હતી. પોલીસે લોકોને સમજાવીને શાંત કર્યા અને સમગ્ર મામલે યોગ્ય કાર્યવાહી કરવાની ખાતરી આપી હતી.
હવે ચાર વર્ષ જૂના કેસની ફરી તપાસ થશે
રવિ શંકર જીવતો મળી આવ્યા બાદ સૌથી મોટો સવાલ એ છે કે તે ચાર વર્ષ સુધી ક્યાં હતો અને આ દરમિયાન તેના પરિવારજનોને તેની કોઈ જાણકારી કેમ મળી નહીં.
હવે પોલીસ રવિ શંકરની પૂછપરછ કરીને સમગ્ર ઘટનાની કડીઓ જોડવાનો પ્રયાસ કરશે. સાથે જ વર્ષ 2022માં નોંધાયેલી હત્યાની FIR અને તે સમયે કરવામાં આવેલી પોલીસ તપાસની પણ ફરીથી તપાસ કરવાની જરૂરિયાત ઊભી થઈ છે.
ચાર વર્ષ બાદ મૃત માનવામાં આવેલો યુવક જીવતો મળી આવતા સમગ્ર કેસમાં નવો વળાંક આવ્યો છે અને પોલીસની જૂની તપાસ પણ સવાલોના ઘેરામાં આવી ગઈ છે.
RBI MPC બેઠકના પરિણામોની જાહેરાત કરવામાં આવી છે. રેપો રેટ 5.25 ટકાથી વધારીને 5.50 ટકા કરવામાં આવ્યો છે. તેની તમારી EMI પર શું અસર પડશે, ચાલો વિગતવાર સમજીએ.
ભારતીય રિઝર્વ બેન્કે પોતાની મોનેટરી પોલિસી અંગે મહત્વનો નિર્ણય જાહેર કર્યો છે. મોનેટરી પોલિસી કમિટીએ સર્વસંમતિથી રેપો રેટમાં 25 બેસિસ પોઈન્ટનો વધારો કરવાનો નિર્ણય લીધો છે. RBI ગવર્નર સંજય મલ્હોત્રાએ બુધવારે આ અંગે માહિતી આપી હતી. આ જાહેરાત પર સમગ્ર દેશની નજર હતી, કારણ કે તેની સીધી અસર સામાન્ય માણસના ખિસ્સા પર પડી શકે છે.
રેપો રેટ વધવાથી EMI પર શું અસર પડશે?
RBI દ્વારા રેપો રેટ 5.25 ટકાથી વધારીને 5.50 ટકા કરવામાં આવ્યો છે. એટલે કે તેમાં 0.25 ટકા અથવા 25 બેસિસ પોઈન્ટનો વધારો થયો છે. તેનો સીધો અર્થ એ છે કે બેન્કો માટે ભંડોળ મેળવવું મોંઘું થઈ શકે છે. પરિણામે બેન્કો હોમ લોન સહિતની લોનના વ્યાજદરમાં વધારો કરી શકે છે.
આ ગણતરીને આ રીતે સમજો
જો તમે 8.5 ટકાના વ્યાજ દરે 20 વર્ષ માટે ₹30 લાખની હોમ લોન લીધી છે, તો તમારી હાલની માસિક EMI આશરે ₹26,035 થાય છે. વ્યાજ દરમાં 0.25 ટકાનો વધારો થતાં, એટલે કે વ્યાજ દર 8.75 ટકા થતાં, EMI વધીને આશરે ₹26,511 થઈ શકે છે.
આ રીતે તમારી માસિક EMIમાં લગભગ ₹476નો વધારો થશે. એટલે કે વર્ષમાં આશરે ₹5,712 વધુ ચૂકવવા પડશે. જોકે, કેટલીક વખત બેન્કો EMI વધારવાને બદલે લોનની સમયમર્યાદા વધારી દે છે. આવી સ્થિતિમાં ગ્રાહક પર કુલ વ્યાજનો બોજ વધી શકે છે.
તે જ રીતે, ₹50 લાખની લોન 25 વર્ષ માટે 7.50 ટકાના વ્યાજ દરે લેવામાં આવે તો માસિક EMI આશરે ₹36,950 થાય છે. જો રેપો રેટમાં થયેલો સંપૂર્ણ વધારો બેન્ક ગ્રાહકો સુધી પહોંચાડે અને વ્યાજ દર 7.75 ટકા થઈ જાય, તો EMI આશરે ₹817 વધીને ₹37,767 થઈ શકે છે.
આ સમગ્ર લોનની અવધિ દરમિયાન વધારાનો વ્યાજ ખર્ચ આશરે ₹2.45 લાખ સુધી પહોંચી શકે છે. મોટી લોનમાં આ વધારાનો બોજ વધુ હોઈ શકે છે. બેન્કો કાં તો માસિક EMI વધારી શકે છે અથવા લોનની સમયમર્યાદા વધારી શકે છે. બંને સ્થિતિમાં લોન લેનારને વધુ રકમ ચૂકવવી પડી શકે છે.
મોનેટરી પોલિસી કમિટીનો શું છે અભિગમ?
મોનેટરી પોલિસી કમિટીએ ઓગસ્ટમાં રેપો રેટને 5.25 ટકા પર સ્થિર રાખ્યો હતો. તે સમયે કમિટીએ મોંઘવારીના વલણ અંગે વધુ સ્પષ્ટતા મળવાની રાહ જોવાનો નિર્ણય લીધો હતો. આર્થિક વૃદ્ધિ અને મોંઘવારી વચ્ચે સંતુલન જાળવવા પર ભાર મૂકવામાં આવ્યો હતો.
કમિટીનો તટસ્થ અભિગમ દર્શાવે છે કે RBI આર્થિક સ્થિતિ અને મોંઘવારીના વલણ પર નજીકથી નજર રાખી રહ્યું છે.
રેપો રેટ કેમ મહત્વપૂર્ણ છે?
રેપો રેટ એ વ્યાજ દર છે જેના પર કોમર્શિયલ બેન્કો RBI પાસેથી નાણાં ઉધાર લે છે. આ દરમાં ફેરફાર થવાથી બેન્કો દ્વારા આપવામાં આવતી લોનના વ્યાજ દરો પર સીધી અસર પડી શકે છે.
રેપો રેટમાં વધારા-ઘટાડાથી હોમ લોન, કાર લોન અને અન્ય ગ્રાહક લોન મોંઘી અથવા સસ્તી થઈ શકે છે. તેથી તેની સીધી અસર સામાન્ય લોકો અને ઉદ્યોગો પર પડે છે.
RBI મોંઘવારીને નિયંત્રિત કરવા અને આર્થિક વૃદ્ધિને પ્રોત્સાહન આપવા માટે રેપો રેટનો ઉપયોગ કરે છે.
RBI MPC આ નિર્ણય કયા આધારે લે છે?
RBIની મોનેટરી પોલિસી કમિટીની બેઠકમાં દેશની આર્થિક સ્થિતિ અને ખાસ કરીને મોંઘવારીના દરને ધ્યાનમાં રાખીને નિર્ણય લેવામાં આવે છે.
જો બજારમાં મોંઘવારી ખૂબ વધારે હોય, તો RBI રેપો રેટમાં વધારો કરી શકે છે અથવા તેને ઊંચા સ્તરે જાળવી શકે છે. તેનો હેતુ લોન મોંઘી કરીને ખર્ચ ઘટાડવાનો અને મોંઘવારીને નિયંત્રિત કરવાનો હોય છે.
બીજી તરફ, જ્યારે અર્થવ્યવસ્થાની ગતિ વધારવાની જરૂરિયાત હોય ત્યારે વ્યાજ દરોમાં ઘટાડો કરવામાં આવી શકે છે, જેથી લોન સસ્તી બને અને લોકો તથા ઉદ્યોગો વધુ ખર્ચ અને રોકાણ કરી શકે.
सतर्कता जागरूकता अभियान के अंतर्गत सेन्ट्रल बैंक ऑफ़ इंडिया, क्षेत्रीय कार्यालय, सूरत द्वारा दिनांक 06 अक्टूबर 2026 को पाल लेक गार्डन, सूरत परिसर में पर्यावरण संरक्षण एवं जन-जागरूकता का संदेश प्रसारित करने के उद्देश्य से वृक्षारोपण कार्यक्रम का आयोजन किया गया।
कार्यक्रम का उद्देश्य पर्यावरण संरक्षण के साथ-साथ बैंक के अधिकारियों एवं कर्मचारियों में सामाजिक उत्तरदायित्व, सतर्कता एवं नैतिक मूल्यों के प्रति जागरूकता को बढ़ावा देना था। इस अवसर पर बैंक के अधिकारियों एवं कर्मचारियों द्वारा उत्साहपूर्वक पौधारोपण किया गया तथा पौधों के संरक्षण एवं नियमित देखभाल का संकल्प लिया गया।
कार्यक्रम के माध्यम से क्षेत्रीय प्रमुख श्री निशांत रंजन महोदय द्वारा यह संदेश दिया गया कि सतर्कता केवल वित्तीय एवं प्रशासनिक कार्यप्रणाली तक सीमित नहीं है, बल्कि सामाजिक एवं पर्यावरणीय जिम्मेदारियों के प्रति सजग रहना भी एक जिम्मेदार नागरिक एवं संस्था का दायित्व है।
सेन्ट्रल बैंक ऑफ़ इंडिया, क्षेत्रीय कार्यालय, सूरत द्वारा इस पहल के माध्यम से स्वच्छ, हरित एवं सतर्क समाज के निर्माण में अपनी प्रतिबद्धता व्यक्त की गई। उपस्थित अधिकारियों एवं कर्मचारियों ने पर्यावरण संरक्षण को अपनी दैनिक कार्यशैली एवं सामाजिक दायित्व का अभिन्न हिस्सा बनाने का संकल्प लिया।
यह वृक्षारोपण कार्यक्रम “सत्यनिष्ठा से समृद्धि” के संदेश के साथ पर्यावरण संरक्षण, सामाजिक उत्तरदायित्व एवं सतर्कता की भावना को जन-जन तक पहुँचाने की दिशा में एक सार्थक पहल रहा।
ભારતીય ક્રિકેટર વિરાટ કોહલી અને તેમની પત્ની અનુષ્કા શર્મા વૃંદાવનમાં પ્રેમાનંદ મહારાજના આશ્રમમાં અનેક વખત દર્શન કરી ચૂક્યા છે. બંનેને મહારાજ સાથે વાતચીત કરતા અને સત્સંગમાં ભાગ લેતા પણ જોવા મળ્યા છે.
આ દરમિયાન સોશિયલ મીડિયા પર એક દાવો વાયરલ થયો છે કે વિરાટ કોહલી અને અનુષ્કાને પહેલીવાર પ્રેમાનંદ મહારાજના આશ્રમમાં જવા માટે ₹5 કરોડ આપવામાં આવ્યા હતા. જોકે, આ દાવાને સમર્થન આપતો કોઈ સત્તાવાર પુરાવો સામે આવ્યો નથી અને તેની સ્વતંત્ર પુષ્ટિ પણ થઈ નથી.
અહેવાલો અનુસાર, આ દાવો ‘ફલાહારી મહારાજ’ તરીકે જાણીતા દિનેશ શર્માએ કર્યો હતો. તેઓ શ્રીકૃષ્ણ જન્મભૂમિ સંઘર્ષ ન્યાસના અધ્યક્ષ હોવાનું પણ જણાવવામાં આવે છે.
કથિત રીતે આ અંગે ઉત્તર પ્રદેશના મુખ્યમંત્રીને લખવામાં આવેલા એક પત્રનો પણ ઉલ્લેખ કરવામાં આવ્યો છે. દાવા મુજબ, પ્રોપર્ટી બિલ્ડર લોબી અને રાજસ્થાનની એક ખાનગી કંપનીએ વિરાટ કોહલીને પ્રેમાનંદ મહારાજના આશ્રમમાં લાવવા માટે ₹5 કરોડ આપ્યા હતા. વિરાટ અને અનુષ્કા જાન્યુઆરી 2023માં પહેલીવાર આશ્રમ ગયા હોવાનું જણાવવામાં આવે છે.
દાવો કરનારાઓનું કહેવું છે કે આ પાછળનો હેતુ આશ્રમ અને પ્રેમાનંદ મહારાજની લોકપ્રિયતા વધારવાનો હતો. જોકે, ₹5 કરોડની ચૂકવણી અંગે કોઈ નક્કર પુરાવો જાહેરમાં સામે આવ્યો નથી.
વિરાટ-અનુષ્કા અનેક વખત કરી ચૂક્યા છે દર્શન
વિરાટ કોહલી અને અનુષ્કા શર્મા ત્યારબાદ પણ અનેક વખત પ્રેમાનંદ મહારાજના દર્શન કરી ચૂક્યા છે અને તેમના સત્સંગમાં હાજરી આપી છે. વિરાટે પણ અનેક પ્રસંગોએ તેમના પ્રત્યે આદર વ્યક્ત કર્યો છે.
Virat Kohli and Anushka Sharma at Vrindavan for blessings from Premanand Maharaj Ji🙏
Now, some CJP leaders will abuse Virat Kohli for this because they hate Premanand Maharaj Ji and eventually they will hate Virat and Anushka 🤨pic.twitter.com/QnBPx5Ixoq
આથી, હાલ ઉપલબ્ધ માહિતીના આધારે વિરાટ કોહલી અને અનુષ્કાને આશ્રમમાં જવા માટે ₹5 કરોડ મળ્યા હોવાનો દાવો માત્ર એક આરોપ તરીકે જ સામે આવ્યો છે. તેની પુષ્ટિ કરતો કોઈ વિશ્વસનીય સત્તાવાર પુરાવો ઉપલબ્ધ નથી.
કોકરોચ જનતા પાર્ટી (CJP)ના સંસ્થાપક અભિજીત દિપકેએ કેન્દ્ર સરકાર પર નિશાન સાધતા ‘એક દેશ, એક રાજકીય પક્ષ’ સ્થાપવાનો ઈરાદો હોવાનો આરોપ લગાવ્યો છે.
તેમણે કહ્યું કે ‘એક દેશ, એક ચૂંટણી’ માત્ર એક નારો છે અને સરકારનો હેતુ દેશમાં એક જ રાજકીય પક્ષ સ્થાપવાનો છે.
દિપકેએ વધુમાં દાવો કર્યો કે CJPના કાર્યકર્તાઓને પોલીસ દ્વારા નોટિસ આપવામાં આવી રહી છે અને 10 ઓક્ટોબરે જંતર-મંતર ખાતે યોજાનારા વિરોધ પ્રદર્શનમાં ભાગ ન લેવા માટે દબાણ કરવામાં આવી રહ્યું છે.
દિપકેએ કહ્યું કે મહારાષ્ટ્ર પોલીસ દેશની શ્રેષ્ઠ પોલીસ ફોર્સમાંની એક છે અને દિલ્હી પોલીસે તેમની પાસેથી શીખવું જોઈએ. જોકે, તેમણે દાવો કર્યો કે ચંદ્રપુર પોલીસે CJPના કાર્યકર્તાઓને નોટિસ આપી છે, જેમાં તેમને જંતર-મંતરના આંદોલનમાં ભાગ ન લેવા જણાવાયું છે.
તેમણે એવો પણ દાવો કર્યો કે પોલીસ દ્વારા કાર્યકર્તાઓને દિલ્હી જવાના ખર્ચના સ્ત્રોત અંગે પણ પૂછપરછ કરવામાં આવી રહી છે.
‘પોલીસને કેવી રીતે ખબર કે આંદોલન હિંસક બનશે?’
દિપકેએ સવાલ ઉઠાવ્યો કે પોલીસ પહેલેથી જ કેવી રીતે કહી શકે કે વિરોધ પ્રદર્શન હિંસક બની શકે છે. તેમણે CJP કાર્યકર્તાઓને કથિત રીતે હિંસા ભડકાવતી સોશિયલ મીડિયા પોસ્ટ ન કરવા અપાયેલા પોલીસના નિર્દેશ પર પણ સવાલો ઉઠાવ્યા.
તેમણે કહ્યું કે CJP મહાત્મા ગાંધી અને ડૉ. બી.આર. આંબેડકરના વિચારોની વાત કરે છે, તો શું તેને પણ હિંસક માનવામાં આવે છે?
CJPએ અગાઉ ઇન્ડી બ્લોકના વિરોધ પ્રદર્શનનું સ્વાગત કરતાં જણાવ્યું હતું કે 10 ઓક્ટોબરનું તેનું આંદોલન કોઈ એક સંગઠનના નેતૃત્વ હેઠળનો કાર્યક્રમ નહીં, પરંતુ યુવાનોના વ્યાપક આહ્વાન તરીકે જોવું જોઈએ.
નવી દિલ્હી: મતદાર યાદીના વિશેષ સઘન પુનરીક્ષણ (SIR) અને મતદાર યાદીમાં કથિત અનિયમિતતાઓના મુદ્દે મંગળવારે દિલ્હીમાં વિપક્ષી દળોએ વિરોધ પ્રદર્શન કર્યું હતું. INDIA બ્લોકના નેતાઓએ મુખ્ય ચૂંટણી કમિશનર (CEC) જ્ઞાનેશ કુમારના રાજીનામાની માગ સાથે સંસદથી ચૂંટણી પંચની કચેરી સુધી માર્ચ કાઢ્યો હતો.
हम ज्ञानेश को छोड़ने वाले नहीं हैं इस्तीफा होगा – जरूर होगा
વિપક્ષી નેતાઓનો માર્ચ સંસદ માર્ગ નજીક પોલીસે અટકાવ્યો હતો. ત્યારબાદ રાહુલ ગાંધી, પ્રિયંકા ગાંધી વાડ્રા, અખિલેશ યાદવ સહિતના નેતાઓ અને સાંસદોએ રસ્તા પર ધરણા શરૂ કર્યા હતા. કેટલાક નેતાઓને પોલીસે અટકાયતમાં પણ લીધા હતા.
આ વિરોધમાં લોકસભામાં વિપક્ષના નેતા રાહુલ ગાંધી, કોંગ્રેસ સાંસદ પ્રિયંકા ગાંધી વાડ્રા, સમાજવાદી પાર્ટીના અધ્યક્ષ અખિલેશ યાદવ સહિત INDIA બ્લોકના અનેક નેતાઓ જોડાયા હતા. નેતાઓએ ચૂંટણી પંચ સુધી પહોંચવાનો પ્રયાસ કર્યો હતો, પરંતુ ભારે સુરક્ષા વ્યવસ્થાને કારણે તેમને રોકવામાં આવ્યા હતા.
વિપક્ષે SIR પ્રક્રિયા રદ કરવાની, કથિત રીતે દૂર કરાયેલા મતદારોના નામ પુનઃસ્થાપિત કરવાની અને CEC જ્ઞાનેશ કુમારના રાજીનામાની માગ કરી છે. વિપક્ષી દળો મતદાર યાદી પ્રક્રિયામાં પારદર્શિતા અને કથિત ગેરરીતિઓ અંગે સવાલ ઉઠાવી રહ્યા છે.
બીજી તરફ, ચૂંટણી પંચે મતદાર નોંધણીના ફોર્મ-6માં ફેરફાર કરાયો હોવાના આરોપ અંગે સ્પષ્ટતા કરી છે કે ફોર્મ-6માં ફેરફાર કરવામાં આવ્યો નથી, પરંતુ SIR પ્રક્રિયા અંતર્ગત તેની સાથે પૂરક ઘોષણા ફોર્મ ઉમેરવામાં આવ્યું છે.
વિશ્વની સૌથી ધનિક વ્યક્તિ એલન મસ્કની સંપત્તિમાં છેલ્લા નવ મહિનામાં સરેરાશ આશરે દરરોજ 10900 કરોડ રૂપિયાનો વધારો થયો હતો. ગયા સોમવારે પણ મસ્કની સંપત્તિમાં 62.6 અબજ ડોલરનો વઘધારો થયો હતો. મતલબ કે તેની સંપત્તિમાં એક જ દિવસમાં 6.8 ટકાનો વધારો થયો ગણાય. આ વધારા સાથે મસ્કની સંપત્તિ 977 અબજ ડોલર થઈ છે. બ્લૂમબર્ગ બિલિયોનેર્સના મતે ગઈ 12 ઓગષ્ટ પછી મસ્કની સંપત્તિમાં એક દિવસમાં સૌથી મોટો વધારો નોંધાયો છે. તેની આ વર્ષની અત્યાર સુધીની કુલ કમાણી ધ્યાનમાં લઈએ તો દર કલાકે તેની સંપત્તિમાં 454 કરોડ રૂપિયાનો વધારો થયો છે.
મસ્કની કમાણીમાં દર કલાકે થયેલા વધારાની ભારત સાથે સરખામણીએ કરીએ તો દેશમાં મસ્કની એક કલાકની કમાણીમાંથી 405 કિલોમીટરના રસ્તા બનાવી શકાય કે કેન્દ્રિય વિશ્વ વિદ્યાલયો જેવી 31 ઈમારતો બાંધી શકાય કે 10 કરોડના ખર્ચે એક નાની કે મધ્યમ હોસ્પિટલ બને તો એવી 45 હોસ્પિટલો બનાવી શકાય.
તાજેતરમાં 2026 એશિયન ગેમ્સમાં ભારતને વિમેન્સ ક્રિકેટમાં ગોલ્ડ મેડલ અપાવનારી ભારતીય મહિલા ક્રિકેટ ટીમના કેપ્ટન હરમનપ્રીત કૌરે ક્રિકેટના ત્રણેય ફોર્મેટના કેપ્ટન તરીકે રાજીનામું આપવાની જાહેરાત કરી છે.
હરમનપ્રીત કૌરે મિતાલી રાજ પછી કેપ્ટન તરીકેનો કાર્યભાર સંભાળ્યો અને ગયા વર્ષે ભારતને પ્રથમ ODI વર્લ્ડ કપ ટાઇટલ અપાવ્યું હતું. તેમની કેપ્ટનશીપ હેઠળ, ભારતે ત્રણેય ફોર્મેટમાં નોંધપાત્ર સફળતા મેળવી છે. હરમનપ્રીતે કહ્યું છે કે આ નિર્ણય સરળ નહોતો. તેણીએ લખ્યું, “આજે, હું ત્રણેય ફોર્મેટમાં ભારતીય મહિલા ક્રિકેટ ટીમના કેપ્ટન તરીકે રાજીનામું આપી રહી છું. આ સરળ નિર્ણય નથી. તે તેની સાથે યાદો, ક્ષણો, લાગણીઓ અને બલિદાન વહન કરે છે જે મારા બાકીના જીવન માટે મારી સાથે રહેશે.”
તેણે લખ્યું, “મેં મારી પાસે જે કંઈ હતું તે આ ટીમ અને ભારતીય મહિલા ક્રિકેટને આપ્યું છે – મારું લોહી, મારો પરસેવો, મારો સમય, ક્યારેક, મારી રમતનો એક ભાગ અને મારા જીવનનો હેતુ. એવી ક્ષણો આવી છે જ્યારે મેં મારી વ્યક્તિગત સિદ્ધિઓ, વ્યક્તિગત વિકાસ, હું મારા માટે જે ઇચ્છતી હતી તેને બાજુ પર રાખી દીધી છે કારણ કે હું માનતી હતી કે ટીમ પહેલા આવે છે.”
