HomeGujaratCNG ભરાવતી વખતે કારમાં જ બેસી રહો છો? કરજણના આ બ્લાસ્ટે ઉઠાવ્યો...

CNG ભરાવતી વખતે કારમાં જ બેસી રહો છો? કરજણના આ બ્લાસ્ટે ઉઠાવ્યો મોટો સવાલ

Date:

Related stories

મેટા ઓફિસમાં તોડફોડને લઈ ભાજપ-કોંગ્રેસ આમને-સામને, ભાજપે કોંગ્રેસને ગણાવી ‘ગુંડાઓની પાર્ટી’

નવી દિલ્હી/હૈદરાબાદ: સોશિયલ મીડિયા કંપની મેટા (Meta)ની ઓફિસમાં યુથ...

Video : મુંબઈમાં યુવક-યુવતી સાથે મારપીટનો વીડિયો વાયરલ, 8 સગીરો સામે ગુનો નોંધાયો

મુંબઈ: મુંબઈના કુર્લા વિસ્તારમાં યુવક અને યુવતી સાથે મારપીટ...

રાહુલ ગાંધીના નિવેદન પર ભાજપનો પલટવાર, કહ્યું- ભારતને બદનામ કરવા માટે પૈસા આપવામાં આવે છે!

નવી દિલ્હી: લોકસભામાં વિપક્ષના નેતા રાહુલ ગાંધીના વડાપ્રધાન પદને...
spot_img

ગુજરાતના કરજણ નજીક નેશનલ હાઇવે-48 પર આવેલા એક CNG પંપ પર ગેસ ભરાવતી વખતે કારમાં એવો પ્રચંડ બ્લાસ્ટ થયો કે વાહનના ફુરચા ઊડી ગયા.સદનસીબે, નિયમોનું ચુસ્ત પાલન કરીને કારમાં સવાર મુસાફરો બહાર ઊભા હોવાથી મોટી જાનહાનિ ટળી હતી, પરંતુ આ ભયાનક ધડાકાએ સૌના જીવ તાળવે ચોંટાડી દીધા હતા.

પ્રાપ્ત માહિતી અનુસાર, કરજણમાં જિંદાલ કંપનીની સામે સ્થિત એક પેટ્રોલ-CNG પંપ પર ચાલક પોતાની કારમાં ગેસ ભરાવવા આવ્યો હતો.પંપ કર્મચારીએ જેવો ગેસ ભરવાનું શરૂ કર્યું કે અચાનક કારની સીએનજી ટેન્ક ભયંકર અવાજ સાથે બ્લાસ્ટ થયો હતી.આ ધડાકો એટલો શક્તિશાળી હતો કે કારના પાછળના ભાગના પતરાં અને કાચના ટુકડાઓ અનેક મીટર દૂર સુધી હવામાં ફંગોળાયા હતા.આસપાસ ઉભેલા લોકોમાં ભારે અફરાતફરી અને દોડધામ મચી ગઈ હતી, જ્યારે નજીકમાં પાર્ક કરેલા અન્ય બે વાહનોને પણ બ્લાસ્ટની ઝપેટમાં આવવાથી ભારે નુકસાન પહોંચ્યું હતું.આ સમગ્ર હચમચાવી દેતી દુર્ઘટનાના સીસીટીવી (CCTV) ફૂટેજ પણ સોશિયલ મીડિયા પર વાયરલ થઈ રહ્યા છે.

ઘટનાની જાણ થતાં જ કરજણ ફાયર બ્રિગેડ અને પોલીસનો કાફલો તાત્કાલિક સ્થળ પર પહોંચી ગયો હતો.ફાયર વિભાગે તકેદારીના ભાગરૂપે જરૂરી પગલાં લઈ આગ લાગવાની કોઈપણ સંભાવનાને ટાળીને પરિસ્થિતિ પર કાબૂ મેળવ્યો હતો.હાલમાં, સત્તાધીશો દ્વારા ગેસ પંપ પરની સુરક્ષા વ્યવસ્થા અને બ્લાસ્ટ પાછળના ચોક્કસ કારણોની ઝીણવટભરી તપાસ ચાલી રહી છે.ટેન્કમાં કોઈ ટેકનિકલ ખામી, ક્ષમતા કરતા વધુ પ્રેશર અથવા ટેન્કનું ટેસ્ટિંગ ડ્યૂ-ડેટ વટાવી ચૂક્યા હોવાની શક્યતાઓ તપાસવામાં આવી રહી છે.આ ઘટના સ્પષ્ટ સંદેશ આપે છે કે સીએનજી પંપ પર ઇંધણ ભરાવતી વખતે વાહનમાંથી બહાર નીકળવાની સલામતી માર્ગદર્શિકાનું પાલન સીધી રીતે તમારી જિંદગી બચાવી શકે છે.

આ વિડીયો સીસીટીવી કેમેરામાં કેદ થયેલા બ્લાસ્ટની ચોક્કસ ક્ષણ અને તેની ભયાનકતા દર્શાવે છે, જે ભવિષ્યમાં સીએનજી ભરાવતી વખતે સાવચેતી રાખવાનું મહત્ત્વ સમજાવે છે.

Subscribe

Latest stories